1 Kronika
Ekkewe mwirimwirin Adam: Seni Seth tori nöün Noah kewe mwän(Genesis 5:1-32; 11:10-26)
1 Ikkeiir ekkewe mwirimwirin Adam: Seth, Enosh, 2Kenan, Mahalalel, Jared, 3Enok, Methuselah, Lamek me Noah.
4Nöün Noah kewe mwän:
Shem, Ham me Jafeth.
Ekkewe mwirimwirin Jafeth
5Ikkeiir ekkewe mwirimwirin Jafeth: Komer, Makok, Madai, Javan, Tubal, Meshek, me Tiras.
6Ekkewe mwirimwirin Komer: Ashkenaz, Rifath me Tokarmah.
7Ekkewe mwirimwirin Javan: Elishah, Tarshish, Kittim me Rodanim.
Ekkewe mwirimwirin Ham
8Iwe, ikkeiir ekkewe mwirimwirin Ham: Kush, Mizraim (iei Egypt), Put me Kanaan,
9Ekkewe mwirimwirin Kush: Seba, Havilah, Sabta, Raamah me Sabteka. Ekkewe mwirimwirin Raamah: Sheba me Dedan.
10Kush pwal i än Nimrod leewo. Nimrod iei i ätewe a siil me wón unusen fönüfan pwe i emön sounfiu mi pwora.
11Mizraim i leewon ekkewe chón Lud chón Anam, chón Lehab, chón Naftuh, 12chón Pathrus me chón Kaslu (ikkeiir chókewe ekkewe chón Filistia ra feitto seniir) me ekkewe chón Kaftor.
13Iwe, Kanaan a nöünätiw Sidon nöün we mwännichi me ekkewe chón Hit, 14chón Jebus, chón Amor, chón Kirkas, 15chón Hiv, chón Ark, chón Sin, 16chón Arvad, chón Zemar me chón Hamath.
Ekkewe mwirimwirin Shem
17Iwe, ikkeiir ekkewe mwirimwirin Shem: Elam, Asshur, Arfaksad, Lud me Aram. Ekkewe mwirimwirin Aram: Uz, Hul, Kether me Meshek (ika Mash).
18Arfaksad i semen Shelah, nge Shelah i semen Eber.
19A wor rüwömön nöün Eber mwän: Ewe emön itan Pelek - wewen Pelek, kinikinfesen - pwokiten lón fansoun an manaw, ekkewe aramasen fönüfan ra kinikin fesen lón mwiichen än aramas kapas mi sakkofesen o ra parasfeil. Iten pwiin Pelek we, Joktan.
20Joktan i semen Almodad, Shelef, Hazarmaveth, Jerah, 21Hadoram, Uzal, Diklah, 22Obal, Abimael, Sheba, 23Ofir, Havilah me Jobab. Ätekeei meinisin iir nöün Joktan.
24Iwe, ikkeiir ekkewe tettelin mwirimwirin Shem: Arfaksad, Shelah,
25Eber, Pelek, Reu,
26Seruk, Nahor, Terah,
27me Abram (a iteni Abraham me mwirin).
Ekkewe mwirimwirin Abraham(Genesis 25:12-16)
28Iwe, ikkeiir nöün Abraham kewe mwän: Isaak me Ishmael.
29Iwe, ikkeiir nöün Ishmael kewe mwän lón tettelin ar upwutiw: Nebajoth (iei i nöün we mwännichi), Kedar, Adbeel, Mibsam, 30Mishma, Dumah, Massa, Hadad, Tema, 31Jetur, Nafish me Kedemah. Ikkeiir nöün Ishmael kewe mwän.
32Iwe, ikkeiir nöün Keturah kewe mwän, iei i ülüpwülüwen Abraham we: Zimran, Jokshan, Medan, Midian, Ishbak me Shuah. Nöün Jokshan kewe mwän: Sheba me Dedan.
33Nöün Midian kewe mwän: Efah, Efer, Hanok, Abida me Eldaah. Ätekeei meinisin iir nöün Abraham me wón Keturah ülüpwülüwan we.
Ekkewe mwirimwirin Isaak
34Abraham i semen Isaak. Iwe, ikeiir nöün Isaak kewe mwän: Esau me Israel.
Ekkewe mwirimwirin Esau
35Iwe, ikkeiir nöün Esau kewe mwän: Elifaz, Reuel, Jeush, Jalam me Korah.
36Ekkewe mwirimwirin Elifaz: Teman, Omar, Zefi (ika Zefo), Katam me Kenaz. Nge Amalek nöün Elifaz me wón Timna.
37Ekkewe mwirimwirin Reuel: Nahath, Zerah, Shammah me Mizzah.
Ekkewe poputän aramasen Edom
38Iwe, ikkeiir ekkewe mwirimwirin Seir: Lotan, Shobal, Zibeon, Anah, Dishon, Ezer me Dishan.
39Ekkewe mwirimwirin Lotan: Hori me Homam (ika Heman). Fefinen Lotan we itan Timna.
40Ekkewe mwirimwirin Shobal: Alvan, Manahath, Ebal, Shefo me Onam. Ekkewe mwirimwirin Zibeon: Aiah me Anah.
41Iei i nöün Anah we mwän: Dishon. Nge ekkewe mwirimwirin Dison: Hemdan, Eshban, Ithran me Keran.
42Ekkewe mwirimwirin Ezer: Bilhan, Zaavan me Akan. Pwal ekkewe mwirimwirin Dishan: Uz me Aran.
Ekkewe samolun Edom
43Iwe, ikkeiir ekkewe king mi nemenem lón Edom me mwen an a wor ekkewe king lón Israel: Bela nöün Beor we mwän, iten an we telinimw Dinhabah.
44Iwe, lupwen Bela a mäló, Jobab nöün Zerah we mwän seni Bozrah a siwili lón wiisan wiisen king.
45Lupwen Jobab a mäló, Husham seni ewe fönüwen chón Teman a siwili lón wiisan wiisen king.
46Lupwen Husham a mäló, Hadad nöün Bedad we mwän a siwili lón wiisan wiisen king o nemenem seni ewe telinimw Avith. Ätei i ewe mi arosaló ewe mwiichen sounfiun Midian me lón ewe fönü Moab.
47Lupwen Hadad a mäló, Samlah seni ewe telinimw Masrekah a siwili lón wiisan wiisen king.
48Lupwen Samlah a mäló, Shaul seni ewe telinimw Rehoboth mi nóm órun ewe chaanpwuupwu Eufreitiis a siwili lón wiisan wiisen king.
49Lupwen Shaul a mäló, Baal-Hanan nöün Akbor we mwän a siwili lón wiisan wiisen king.
50Lupwen Baal-Hanan a mäló, Hadad a siwili lón wiisan wiisen king, nge a nemenem seni ewe telinimw Pau. Iten pwülüwen Hadad we, Mehetabel nöün Matred we fefin, nge Matred i nöün Me-Zahab fefin. 51Mwirin, pwal Hadad a mäló.
Ekkewe samolun Edom: Timna, Alvah, Jetheth, 52Oholibamah, Elah, Pinon, 53Kenaz, Teman, Mibzar, 54Makdiel me Iram. Ikkeiir ekkewe samolun Edom.
Nöün Israel kewe mwän
2 Iwe, ikkeiir nöün Israel kewe mwän: Reuben, Simeon, Levi, Judah, Issakar, Zebulun, 2Dan, Josef, Benjamin, Naftali, Kad me Asher.
Ekkewe mwirimwirin Judah
3Mi wor ülümön nöün Judah mwän me wón emön fiin Kanaan, nöün Shua fefin. Ikkeei iter: Er, Onan me Shelah. Nge Er, nöün Judah we mwännichi, emön mwän mi föfföringaw me fän mesen ewe SAMOL, iei minne, ewe SAMOL a niieló ätei. 4Me mwirin, Judah a nöüni rüwömön lippwe me wón Tamar. Neminnei i piin pwülüwen nöün Judah we mwän mi mäló. Iten ekkeei lippwe: Prez me Zerah. Iei minne, a wor üküükün limmön nöün Judah mwän meinisin.
5Iwe, ikkeiir nöün Perez kewe mwän: Hezron me Hamul.
6Ikkeiir nöün Zerah kewe mwän: Zimri, Ethan, Heman, Kalkol me Darda. Iir limmön meinisin.
7A wor emön nöün Karmi mwän itan Akar (ika Akan), nge Karmi i emön mwirimwirin Zerah. Ätei Akan emön chón awarato feiengaw wón Israel ren an angei liäper kewe mi käimwüló fäniten ewe SAMOL.
8Iwe, nöün Ethan mwän: Azariah.
Ewe tettel seni nöün nöün Judah we itan Hezron tori David
9Ikkeiir nöün Hezron kewe mwän: Jerahmeel, Ram me Kelubai (ika Kaleb).
10Iwe, Ram i semen Amminadab. Amminadab i semen Nahshon, i emön souemmwenin Judah. 11Nahshon i semen Salma (ika Salmon). Salma i semen Boaz. 12Boaz i semen Obed. Obed i semen Jesse.
13Iwe, Jesse i semen Eliab, nöün we mwännichi. Nöün we örüwömönün, Abinadab. Nöün we öülümönün, Shimea. 14Nöün we öfömönün, Nethanel. Nöün we elimmönün, Raddai. 15Nöün we awonomönün, Ozem. Iwe, nöün we öfüümönün, David. 16Iwe, fefiner kewe iter Zeruiah me Abikail. Iwe, a wor ülümön nöün Zeruiah mwän iter Abishai, Joab me Asahel. 17Nge Abikail i inen Amasa, iten saman Jether, emön mwirimwirin Ishmael.
Mwirimwirin nöün Hezron we mwän itan Kaleb
18Iwe, nöün Hezron we mwän itan Kaleb a wor rüwömön pwülüwan iter Azubah me Jerioth. Iwe, Kaleb a nöüni me wón Azubah ekkeei mwän iter Jesher, Shobab me Ardon. 19Nge mwirin än Azubah a mäló, Kaleb a pwülüweni Efrathah. Iwe, a wor emön nöüür äät itan Hur. 20Iwe, Hur i semen Uri, nge Uri i semen Bezalel.
21Me mwirin, lupwen Hezron a wone ierin, a pwülüweni fefinen Kilead we, iei i nöün Makir we fefin. Makir i semen Kilead. Iwe, a wor emön nöüür äät ra eita ngeni Sekub. 22Iwe, Sekub i semen Jair, ätewe mi nemeni rüwe me ülüngät telinimw me lón ewe fönü Kilead. 23(Me mwirin än ekkewe chón Keshur me Aram ra liäpeni ewe telinimw Havvoth Jair, ra pwal angei Kenath fiti wiisópwósópwun kewe wone mi nóm pwellin üküükün.) Ekkewe aramas meinisin mi nóm lón ekkeei leeni iir mwirimwirin Makir semen Kilead we.
24Mwirin chök än Hezron a mäló me lón ewe telinimw Kaleb Efrathah, pwülüwan we itan Abijah a nöüni emön äät o eita ngeni Ashur. Ashur i semen ekkewe chón Tekoa.
Mwirimwirin nöün Hezron we mwän itan Jerahmeel
25Jerahmeel i nöün Hezron mwännichi. Iwe, ikkeiir nöün Jerahmeel kewe mwän: Ram (ewe mwännichi), Bunah, Oren, Ozem me Ahijah. 26Mi wor pwal emön örüwömönün pwülüwen Jerahmeel itan Atarah. Neminnei i inen Onam.
27Iwe, ikkeiir nöün Ram, nöün Jerahmeel we mwännichi: Maaz, Jamin me Eker.
28Ikkeiir nöün Onam kewe mwän: Shammai me Jada. Iwe, ikkeiir nöün Shammai kewe mwän: Nadab me Abishur.
29Pwülüwen Abishur we itan Abihail. Abishur a nöüni Ahban me Molid me wón Abihail.
30Iwe, ikkeiir nöün Nadab kewe mwän: Seled me Appaim. Seled a mäló nge esap wor nöün.
31Nge mi wor emön nöün Appaim mwän itan Ishi. Iwe, Ishi a nöüni Sheshan. Nge Sheshan i semen Ahlai.
32A wor rüwömön nöün Jada pwiin Shammai we. Ikkeei iter: Jether me Jonathan. Iwe, Jether a mäló nge esap wor nöün.
33Nge a wor rüwömön nöün Jonathan äät iter Peleth me Zaza. Ikkeiir mwirimwirin Jerahmeel meinisin.
34Iwe, esap wor nöün Sheshan mwän, nge a chök wor nöün fefin. Mi pwal wor emön re Egypt nöün Sheshan amanaw itan Jarha. 35Sheshan a öpwüpwülüwa ngeni nöün we chón angang Jarha emön leiin nöün kewe fefin. Iwe, ra nöüni emön äät o eita ngeni Attai.
36Iwe, Attai i semen Nathan. Nathan i semen Zabad.
37Zabad i semen Eflal. Eflal i semen Obed.
38Obed i semen Jehu. Jehu i semen Azariah.
39Azariah i semen Helez. Helez i semen Eleasah.
40Eleasah i semen Sismai. Sismai i semen Shallum.
41Shallum i semen Jekamiah. Jekamiah i semen Elishama.
Mwirimwirin nöün Hezron we mwän itan Kaleb
42Ikkeiir nöün Kaleb pwiin Jerahmeel we: Mesha i nöün Kaleb we mwännichi. Mesha i semen Zif. Iwe, pwal nöün Kaleb we emön mwän itan Maresha, i semen Hebron.
43Iwe, ikkeiir nöün Hebron kewe mwän: Korah, Tappuah, Rekem me Shema. 44Shema i semen Raham. Raham i semen Jorkeam. Rekem i semen Shammai. 45Iwe, Shammai a nöüni Maon.Nge Maon i semen Beth Zur.
46Ülüpwülüwen Kaleb we itan Efah i inen Haran, Moza me Kazez. Iwe, Haran i semen Kazez.
47Ikkeiir nöün Jahdai kewe mwän: Rekem, Jotham, Keshan, Pelet, Efah me Shaaf.
48Pwal emön ülüpwülüwen Kaleb we itan Maakah i inen Sheber me Tirhanah. 49Mwirin, neminnei a pwal nöüni Shaaf, (iei i semelapen chón Madmannah), me Sheva (iei i semelapen chón Makbenah me Kibea). A pwal wor emön nöün Kaleb we fefin itan Aksah. 50Ikkeiir ekkewe mwirimwirin Kaleb meinisin.
Mwirimwirin Hur nöün Kaleb we mwän
Hur i nöün Kaleb we mwännichi. Ikkeiir nöün kewe a nöüni me wón pwülüwan we itan Efratah: Shobal, (iei i semelapen chón Kiriath Jearim), 51Salma, (iei i semelapen chón Bethlehem) me Haref (iei i semelapen chón Beth Kader).
52Ikkeiir ekkewe mwirimwirin Shobal, (iei i ewe semelapen chón Kiriath Jearim): Ekkewe chón Haroeh, esópun ekkewe chón Manahath, 53me ekkewe familien Kiriath Jearim, ikkeiir ekkewe chón Ithri, chón Puth, chón Shumath me chón Mishra, ekkewe aramasen Zorah me Eshtaol ra feitto seniir.
54Iwe, ikkeiir ekkewe mwirimwirin Salma: Bethlehem, ekkewe chón Netofath, chón Atroth-beth-joab, ewe pwal esópun chón Manahath, ekkewe chón Zor, 55me ekkewe familien ekkewe soummak mi nóm lón Jabez, ikkeiir ekkewe chón Tirath, chón Shimeath me chón Sukath. Ekkeei meinisin iir chón Ken mi mwirimwirito seni Hamath, semelapen ewe familien Rekab.
Ekkewe mwirimwirin David
3 Ikkeiir nöün David kewe mwän mi upwu ngeni me lón Hebron:
Amnon, ewe mwännichi. Iten inan, Ahinoam ewe fiin Jezreel. Daniel(ika Kileab), ewe örüwömönün. Iten inan, Abikail ewe fiin Karmel.
2Absalom, ewe öülümönün, iten inan, Maakah, nöün Talmai we fefin, nge Talmai i ewe kingen Keshur. Adonijah, ewe öfömönün, iten inan, Hakkith,
3Shefariah, ewe elimmönün, iten inan, Abital. Ithream, ewe awonomönün, iten inan, Eklah.
4Ikkeiir ekkewe wonomön mwän ra upwu ngeni David me lón Hebron, ia i a nemenem ie lón üküükün fisu ier me wonu maram.
Mwirin, David a amwökütaló ewe möküren telinimw ngeni Jerusalem ia i a nemenem ie lón üküükün iliik me ülüngät ier. 5Iwe, ikkeiir nöün David kewe mwän ra upwu ngeni me lón Jerusalem:
Shammua, Shobab, Nathan me Solomon. Ekkeei fömön mwän David a nöüniir me wón Bathsheba, nöün Ammiel we fefin. 6Nge a pwal wor tiwemön nöün David mwän a nöüniir me lón Jerusalem: Ibhar, Elishua (ika Elishama), Elifelet (ika Elpelet), 7Nokah, Nefek, Jafia, 8Elishama, Eliada me Elifelet. 9Ikkeiir nöün David kewe mwän meinisin nge resap pacholong nöün kewe mwän me wón ülüpwülüwan kewe. Iwe, a pwal wor emön nöün David fefin itan Tamar
Ekkewe mwirimwirin Solomon
10Iwe, ikkeiir ekkewe mwirimwirin Solomon: Solomon a nöüni Rehoboam, Rehoboam a nöüni Abijah, Abijah a nöüni Asa, Asa a nöüni Jehoshafat,
11Jehoshafat a nöüni Jehoram (ika Joram), Jehoram a nöüni Ahaziah, Ahaziah a nöüni Joash,
12Joash a nöüni Amaziah, Amaziah a nöüni Azariah (ika Uzziah), Azariah a nöüni Jotham,
13Jotham a nöüni Ahaz, Ahaz a nöüni Hezekiah, Hezekiah a nöüni Manassah,
14Manassah a nöüni Amon, nge Amon a nöüni Josiah.
15Iwe, a wor fömön nöün Josiah kewe mwän: Johanan (ewe mwännichi), Jehoiakim (ewe örüwömönün), Zedekiah (ewe öülümönün), Shallum (ika Jehoahaz, ewe öfömönün).
16Nöün Jehoiakim we mwän itan Jehoiachin (ika Jekoniah) a siwili saman we lón wiisan we wiisen king. Nge, pwiin semen Jehioachin we itan Zedekiah a siwili Jehoiachin lón wiisan we wiisen king.
Ekkewe mwirimwirin Jehoiachin
17Iwe, ikkeiir nöün Jehoiachin kewe mwän, ätewe ekkewe chón Babylon ra uweeló pwe i chón kalapwuus: Shealtiel,
18Malkiram, Pedaiah, Shenazzar, Jekamiah, Hoshama me Nedabiah.
19Iwe, nöün Pedaiah kewe mwän: Zerubbabel me Shimei. Nge nöün Zerubbabel kewe mwän: Meshullam me Hananiah.Iwe, a wor emön fefinen ätekeei itan Shelomith.
20Nge a wor pwal limmön nöün Zerubbabel mwän: Hashubah, Ohel, Berekiah, Hasadiah me Jushab-Hesed.
21Nöün Hananiah kewe mwän: Pelatiah me Jeshaiah. Iwe, Jeshaiah a nöüni Refaiah. Refaiah a nöüni Arnan. Arnan a nöüni Obadiah. Nge Obadiah a nöüni Shekaniah.
22Iwe, ikkeiir ekkewe mwirimwirin Shekaniah: Shemaiah me nöün kewe mwän iter Hattush, Ikal, Bariah, Neariah me Shafat. Iir wonomön meinisin.
23Iwe, a wor ülümön nöün Neariah mwän: Elioenai, Hizkiah me Azrikam.
24Nge a wor füümön nöün Elioenai mwän: Hodaviah, Eliashib, Pelaiah, Akkub, Johanan, Delaiah me Anani. Iir meinisin füümön.
Pwal ekkóch mwirimwirin Judah
4 Iwe, pwal ikkeiir ekkóch mwän iir mwirimwirin Judah: Perez, Hezron, Karmi, Hur me Shobal.
2Nöün Shobal we mwän itan Reaiah i semen Jahath. Jahath i semen Ahumai me Lahad. Ikkeiir ekkewe eterengesin ekkewe chón Zorah.
3Iwe, ikkeiir ekkewe mwirimwirin Etam: Jezreel, Ishma me Idbash, nge fefiner we itan Hazzelelponi. 4Pwal Penuel iei i semen ekkewe chón Kedor me Ezer iei i semen ekkewe chón Hushah. Ikkeiir ekkewe mwirimwirin Hur, nöün Efrathah we mwännichi, iei i än ekkewe chón Bethlehem leewo.
5Ashur (i semelapen ekkewe chón Tekoa) a wor rüwömön pwülüwan iter Helah me Naarah.
6Naarah a nöüni me wón Ashur: Ahuzzam, Hefer, Temeni me Haahashtari. Ikkeiir ekkewe mwirimwirin Naarah.
7Ikkeiir nöün Helah kewe mwän: Zereth, Izhar, Ethnan, 8me Koz, iei i semen Anub, Zobebah me ekkewe eterengesin Aharhel nöün Harum we mwän.
9A wor emön mwän itan Jabez i a koon iteföüló seni pwiin kana. Inen ätei we a eita ngeni i Jabez, pün a apasa, “Üwa nöünätiw ätei lón äi cheeuch.” 10Jabez ewe emön mi siö ngeni ewe Koten Israel lón an iótek o apasa, “Oh amwo itä kopwe wesewesen efeiöchüei o äwätteló kiänin fönüwei! Kose mochen kopwe fitiei lón meinisin minne ngang üwa föri o kopwe tümwünüwei seni minne mi ngaw me metek meinisin.” Iwe, Kot a mwüütätä ngeni minne i a tungór.
11Kelub pwiin Shuhah we i semen Mehir. Mehir i semen Eshton. 12Eshton i semen Beth-Rafa, Paseah me Tehinnah. Nge Tehinnah i semen Ir-Nahash. Ikkeiir ekkewe mwirimwirin Rekah.
13Nöün Kenaz kewe mwän: Othniel me Seraiah. Nöün Othniel kewe mwän: Hathath me Meonothai. 14Meonothai i semen Ofrah. Seraiah i semen Joab, semen ekkewe chón Ke-harashim. Ei leeni a iteni ei iit, pwokiten ekkewe aramas mi nóm lón ra sipeöch le föri angangen wón paaw.
15Kaleb nöün Jefunneh we mwän a nöüni ekkeei mwän: Iru, Elah me Naam. Nöün Elah we mwän: Kenaz.
16Nöün Jehallelel kewe mwän: Zif, Zifah, Tiria me Asarel.
17Nöün Ezrah kewe mwän: Jether, Mered, Efer me Jalon. Mered a pwülüweni emön fiin Egypt nöün Farao föpwül itan Bithiah. Iwe, neminnewe a pwoopwo o nöüni emön nengngin itan Miriam me rüwömön äät iter Shammai me Ishbah. Ishbah iei i semelapen ekkewe chón Eshtemoa. 18Mered a pwal pwülüweni emön fiin Judah. Iwe, neminnewe a nöüni Jered (iei i semelapen ekkewe chón Kedor), Heber (iei i semelapen ekkewe chón Soko), me Jekuthiel (iei i semelapen ekkewe chón Zanoah).
19Nöün pwülüwen Hodiah we fefinen Naham: Iei i semen Keilah ewe chón Karm, me semen Esthemoa ewe chón Maakah.
20Nöün Shimon kewe mwän: Amnon, Rinnah, Ben-Hanan me Tilon. Ekkewe mwirimwirin Ishi: Zoheth me Ben-Zoheth.
Ekkewe mwirimwirin Shelah nöün Judah we mwän
21Ekkewe mwirimwirin Shelah nöün Judah we mwän: Er i semen Lekah. Laadah i semen Mareshah me ekkewe familien chókewe mi angang ngeni mangaku mi pwechepwech mi nóm lón Beth Ashbea, 22Jokim me ekkewe aramasen Kozeba me Joash me Saraf, iir ekkewe mi nemenem lón Moab me Jashubi-Lehem. (Ekkeei iit meinisin ra feitto seni ekkewe pwuken uruwon lóóm lóóm.) 23Ikkeiir ekkewe chón föri sepi seni pwül mi nónnóm lón Netaim me Kederah. Iir meinisin ra nóm ikenan o angang fäniten ewe king.
Ekkewe mwirimwirin Simeon
24Iwe, ikkeiir nöün Simeon kewe mwän: Nemuel, Jamin, Jarib, Zerah me Shaul.
25Ekkewe mwirimwirin Shaul: Shallum, Mibsam me Mishma.
26Ekkewe mwirimwirin Mishma: Hammuel, Zakkur me Shimei.
27Iwe, a wor engol me wonomön nöün Shimei mwän me wonomön nöün fefin. Nge esap wor emön me leiin pwiin kewe a chómmóng nöüür. Iei usun chón ewe einangen Simeon resap chómmóngóló usun chómmóngun chón ewe einangen Judah. 28Ekkewe mwirimwirin Simeon ra nóm lón Beersheba, Moladah, Hazar-shual, 29Bilhah, Ezem, Tolad, 30Bethuel, Hormah, Ziklak, 31Beth-markaboth, Hazar-susim, Beth-biri me Shaaraim. Ekkeei telinimw ra nóm fän nemenier tori ewe fansoun King David a poputä le nemenem. 32Mwirimwiriir kewe ra pwal nóm lón ekkewe limu telinimw iter Etam, Ain, Rimmon, Token me Ashan, 33fiti wiisópwósópwur kewe mi pwellieló ekkeei telinimw, achööwaló ngeni Baalath. Iei kinikinin fönüwer. Iwe, ekkeei iit ra makketiw lón uruwon tettelin ar kewe famili.
34Iwe, ikkeiir ekkewe pwal ekkóch mwirimwirin Simeon mi pachelong Meshobab, Jamlek, Joshah nöün Amaziah we mwän, 35Joel, Jehu nöün Joshibiah we mwän. Joshibiah nöün Seraiah, nge Seraiah nöün Asiel, 36pwal Elioenai, Jaakobah, Jeshohaiah, Asaiah, Adiel, Jesimiel, Benaiah, 37me Ziza nöün Shifi we mwän. Shifi nöün Allon, Allon nöün Jedaiah, Jedaiah nöün Shimri, nge Shimri nöün Shemaiah.
38Ekkewe mwän mi makketiw iter asan iir ekkewe souemmwenin än Simeon kewe chóó. Ar kewe famili ra chómmóngóló, 39iei minne ra sääiló ngeni kinikinin ewe telinimw Kedor kükkü ngeni peliöötiwen ewe leemól, pwe repwe kütta ewe leeni ia a wor fetil ie fäniten nöüür kewe pwiin siip. 40Iwe, ra künökün leeni ia a wor chómmóng fetil ie fäniten nöüür kewe pwiin siip me ikenan, pwal ewe fönü a fókkun wääwä, mósónósón me kinamwe. Ekkóch ekkewe mwirimwirin Ham ra piin nóm lón Kedor me mwan.
41Nge lupwen fansoun än King Hezekiah nemenem lón Judah, ekkewe souemmwenin än Simeon kewe chóó mi makketiw iter asan, ra feitto tööki Kedor o ataeló imwen ekkewe mwirimwirin Ham me ekkewe chón Meun mi nóm ikenan. Iwe, ra niieló iteiten emön me emön mi nónnóm ikenan, iei minne esap chüen wor mwirimwiriir tori ikenäi. Mwirin, ra tolong o nóm lón fönüwer, pwokiten ra mochen ar repwe ääni ekkewe leenien fetil mi mwirinnö fäniten nöüür kewe pwiin siip. 42Iwe, a wor üküükün limepwükü ekkeei mwän seni chón ewe einangen Simeon ra feilló ngeni ewe chuuk Seir pwe repwe tööki fän emmwenien Pelatiah, Neariah, Refaiah me Uzziel, iir meinisin nöün Ishi mwän. 43Mwirin, ra niieló ekkewe ekkóch chón Amalek mi chüen manaw. Iwe, ra nónnóm ikenan seni ena fansoun tori ikenäi.
Ekkewe mwirimwirin Reuben
5 Reuben i nöün Israel we mwännichi. I a wesewesen upwutiw akkomw, nge pwokiten i a elimengawa kien saman we ren an kóón ren emön leiin ülüpwülüwen saman we, iei minne wiisan we wiisen mwännichi a ló ngeni ekkewe mwän nöün Josef pwiin we. Ren ei popun, esap makkolong lón ewe pwuken uruwo pwe Reuben i ewe mwännichi. 2Ina mwo are ekkewe mwirimwirin Judah ra ew einang mi pöchökkül me leiin einangen pwiin kewe, pwal i a awora emön samol fäniten ewe mwüü, nge ewe wiisen mwännichi a ló ngeni Josef. 3Iwe, ikkeiir ekkewe mwän nöün Reuben, iei i nöün Israel we mwännichi:
Hanok, Pallu, Hezron me Karmi.
4Ekkewe mwirimwirin Joel: Joel a nöüni Shemaiah, Shemaiah a nöüni Kok, Kok a nöüni Shimei, 5Shimei a nöüni Mikah, Mikah a nöüni Reaiah, Reaiah a nöüni Baal, 6Baal a nöüni Beerah. Beerah i ewe souemmwenin chón ewe einangen Reuben lupwen Tiklath-Pileser ewe kingen Assyria a liäpeniir o uweereló.
7Iwe, ikkeiir määrärin Beerah kewe mi makketiw lón tettelin uruwon pilóón aramasen ar kewe eterenges: Jeiel (iei i ewe souemmwen), Zekariah, 8me Bela nöün Azaz we mwän. Azaz nöün Shema, nge Shema nöün Joel. Ekkeei chón ewe einangen Reuben ra nónnóm lón ewe kinikinin fönü mi keiiló seni Aroer tori Nebo me Baal-meon. 9Iwe, pwokiten a wor chómmóng nöüür pwiin maan me lón ewe fönü Kilead, iei minne, ra meresiló ngeni öötiwen ewe fönü tori leepökütiwen ewe fönüpöön mi keiiló ngeni ewe chaanpwuupwu Eufreitis.
10Lupwen fansoun än ewe King Saul nemenem, ekkewe chón ewe einangen Reuben ra maun ngeni ekkewe mwirimwirin Hakri o ra niireló. Mwirin, ra mwökütülong lón imwen ekkewe mwirimwirin Hakri o fönüweni unusen ewe fönü mi nóm älein öötiwen leepökütiwen Kilead.
Ekkewe mwirimwirin Kad
11Iwe, chón ewe einangen Reuben ra nónnóm lón ewe fönü Bashan äwenewenen ekkewe mwirimwirin Kad mi meresiló ngeni öötiw tori Salekah. 12Joel i ewe souemmwen me lón ewe fönü Bashan, nge Shafam i ewe kisiton fän, fiti Janai me Shafat.
13Nge ikkeiir määräriir kewe, iir ekkewe souemmwenin ekkewe pwal ekkóch fisu eterenges: Mikael, Meshullam, Sheba, Jorai, Jakan, Zia me Eber. 14Ikkeiir meinisin ekkewe mwirimwirin Abihail nöün Huri we mwän. Huri i nöün Jaroah, Jaroah i nöün Kilead, Kilead i nöün Mikael, Mikael i nöün Jeshishai, Jeshishai i nöün Jahdo, nge Jahdo i nöün Buz. 15Ahi i nöün Abdiel we mwän, nge Abdiel i nöün Kuni, i ewe souemmwenin ar kewe eterenges.
16Ekkewe chón ewe einangen Kad ra nónnóm lón ewe fönü Kilead, lón Bashan me wiisópwósópwun kewe, pwal leemelen ewe maasiesin Sharon.
17Ekkeei aramas meinisin ra makkelong lón tettelin uruwon ar kewe leewo lón fansoun mwüün Jotham kingen Judah me Jeroboam kingen Israel.
Ekkewe einang Ööötiwen ewe chaanpwuupwu Jordan
18Iwe, a wor üküükün 44,760 mwän mi pwora o sipeöch le maun me lón ekkewe mwiichen sounfiu seni ekkewe einangen Reuben, Kad me ewe esóp einangen Manassah. Iir meinisin ra sipeöch lón maun, ra pwal tongeni uwoow pisekin eppet lón maun me ketilas, ra pwal tongeni nöünöü esefich. 19Ra maun ngeni ekkewe chón Hakri, chón Jetur, chón Nafish me chón Nodab. 20Iwe, ra siö ngeni Kot pwe epwe älisiir lón ewe maun. Iwe, Kot a öüselinga ar iótek pwokiten ra anómwu ar apilükülük wón i. Iei minne ra tongeni okkufu ekkewe chón Hakri me pelieer kewe meinisin. 21Iwe, üküükün liäpeer ra angei seni ekkewe chón Hakri a pacholong lime ngöröw kamel, rüwöpwükü lime ngöröw siip me ruu ngöröw dongki. Ra pwal liäpeni üküükün ipwükü ngöröw aramas. 22Chómmóng me leiin ekkewe chón Hakri ra ninniiló me lón ewe maun, pwokiten Kot a maun ngeniir. Iei minne, chón ekkeei einang ra nónnóm lón fönüwer tori ewe fansoun ra ooló.
23Iwe, chón ewe esóp eiangen Manassah ra fókkun chómmóng, iei minne ra meresfeil leemelen unusen ewe fönü seni Bashan tori Baal Hermon, iei Senir (ewe chuuk Hermon).
24Iwe, ikkeiir ekkewe móngómalen ar kewe eterenges: Efer, Ishi, Eliel, Azriel, Jeremiah, Hadoviah me Jahdiel. Emön me emön leiin ekkeei mwän a iteföüló pwe i sounfiu mi pwora me móngómalen lón an chóó. 25Nge iir resap ölükülük o ra atai ar pwon ngeni ewe Kot än ar kewe leewo. Pün ra fel ngeni ekkewe kot än chón ekkewe mwüü, Kot a fen arosereló me mweer. 26Iei minne, ewe Koten Israel a etipetipätä letipen Pul ewe kingen Assyria (pwal iei i Tiklath-Pileser) pwe epwe tööki ewe fönü o uwealó ekkewe aramas seni ewe einangen Reuben, ewe einangen Kad me ewe esóp einangen Manassah. Pul a uwealó ekkewe aramas ngeni Halah, Habor, Hara pwal órun ewe chaanpwuupwu Kozan, ia ra nóm ie tori ikenäi.
Ewe leewon souasór
6 Iwe, ikkeiir nöün Levi kewe mwän: Kershon, Kohat me Merari.
2Nöün Kohat kewe mwän: Amram, Izhar, Hebron me Uzziel
3Nöün Amram kewe: Aaron, Moses me Miriam. Nöün Aaron kewe mwän: Nadab, Abihu, Eleazar me Ithamar.
4Eleazar i semen Finehas. Finehas i semen Abishua.
5Abishua i semen Bukki. Bukki i semen Uzzi.
6Uzzi i semen Zerahiah. Zerahiah i semen Meraioth.
7Meraioth i semen Amariah, Amariah i semen Ahitub.
8Ahitub i semen Zadok. Zadok i semen Ahimaaz.
9Ahimaaz i semen Azariah. Azariah i semen Johanan.
10Johanan i semen Azaria, ewe souasór mi lap lón ewe Imwenfel Solomon a öüüwetä lón Jerusalem.
11Iwe, Azariah i semen Amariah. Amariah i semen Ahitub.
12Ahitub i semen Zadok. Zadok i semen Shallum.
13Shallum i semen Hilkiah. Hilkiah i semen Azariah.
14Azariah i semen Seraiah. Seraiah i semen Jehozadak,
15iei i ätewe mi ooló, lupwen ewe SAMOL a ösüüweló ekkewe chón Judah me chón Jerusalem pwe repwe ooló ren Nebukadnezzar.
Än chón ewe einangen Levi kewe eterenges
16Nöün Levi kewe mwän: Kershon, Kohat me Merari.
17Ikkeei iten nöün Kershon kewe mwän: Libni me Shimei.
18Nöün Kohat kewe mwän: Amram, Izhar, Hebron me Uzziel.
19Nöün Merari kewe mwän: Mahli me Mushi.
Ikkeei ekkewe eterengesin ewe einangen Levi mi tettelitiw fan alóngólóng wón semelaper kewe:
20Ekkewe mwirimwirin Kershon: Kershon a nöüni Libni, Libni a nöüni Jahat, Jahat a nöüni Zimmah, 21Zimmah a nöüni Joah, Joah a nöüni Iddo, Iddo a nöüni Zerah, nge Zerah a nöüni Jeatherai.
22Ekkewe mwirimwirin Kohat: Kohat a nöüni Amminadab, Amminadab a nöüni Korah, Korah a nöüni Assir, 23Assir a nöüni Elkanah, Elkanah a nöüni Abiasaf, Abiasaf a nöüni Assir, 24Assir a nöüni Tahath, Tahath a nöüni Uriel, Uriel a nöüni Uzziah, nge Uzziah a nöüni Shaul.
25Ekkewe mwirimwirin Elkanah: Amasai a nöüni Ahimoth, 26Ahimoth a nöüni Elkanah, Elkanah a nöüni Zofai, Zofai a nöüni Nahath, 27Nahath a nöüni Eliab, Eliab a nöüni Jeroham, Jeroham a nöüni Elkanah, Elkanah a nöüni Samuel.
28Iwe, nöün Samuel kewe mwän: Joel (ewe mwännichi) me Abijah (ewe örüwömönün).
29Ekkewe mwirimwirin Merari: Mahli a nöüni Libni, Libni a nöüni Shimei, Shimei a nöüni Uzzah, 30Uzzah a nöüni Shimea, Shimea a nöüni Hakkiah, nge Hakkiah a nöüni Asaiah.
Ekkewe chón kööl lón ewe Imwenfel
31Iwe, ikkeiir ekkewe mwän David a filiiretä pwe iir repwe chón emmweni ekkewe kööl me lón imwen ewe SAMOL we me mwirin an atolonga ewe Pwórofel ikenan. 32Iir ra wiisen kööl me lón ewe Imwenfel mangaku, iei ewe leeni aramas ra chuuri Kot ie, tori Solomon a wes le öüüwetä än ewe SAMOL we Imwenfel lón Jerusalem. Mwirin, ra föri ar angang ikenan ren ar fiti pwüngün ekkewe kapasen öüröür mi kawor ngeniir fäniten ar angang.
33Iwe, ikkeiir ekkewe mwän mi föri ewe angang fiti nöüür kewe mwän:
Seni ewe eterengesin Kohat: Heman ewe soukööl, i nöün Joel, nge Joel nöün Samuel,
34Samuel nöün Elkanah, Elkanah nöün Jeroham, Jeroham nöün Eliel, Eliel nöün Toah,
35Toah nöün Zuf, Zuf nöün Elkanah, Elkanah nöün Mahath, Mahath nöün Amasai,
36Amasai nöün Elkanah, Elkanah nöün Joel, Joel nöün Azariah, Azariah nöün Zefaniah,
37Zefaniah nöün Tahath, Tahath nöün Assir, Assir nöün Abiasaf, Abiasaf nöün Korah,
38Korah nöün Izhar, Izhar nöün Kohath, Kohath nöün Levi, nge Levi nöün Israel.
39Iwe, mi wor emön chienen Heman itan Asaf. Ätei Asaf i äemönün chón älillisin Heman seni ewe eterengesin Kershon mi üütä peliifichin fiti an mwiichen kööl. Asaf i nöün Berekiah, Berekiah nöün Shimea,
40Shimea nöün Mikael, Mikael nöün Baaseiah, Baaseiah nöün Malkijah,
41Malkijah nöün Ethni, Ethni nöün Zerah, Zerah nöün Adaiah,
42Adaiah nöün Ethan, Ethan nöün Zimmah, Zimmah nöün Shimei,
43Shimei nöün Jahath, Jahath nöün Kershon, nge Kershon nöün Levi.
44Iwe, Ethan i ewe örüwömönün chón älillisin Heman, seni ewe eterengesin Merari mi üütä peliimöngün fiti an mwiichen kööl. Ethan i nöün Kishi nge Kish nöün Abdi, Abdi nöün Malluk,
45Malluk nöün Hashabiah, Hashabiah nöün Amaziah, Amaziah nöün Hilkiah,
46Hilkiah nöün Amzi, Amzi nöün Bani, Bani nöün Shemer,
47Shemer nöün Mahli, Mahli nöün Mushi, Mushi nöün Merari, nge Merari nöün Levi.
48Määräriir kewe, pwal chón ewe einangen Levi, ra kefilitä pwe repwe wiisen föri ekkewe pwal ekkóch angang lón ewe Imwenfel mangaku, iei ewe imwen Kot.
Ekkewe mwirimwirin Aaron
49Nge Aaron chök me mwirimwirin kana a mwüümwütä ngeniir pwe iir repwe souasór. Iir ra ääni ekkewe asór wón ewe róngen asóren keek pwal wón ewe róngen asóren ötüöt, pwal pacholong ekkewe angang meinisin ra föri lón ewe Leeni mi Unusen Pin. Iir ra föri asóren omwusomwusen tipis fäniten chón Israel, alóngólóng wón ekkewe öllük meinisin minne Moses nöün Kot we chón angang a ngeniir.
50Iwe, Ikkeiir ekkewe mwirimwirin Aaron: Eleazar, nge Eleazar a nöüni Finehas, Finehas a nöüni Abishua, 51Abishua a nöüni Bukki, Bukki a nöüni Uzzi, Uzzi a nöüni Zerahiah,
52Zerahiah a nöüni Meraioth, Meraioth a nöüni Amariah, Amariah a nöüni Ahitub, 53Ahitub a nöüni Zadok, nge Zadok a nöüni Ahimaaz.
Kinikinin fönü fäniten chón ewe einangen Levi
54Iwe, ikkeei ekkewe telinimw me kinikinin fönü a einet ren pwüngün ewe üttüüt mi pin ngeni ekkewe mwirimwirin Aaron iir seni ewe eterengesin Kohat. Chón ewe eterengesin Kohat ra angei ewe akkomwen inetin fönü mi einet ngeni chón ewe einangen Levi.
55Ra angei ewe telinimw Hebron fiti ekkewe leenien än maan mwöngö fetil mi nóm pwellin ünükkün me lón ewe fönü Judah. 56Nge ekkewe tännipi me ekkewe leeni mi nóm ünükkün ewe telinimw, ra ngeni Kaleb nöün Jefuneh we mwän.
57Iei minne, ekkewe mwirimwirin Aaron ra ääni ekkeei telinimw, ew me ew fiti ekkewe leenien än maan mwöngö fetil: Hebron (ew telinimwen op seni feiengaw), Libnah, Jattir, Eshtemoa, 58Hilen (ika Holon), Debir, 59Ashan (ika Ain), Juttah me Beth Shemesh, fiti pwal ekkewe fönü pwellin ünükküür mi wor än maan leenien mwöngö fetil ie. 60Ra pwal ngeniir ewe telinimw Kibeon seni kinikinin fönüwen chón ewe einangen Benjamin, pwal Keba, Alemeth me Anathoth, ew me ew fiti ekkewe fönü pwellin ünükküür mi wor än maan leenien mwöngö fetil ie.
Iei minne, ekkewe telinimw meinisin mi einet ngeni ekkewe mwirimwirin Aaron fäniten ekkewe eterengesin Kohat, üküükür meinisin, engol me ülüngät.
61Nge ekkewe lussun mwirimwirin Kohat ra angei wiiser ren pwüngün üttüüt, üküükün engol telinimw seni kinikinin fönüwen chón ewe esóp einangen Manassah ren pwüngün ewe ütüüt mi pin.
62Iwe, ekkewe mwirimwirin Kershon ra angei ren pwüngün üttüüt mi pin üküükün engol me ülüngät telinimw, öüküük ngeni üküükün ar kewe famili seni kinikinin fönüwen chón ekkewe einangen Issakar, Asher me Naftali, pwal seni kinikinin fönüwen chón ewe einangen Manassah mi nóm lón Bashan öötiwen ewe chaanpwuupwu Jordan.
63Ekkewe mwirimwirin Merari ra angei inetiir ren pwüngün üttüüt mi pin üküükün engol me ruu telinimw seni kinikinin fönüwen chón ekkewe einangen Reuben, Kad me Zebulun.
64Iei usun ekkewe aramasen Israel ra ngeni chón ewe einangen Levi ekkewe telinimw meinisin me ekkewe fönü pwellin ünükküür mi wor än maan leenien mwöngö fetil ie. 65Ekkewe telinimw mi nóm lón kinikinin fönüwen chón ekkewe einangen Judah, Simeon me Benjamin a föü usur asan ra pwal einet ren pwüngün üttüüt mi pin.
66Ekkewe mwirimwirin Kohat ra angei seni kinikinin fönüwen chón ewe einangen Efraim ekkeei telinimw, ew me ew fiti ekkewe fönü pwellin ünükkür mi wor än maan leenien mwöngö fetil ie:
67Ra angei Shekem (ew telinimwen op seni feiengaw mi nóm wón chukuchukutän ewe fönü Efraim). Ra pwal angei Kezer, 68Jokmeam, Beth Horon, 69Aijalon me Kath Rimmon.
70Iwe, ekkewe lussun mwirimwirin Kohat ra angei ekkeei telinimw seni kinikinin fönüwen chón ewe esóp einangen Manassah: Aner me Bileam, ew me ew fiti ekkewe fönü pwellin ünükküür mi wor än maan leenien mwöngö fetil ie.
71Ekkewe mwirimwirin Kershon ra angei seni kinikinin fönüwen chón ewe esóp einangen Manassah ewe telinimw Kolan lón Bashan fiti ewe fönü pwellin ünükkün mi wor än maan leenien mwöngö fetil ie, pwal ewe telinimw Ashtaroth fiti pwal ewe fönü pwellin ünükkün mi wor än maan leenien mwöngö fetil ie.
72Ra pwal angei seni kinikinin fönüwen chón ewe einangen Issakar, ekkewe telinimw Kedesh, Daberath, 73Ramoth me Anem, fiti pwal ekkewe fönü pwellin ünükküür mi wor än maan leenien mwöngö fetil ie.
74Ra angei seni kinikinin fönüwen chón ewe einangen Asher, ekkewe telinimw Mashal, Abdon, 75Hukok me Rehob, ew me ew fiti pwal ekkewe fönü pwellin ünükküür mi wor än maan leenien mwöngö fetil ie.
76Ra angei seni kinikinin fönüwen chón ewe einangen Naftali, ewe telinimw Kedesh lón Kalili, pwal Hammon me Kiriathaim, ew me ew fiti pwal ekkewe fönü pwellin ünükküür mi wor än maan leenien mwöngö fetil ie.
77Iwe, ekkewe lussun chón ewe einangen Levi, ikkeiir ekkewe mwirimwirin Merari, ra angei ekkeei telinimw: Ra angei seni kinikinin fönüwen chón ewe einangen Zebulun ekkewe telinimw Jokneam, Kartah, Rimmono me Tabor, ewe me ew fiti pwal ekkewe fönü pwellin ünükküür mi wor än maan leenien mwöngö fetil ie.
78Ra pwal angei seni kinikinin fönüwen chón ewe einangen Reuben ekkewe telinimw mi nóm öötiwen ewe chaanpwuupwu Jordan, äwenewenen Jeriko. Ra angei Bezer (ew telinimw mi nóm lón ewe fönüpöön), me Jahaz, 79Kedemoth me Mefaath, ew me ew fiti pwal ekkewe fönü pwellin ünükküür mi wor än maan leenien mwöngö fetil ie.
80Iwe, ra pwal angei seni kinikinin fönüwen chón ewe einangen Kad, ewe telinimw Ramoth lón Kilead, pwal Mahanaim, 81Heshbon me Jazer, ew me ew fiti pwal ekkewe fönü pwellin ünükküür mi wor än maan leenien mwöngö fetil ie.
Ekkewe mwirimwirin Issakar
7 Iwe, ikkeiir nöün Issakar kewe fömön mwän: Tola, Puah, Jashub me Shimron.
2Nöün Tola kewe mwän: Uzzi, Refaiah, Jeriel, Jahmai, Ibsam me Shemuel. Emön me emön leiir i móngómalen lón ar kewe eterenges. Ekkeei mwän me mwirimwiriir kewe, iir sounfiu mi pwora. Lupwen fansoun än King David nemenem, iteiten ekkewe mwän mi tongeni fiti maun seni ekkeei famili, üküükün 22,600 mwän.
3Nöün Uzzi we mwän: Izrahiah. Nge nöün Izrahiah kewe mwän: Mikael, Obadiah, Joel me Isshiah. Ekkeei limmön mwän iir móngómalen ekkewe eterenges. 4Üküükün iteiten ekkewe mwän mi mollotä fäniten maun seni leiin mwirimwirir, 36,000, pün iir me limmon a wor chómmóng pwülüwer, iwe, a pwal wor chómmóng nöüür mwän.
5Iwe, üküükün iteiten ekkewe mwän meinisin mi mollotä fäniten maun seni ekkewe eterengesin ewe einangen Issakar, 87,000. Iir meinisin sounfiu mi pwora, usun a makketiw lón tettelin uruwon ar einang.
Ekkewe mwirimwirin Benjamin
6Iwe, ikkeiir nöün Benjamin kewe ülümön mwän: Bela, Beker me Jediael.
7Nöün Bela kewe mwän: Ezbon, Uzzi, Uzziel, Jerimoth me Iri. Ekkeei limmön mwän mi pwora iir móngómalen ekkewe eterenges. Iwe, üküükün iteiten ekkewe mwän mi mollotä ngeni maun me leiin mwirimwiriir, 22,034 mwän. Iir meinisin ra mak lón tettelin uruwon ar we famili.
8Nöün Beker kewe mwän: Zemirah, Joash, Eliezer, Elioenai, Omri, Jeremoth, Abijah, Anathoth me Alemeth. Meinisin ekkeei mwän iir nöün Beker. 9Alóngólóng wón minne a mak lón tettelin uruwon ar kewe famili, a wor üküükün 20,200 mwän mi mollotä ngeni maun seni leiin mwirimwiriir, kapach ngeni ekkewe móngómalen ar we eterenges.
10Nöün Jediael we mwän: Bilhan. Nge nöün Bilhan kewe mwän: Jeush, Benjamin, Ehud, Kenaanah, Zethan, Tarshish me Ahishahar. 11Iir móngómalen ekkewe eterengesin Jediael. A wor üküükün 17,200 mwän mwirimwirin ätekeei mi mollotä ngeni ar repwe feilló maun.
12Ekkewe chón Shupp me chón Hupp iir mwirimwirin Ir, nge ekkewe chón Hush iir mwirimwirin Aher.
Ekkewe mwirimwirin Naftali
13Iwe, ikkeiir nöün Naftali kewe mwän: Jahziel (ika Jahzeel), Kuni, Jezer me Shillem (ika Shallum). Ätekeei meinisin iir mwirimwirin pwülüwen Jakob we itan Bilhah.
Ekkewe mwirimwirin Manassah
14Ekkewe mwirimwirin Manassah me wón ülüpwülüwan we fiin Aram mi pacholong Asriel.
Neminewe a pwal nöüni Makir i semen Kilead. 15Makir a angei emön pwülüwan me leiin ekkewe chón Hupp me chón Shupp. Mi wor emön fefinen Makir itan Maakah.
Mi pwal wor emön mwirimwirin Manassah itan Zelofehad, nge a chök wor nöün fefin.
16Iwe, pwülüwen Makir we itan Maakah a nöüni emön äät o a eita ngeni, Peresh. Iten pwiin Peresh we, Sheresh. A wor rüwömön nöün Peresh mwän iter Ulam me Rakem.
17Nöün Ulam we mwän: Bedan. Ikkeiir nöün Kilead kewe mwän, nge Kilead i nöün Makir, Makir i nöün Manassah. 18Fefinen Makir we itan Hammoleketh a nöüni Ishhod, Abiezer me Mahlah.
19Nöün Shemida kewe mwän: Ahian, Shekem, Likhi me Aniam.
Ekkewe mwirimwirin Efraim
20Iwe, ikkeiir ekkewe mwirimwirin Efraim: Shuthelah, nge Shuthelah a nöüni Bered, Bered a nöüni Tahath, Tahath a nöüni Eleadah, Eleadah a nöüni Tahath, 21Tahath a nöüni Zabad, nge Zabad a nöüni Shuthelah.
A wor rüwömön pwal nöün Efraim mwän iter Ezer me Elead, nge ekkewe chón atakeen ewe fönü Kath ra niireló, lupwen ätekkeei ra feittiw pwe repwe sooläni nöüür kewe maan. 22Iwe, Efraim semer we a kechiweitiir lón fansoun langattam, nge määrärin kewe ra feitto ren pwe repwe echipa. 23Mwirin, Efraim a pwal kóónsäfäl ren pwülüwan we, iwe, neminnewe a pwoopwo o nöüni emön äät. Iwe, Efraim a eita ngeni nöün we, Beriah, pwokiten ewe feiengaw a fis ngeni an famili. 24Mi wor emön nöün Efraim fefin itan Sheerah. Neminnei a öüüwetä ekkewe telinimw Beth Horon sootiw me Beth Horon sootä, a pwal äüüwetä ewe telinimw itan Uzzen Sheerah.
25A pwal wor emön nöün Efraim mwän itan Refah. Iwe, Refah a nöüni Reshef, Reshef a nöüni Telah, Telah a nöüni Tahan,
26Tahan a nöüni Ladan, Ladan a nöüni Ammihud, Ammihud a nöüni Elishama,
27Elishama a nöüni Nun, nge Nun a nöüni Joshua.
28Iwe, ekkewe mwirimwirin Efraim ra nónnóm lón ewe kinikinin fönü mi pacholong Bethel me wiisópwósópwun kewe mi nóm pwellin ünükkün me peliöör, Naaran mi nóm peliöötiw me Kezer me wiisópwósópwun kewe mi nóm pwellin ünükküür me pelilotow, pwal Shekem me wiisópwósópwun kewe mi nóm pwellin ünükkün me peliefeng feilló tori Ayyah me wiisópwósópwun kewe. 29Iwe, ikkeei ekkewe telinimw mi nóm wón kiänin fönüwen ekkewe mwirimwirin Manassah: Beth Shan, Taanak, Mekiddo me Dor fiti fengen me wiisópwósópwur kewe mi nóm pwellin ünükküür. Ekkewe mwirimwirin Josef nöün Israel we mwän ra nónnóm lón ekkeei telinimw.
Ekkewe mwirimwirin Asher
30Iwe, ikkeiir nöün Asher kewe mwän: Imnah, Ishvah, Ishvi me Beriah. Mi wor emön fefiner itan Serah.
31Nöün Beriah kewe mwän: Heber me Malkiel. Malkiel i semelapen ekkewe chón Birzaith.
32Heber i semen Jaflet, Shomer me Hotham me fefiner itan Shua.
33Nöün Jaflet kewe mwän: Pasak, Bimhal me Ashvath.
Ikkeiir nöün Jaflet kewe mwan.
34Nöün Shomer kewe mwän: Ahi, Rohkah, Hubbah me Aram.
35Ekkewe mwän nöün pwiin Jaflet we itan Helem: Zofah, Imna, Shelesh me Amal.
36Nöün Zofah kewe mwän: Suah, Harnefer, Shual, Beri, Imrah, 37Bezer, Hod, Shamma, Shilshah, Ithran me Beera.
38Nöün Jether kewe mwän: Jefunneh, Pispah me Ara.
39Nöün Ulla kewe mwän: Arah, Hanniel me Rizia.
40Meinisin ätekeei iir mwirimwirin Asher, iir mwelón ar kewe eterenges. Iir meinisin, mwän mi sipeöch o pwora pwal iir móngómal mi iteföüló. Iteiten ekkewe mwän mi mollotä ngeni maun me leiin mwirimwirin chókewe mi makketiw lón tettelin uruwon ar einang, üküükün 26,000.
Ekkewe mwirimwirin Benjamin
8 Benjamin i semen Bela, ewe mwännichi, Ashbel, ewe örüwömönün, Aharah,ewe öülümönün,
2Nohah, ewe öfömönün, me Rafa, ewe elimmönün.
3Iwe, nöün Bela kewe mwän: Addar, Kera, Abihud, 4Abishua, Naaman, Ahoah, 5Kera, Shefufan me Huram.
6Ikkeiir ekkewe mwirimwirin Ehud, iir móngómalen ekkewe eterenges mi nónnóm lón Keba, nge ra kösüüló o ra mwökütüló ngeni Manahath:
7Naaman, Ahijah me Kera, iei i Heklam. Kera i semen Uzza me Ahihud. Kera ewe mi wiisen emmweniir lupwen ra mwöküt.
8A wor nöün Shaharaim me lón ewe fönü Moab mwirin an mwüü seni pwülüwan kewe iter Hushim me Baara. 9Pwülüwen Shaharaim we mi fö itan Hodesh a nöüni ekkeei mwän: Jobab, Zibia, Mesha, Malkam, 10Jeuz, Sakia me Mirmah. Ekkeei mwän meinisin, iir móngómalen ar kewe eterenges. 11Pwülüwen Shaharaim we itan Hushim a nöüni Abitub me Elpaal.
12Nöün Elpaal kewe mwän: Eber, Misham, Shemed (iei i ätewe a öüüwetä ekkewe telinimw Ono me Lod fiti wiisópwósópwur kewe mi nóm ünükküür), 13pwal Beriah me Shema. Iir móngómalen ekkewe eterenges mi nónnóm lón Aijalon, iir ätekkewe mi ösüüweló chón ewe telinimw Kath.
14Ahio, Shashak, Jeremoth, 15Zebadiah, Arad, Eder, 16Mikael, Ishpah me Joha, iir nöün Beriah kewe mwän.
17Zebadiah, Meshullam, Hizki, Heber, 18Ishmerai, Izliah me Jobab, iir nöün Elpaal kewe mwän.
19Jakim, Zikri, Zabdi, 20Elienai, Zillethai, Eliel, 21Adaiah, Beraiah me Shimrath, iir nöün Shimei kewe mwän.
22Ishpan, Eber, Eliel, 23Abdon, Zikri, Hanan, 24Hananiah, Elam, Anthothijah, 25Ifdeiah me Penuel, iir nöün Shashak kewe mwän.
26Shamsherai, Shehariah, Athaliah, 27Jaareshiah, Elijah me Zikri, iir nöün Jeroham kewe mwän.
28Ätekeei meinisin iir móngómalen ekkewe famili, mi makketiw iteiter lón tettelin uruwon ar kewe einang. Iir meinisin ra nónnóm lón Jerusalem.
Ewe eterengesin Saul
29Iwe, Jeiel (semen Kibeon we) a öüüwetä ewe telinimw Kibeon o nónnóm lón. Iten pwülüwen Jeiel we, Maakah, 30nge nöün we mwännichi itan Abdon. Iwe, ra tapweto Zur, Kish, Baal, Ner, Nadab, 31Kedor, Ahio, Zeker (ika Zekariah), 32me Mikloth, iei i semen Shimeah (ika Shimeam). Ekkeei famili meinisin ra nónnóm arapakkan fengen chök lón Jerusalem.
33Ner i semen Kish. Kish i semen Saul. Saul i semen Jonathan, Malki-Shua, Abinadab me Esh-Baal.
34Nöün Jonathan: Merib-baal, iei i semen Mikah.
35Nöün Mikah kewe mwän: Pithon, Melek, Tahrea (ika Tarea) me Ahaz. 36Ahaz i semen Jehoadah (ika Jadah). Jehoadah i semen Alemeth, Azmaveth me Zimri. Zimri i semen Moza. 37Moza i semen Binea. Binea a nöüni Refaiah (ika Rafah). Refaiah a nöüni Eleasah. Eleasah a nöüni Azel.
38A wor wonomön nöün Azel mwän. Ikkeei iter: Azrikam, Bokeru, Ishmael, Sheariah, Obadiah me Hanan. Meinisin ekkeei mwän iir nöün Azel.
39Nge pwiin Azel we itan Eshek a wor ülümön nöün mwän: Ulam, ewe mwännichi, Jeush, ewe örüwömönün, me Elifelet, ewe öülümönün. 40Nöün Ulam kewe mwän meinisin iir sounfiu mi pwora, ra sipeöch le nöünöü esefich. A wor chómmóng nöüür mwän me nöün nöüür kewe mwän, üküükün iteiter, 150 fengen meinisin.
Meinisin ätekeei iir mwirimwirin Benjamin.
9 Iwe, ekkewe aramasen Israel meinisin a mak iteiter lón tettelin uruwon ar kewe einang lón Ewe Pwuken Uruwon Ekkewe Kingen Israel me Judah. Iir ra ooló Babylon pwokiten ra tipis ren ar resap ölükülük ngeni ewe SAMOL.
Ekkewe aramas mi liwinsäfäl seni ar ooló
2Iwe, ekkewe äkkäewin mwiichen aramas mi liwinsäfälito ngeni pwükütän leenier me lón ar kewe telinimw, iir ekkewe chök aramas ese lifilifil me lón Israel. A pwal wor ekkóch souasór ra fitiireto, pwal ekkóch mwän seni ewe einangen Levi me ekkóch ekkewe chón älillis lón ewe Imwenfel.
3Chókana seni ekkewe einangen Judah, Benjamin, Efraim me Manassah ra feitto o imweimw lón Jerusalem:
4Uthai nöün Ammihud we mwän, nge Ammihud nöün Omri, Omri nöün Imri, nge Imri nöün Bani. Bani i emön mwirimwirin Perez nöün Judah we mwän.
5Seni än chón Shiloh we eterenges: Asaiah, ewe mwännichi me nöün kewe mwän.
6Seni än Zerah we eterenges:
Jeuel me määrärin kewe. Iwe, iteiten ekkewe aramas seni ewe einangen Judah ra liwinsäfäl, üküükün 690.
7Seni ewe einangen Benjamin:
Sallu nöün Meshullam we mwän, Meshullam nöün Hodaviah, nge Hodaviah nöün Hassenuah,
8pwal Ibneiah nöün Jeroham we mwän me Elah nöün Uzzi we mwän, nge Uzzi nöün Mikri; pwal Meshullam nöün Shefatiah we mwän, Shefatiah nöün Reuel, nge Reuel nöün Ibnijah.
9Ekkeei aramas, iir seni ewe einangen Benjamin mi makkelong iteiter lón tettelin uruwon ar kewe einang. Üküüküür meinisin, 956. Ekkeei mwän meinisin iir móngomalen ar kewe famili.
Ekkewe souasór mi liwinsäfäl
10Seni leiin ekkewe souasór:
Jedaiah, Jehoiarib, Jakin,
11Azariah nöün Hilkiah we mwän, nge Hilkiah nöün Meshullam, Meshullam nöün Zadok, Zadok nöün Meraioth, Meraioth nöün Ahitub. Azariah i ewe meilap a wiisen nemeni ewe imwen Kot,
12pwal Adaiah nöün Jeroham we mwän, nge Jeroham nöün Pashhur, Pashhur nöün Malkijah, me Maasai nöün Adiel we mwän, nge Adiel nöün Jahzerah, Jahzerah nöün Meshullam, Meshullam nöün Meshillemith, Meshillemith nöün Immer.
13Ekkewe souasór iir móngomalen ar kewe famili, üküükür 1,760. Iir ekkewe mwän mi lipwäköch ra wiisen ämesemes wón angangen lón ewe imwen Kot.
Ekkewe mwän seni ewe einangen Levi mi liwinsäfäl
14Seni ekkewe chón Levi: Shemaiah nöün Hasshub we mwän, nge Hasshub nöün Azrikam, Azrikam nöün Hashabiah, i emön mwirimwirin Merari, 15pwal Bakbakkar, Heresh, Kalal me Mattaniah nöün Mika, nge Mika nöün Zikri, Zikri nöün Asaf, 16pwal Obadiah nöün Shemaiah we mwän, nge Shemaiah nöün Kalal, Kalal nöün Jeduthun, me Berekiah nöün Asa we mwän, nge Asa nöün Elkanah, ätewe mi nónnóm lón ekkewe sópwun chón Netofah.
17Ekkewe chón tümwünü ekkewe asamalapen ewe imwenfel: Shallum, Akkub, Talmon, Ahiman me pwal määräriir kewe chón Levi. Shallum i nöüür meilap, 18pwkiten me mwen ei fansoun tori ikenäi, ätekeei ra wiisen tümwünü ewe Asamalapen King mi nóm peliöötiw. Ikkeiir ekkewe chón tümwünü ekkewe asamalap fäniten ekkewe mwän seni ewe einangen Levi. 19Shallum i nöün Kore we mwän, i emön mwirimwirin Ebiasaf, seni än Korah we eterenges. Äteei me määrärin kewe chón än Korah we eterenges, ra wiisen föri ewe angangen mammasa ewe leenien tolong ngeni ewe imwenfel, usun chök ar kewe leewo ra föri, lupwen ra tümwünü le mammasa ewe leenien tolong lón ewe imwenfel mangaku, ia ewe SAMOL a imweim ie. 20Lón fansoun lóóm, Finehas nöün Eleazar we mwän a wiisen nemeni ekkewe chón tümwünü asamalapen ewe imwenfel. Iwe, ewe SAMOL a fiti Finehas. 21Iwe tapweto mwirin ätei, Zekariah nöün Meshelemiah we mwän a wiisen tümwünü ewe angangen mammasa ewe leenien tolong lón ewe Imwenfel mangaku ia aramas ra chuuri Kot ie.
22Chufengen meinisin, chón mammasa ekkewe leenien tolong lón ewe imwenfel lón ekkana fansoun, a wor üküükün 212. Iwe, a mak iteiter lón tettelin uruwon ar kewe eterenges me lón sópwuur kewe. David me Samuel ewe souwo ra ewiisa ekkewe chón mammasa ekkewe asamalap lón wiiser, pwokiten iir mwän mi ölükülük o wenechchar. 23Ekkeei chón tümwünü asamalap me mwirimwiriir kewe ra wiisen mammasa ekkewe asamalapen imwen ewe SAMOL we, ewe imw ra eita ngeni imw mangaku lenien chufengen. 24Ekkewe chón tümwünü ekkewe asamalap ra nóm leepekin ewe imwenfel me rüwänü: öötiw, lotow, efeng me öör. 25Nge määräriir kewe mi nóm lón ekkewe sóóp ra feffeito lón en me an fansoun, pwe repwe älisiir le föri angangen wiiser lón üküükün fisu rän. 26Nge ekkewe fömön meilapen chón mammasa ekkewe asamalap, iir meinisin mwän seni ewe einangen Levi mi nóm lón ew wiis mi wätte än aramas repwe lükülükür, pwokiten ra wiisen tümwünü ekkewe ruum me ekkewe pisek mi öüchchea mi nóm lón ewe imwen Kot. 27Ekkewe chón mas ra nónnóm lepwin pwellin ünükkün ewe imwen Kot, pwokiten iei wiiser pwe repwe mammasa. Pwal iei ar angang pwe repwe wiisen tümwünü ewe kii fäniten ar repwe suuki ekkewe asamalap iteiten lesossor.
28Iwe, ekkóch me leiin ekkewe chón mammasa ekkewe asamalap ra kefilitä pwe repwe wiisen tümwünü ekkewe sakkopaaten pisek ra aea le fel lón ewe imwenfel. Iir ra wiisen älleani ekkewe pisek lupwen ra uweirelong pwal lupwen ar uweiirewu pwe repwe tümwünü ar resap pöütüló. 29Pwal ekkóch me leiir ra kefilitä pwe repwe wiisen tümwünü ekkewe masowen lón ewe imwenfel me ekkewe pisek lón ewe leeni mi pin, pwal ewe pilawa mi amas, ewe wain, ewe apüra seni föün olif, ewe appach mi pwokkus me ekkewe nofitin mwöngö. 30Nge iei wiisen ekkóch me leiin ekkewe souasór pwe repwe wiisen amollätä ekkewe nofitin mwöngö. 31Iwe, Mittithiah, emön chón ewe einangen Levi, nöün Shallum we mwännichi seni än Korah we eterenges, a wiisen tümwünü ewe angangen umwuni ewe pilawa ra aea fäniten ekkewe asór. 32Nge ekkóch me leiin chón än Kohat we eterenges ra wiisen nemeni ewe angangen amollätä ewe pilawa mi pin ar repwe etetteliir wón ewe cheepel iteiten ränin Sabbat.
33Iwe, ekkewe chón kööl, iir meinisin aramas öüchchea seni chón ewe einangen Levi, ra nónnóm lón ekkewe rummwen lón ewe imwenfel. Nge ra tiwewu seni ar repwe föri ekkewe pwal ekkóch angang, pwokiten iir ra föri wiiser iteiten kulók meinisin.
34Ekkeei mwän meinisin ra nónnóm lón Jerusalem. Iir mwelón ekkewe famili än chón ewe einangen Levi. Iwe, ra makketiw lón tettelin uruwon ar kewe leewo pwe iir móngómal mi iteföüló.
Leewon me mwirimwirin King Saul(1 Kronika 8:29-38)
35Jeiel i semen Kibeon a öüüwetä ewe telinimw Kibeon o nónnóm lón. Iten pwülüwen Jeiel we, Maakah. 36Nge nöün we mwännichi itan Abdon. Iwe, ra tapweto: Zur, Kish, Baal, Ner, Nadab, 37Kedor, Ahio, Zeker (ika Zekariah), 38me Mikloth, iei i semen Shimeah (ika Shimeam). Ekkeei famili meinisin ra nónnóm arapakkan fengen chök lón Jerusalem.
39Ner i semen Kish. Kish i semen Saul. Saul i semen Jonathan, Malki-Shua, Abinadab me Esh-Baal.
40Nöün Jonathan we mwän:
Merib-baal i semen Mikah.
41Mikah i semen Pithon, Melek, Tahrea (ika Tarea) me Ahaz. 42Ahaz i semen Jehoadah (ika Jadah). Jehoadah i semen Alemeth, Azmaveth me Zimri. Zimri i semen Moza. 43Moza i semen Binea. Binea i semen Refaiah (ika Rafah). Refaiah i semen Eleasah. Eleasah i semen Azel.
44A wor wonomön nöün Azel mwän iter:
Azrikam, Bokeru, Ishmael, Sheariah, Obadiah me Hanan. Ikkeiir ekkewe mwän nöün Azel.
Määlón ewe King Saul(1 Samuel 31:1-13)
10 Iei, ekkewe chón Filistia ra maun ngeni ekkewe chón Israel, nge ekkewe chón Israel ra sü me mwen ekkewe chón Filistia. Iwe, a chómmóng ra määtiw wón palapalatän ewe chuuk Kilboa. 2Ekkewe chón Filistia ra pöchökkül le faatapwei Saul me nöün kewe mwän. Iwe, ra niieló ülümön me leiin nöün Saul kewe mwän. Ra niieló Jonathan, Abinadab me Melki Shua. 3Iwe, ewe maun a fókkun pöchökküleló pwellin ünükkün Saul. Iwe, ekkewe chón Filistia chón likeppich ra mwuungeni Saul, ra likeppichi o ekinasa.
4Mwirin, Saul a ngüüngü o apasa ngeni nöün we chón uweei an pisekin maun, “Kopwe üttaawu noum na ketilas o posupwerii ngeniei me mwen än ekkeei aramas resap sirkomsais repwe feitto posuwei o urumwotitiei.”
Nge nöün Saul we chón uweei an pisekin maun esap mochen, pün a fókkun nuokkus. Iei minne, Saul a angei pwisin nöün we ketilas o pwisin turuchappetiw wón ülüülan. 5Iwe, lupwen nöün Saul we chón uweei an pisekin maun a küna pwe Saul a mäló, pwal i a turuchappetiw wón pwisin nöün we ketilas o a mäló ünükkün ewe king. 6Iei usun än Saul me nöün kewe ülümön mwän ra mäló ppök me ikenan. Iwe, iei sópwólón mwüün we mwüün familien king.
7Iwe, lupwen ekkewe chón Israel mi nóm pwal epeek ewe leemólun Jezreel ra küna pwe ekkewe sounfiun Israel ra sü, nge Saul me nöün kewe mwän ra mäló, ra likitaló ar kewe telinimw o süüló. Iei minne, ekkewe chón Filistia ra mwökütülong o amasowaló ar kewe telinimw.
8Iwe, lón ewe rän mwirin, lupwen ekkewe chón Filistia ra feitto pwe repwe angei pisekin ekkewe soomä, ra küna inisin Saul me nöün kewe ülümön mwän ra määtiw wón ewe chuuk Kilboa. 9Iei minne, ra tünüweló möküren Saul o pwiliti seni üfan we üföüfen maun. Mwirin, ra tiinaló chón künö pwe repwe esilefeili me lón ar we imwenfelin ar kewe uluulun önümwäl pwal ngeni ekkewe aramas leemelen ewe fönü Filistia porausen än Saul a mäló. 10Mwirin, ra iseni üfen Saul we üföüfen maun lón ewe imwenfelin ar kewe kot nge ra föötätä möküren Saul ngeni ewe etiip lón ewe imwenfelin Dakon.
11Nge lupwen ekkewe chón Jabesh Kilead ra rong usun meet ekkewe chón Filistia ra föri ngeni Saul, 12nöüür kewe sounfiu mi pwora o pöchökkül meinisin ra feilló o uweeisäfälieto inisin Saul me nöün kewe ülümön mwän ngeni Jabesh.
Mwirin, ra kenaló soomär fän ewe irä itan ook lón Jabesh. Iwe, ra öchüün lón üküükün fisu rän.
13Iei usun än Saul a mäló pwokiten i esap ölükülük ngeni ewe SAMOL. I esap älleasochis ngeni än ewe SAMOL öllük, a pwal mwo nge angei öüröüran seni emön waatawa, 14nge esap eisini ewe SAMOL öüröüran. Iei minne, ewe SAMOL a niieló Saul o okullu mwüün we ngeni David nöün Jesse we mwän.
David a tolong lón ewe wiisen King wón unusen Israel(2 Samuel 5:1-10)
11Mwirin, chón Israel meinisin ra feilló ren David lón Hebron o üreni, “Nengeni, äm meinisin chón óm famili, äm fitukom me chaóm. 2Lón fansoun langattam, pwal mwo nge lupwen Saul a äm king, en ewe emön mi wesewesen emmweni Israel. Iwe, ewe SAMOL óm we Kot a ürenuk, ‘En kopwe chón fóóleni neii kewe aramasen Israel. En kopwe ar souemmwen.’ ”
3Iei minne, me ikenan lón Hebron, David a ääni ew pwon ngeni ekkewe souakkomwen Israel me fän mesen ewe SAMOL. Iwe, ra epiti David pwe epwe kingen Israel, usun chök minne Samuel a fen apasa fän alon ewe SAMOL.
David a liäpeni Jerusalem
4Mwirin, David me ekkewe chón Israel meinisin ra feilló Jerusalem (ika Jebus, iei meet ra eita ngeni Jerusalem me lóóm) ia ekkewe chón Jebus ra nónnóm ie, pün iir poputän chón wilipósun ewe fönü. 5Iwe, ekkewe aramasen Jebus ra apasa ngeni David, “En kosap fókkun tongeni tolong ikeei.” Iwe, iei mwo nge David a liäpeni ewe leeni mi pöchökkül tittin itan Zion, nge iei a iteni ewe Telinimwen David.
6Nge David a fen apasa ngeni nöün kewe sounfiu, “Iö epwe wiisen akkomw le maun ngeni ekkewe chón Jebus, i epwe meilapen neii kewe mwiichen sounfiu.” Iwe, Joab nöün fefinen David we itan Zeruiah a emmweni ewe maun, iei minne, i a angei ewe wiisen meilapen nöün David mwiichen sounfiu.
7David a föri ewe leeni mi pöchökkül tittin pwe iei leenian. Iei minne, ei leeni a iteni ewe Telinimwen David. 8David a äwätteló ewe telinimw, poputä seni ewe leeni mi sessetä o ammasow peliöötiwen ewe ppal tori ewe tiit mi pwellieló ewe leeni, nge Joab a öüüwsäfälietä ekkewe lussun leeni lón ewe telinimw Jerusalem. 9Iwe, David a pöppöchökküleló, pwokiten ewe SAMOL mi Unusen Manaman a fiti i.
Nöün David kewe sounfiu mi pwora(2 Samuel 23: 8-39)
10Ikkeiir ekkewe souemmwenin nöün David kewe sounfiu mi pwora. Ätekeei fengen me chón Israel meinisin ra öpwüngaló pwe repwe atolonga David pwe epwe ar king, usun chök minne ewe SAMOL a fen pwon fänäsengesin Israel. 11Iwe, iei tettelin iten nöün David kewe sounfiu mi pwora:
Ewe äemönün itan Jashobeam, emön chón Hakmon, i ewe meilap me leiin ekkewe Ülümön, iir ekkewe ülümön sounfiu mi fókkun pwora me leiin nöün David kewe sounfiu. Fän ew, ätei Jashobeam a wókuwók wókun we siles le niieló ülüpwükü sounfiu chón opwuter mwän mi pwora lón ew chök fansoun maun.
12Tapweto mwirin äteei lón tettelin lapeer me leiin ekkewe Ülümön mwän mi pwora, ätewe itan Eleazar nöün Dodai we mwän, emön mwirimwirin Ahoah. 13Ätei a fiti David le maun ngeni ekkewe chón Filistia me lón Pas Dammim. Ewe maun a fis lón ew leeni ia a wor ie ew tännipi mi masow ren barli, nge ekkewe chón Israel ra sü ren ekkewe chón Filistia. 14Nge Eleazar me David ra chök üütäló lukalapen ewe tännipi o ra tapweisäfäli ekkewe chón Filistia. Iwe, ewe SAMOL a amanawer ren an fang ngeniir ew wiil mi lapalaap.
15Iwe, lón ew fansoun, lupwen David a nóm ren ewe achaw arap ngeni ewe fööimw Adullam, ekkewe sounfiun Filistia ra nóm lón ewe leemólun Refaim. Iwe, ekkewe ülümön mwän me leiin ekkewe iliik meilapen sounfiu, iei ewe mwiich me leiin nöün David kewe sounfiu mi pwora, ra feittiw pwe repwe chuuri David me ikenan. 16Nge lón ena fansoun, David a nóm lón ewe leenien op mi pöchökkül, nge ew mwiichen sounfiun Filistia ra amasowa ewe telinimw Bethlehem. 17Iwe, David a äneän o apasa ngeni chienan kewe mwän, “Amwo itä üwa fen ünümi och ewe kólik mi mwirinnö seni ewe chönüttu mi nóm lón Bethlehem, ewe mi arap ngeni asamalapen ewe tiit!” 18Iei minne, ekkewe Ülümön sounfiu mi pwora ra feilló o tööfóchófócholong lón leenien ekkewe chón Filistia we o ra üfi ewe kólik seni ewe chönüttu mi nóm arap ngeni ewe tittin asamalapen Bethlehem. Iwe, ra uwealó ewe kólik ren David. Nge David esap mochen pwe epwe ünümi ewe kólik. Iwe, a niinätiw ewe kólik fän mesen ewe SAMOL. 19Iwe, a apasa, “Esap fókkun tüfich ngeniei pwe üpwe ünümi ei kólik. Ei kólik a men fókkun öüchchea usun chök chaan ekkeei mwän mi atolonga manawer lón feiengaw pwe repwe uweato ei kólik reei.” Pwokiten ekkewe mwän ra atolonga manawer lón feiengaw pwe repwe uweato ewe kólik ren David, iei mine i esap mochen epwe ünümi ewe kólik.
Iei ew me leiin ekkewe föfförün pwora ekkeei Ülümön sounfiu mi pwora ra föri.
Nöün David kewe iliik sounfiu mi pwora
20Iwe, Abishai pwiin Joab we, i ewe chón emmweni ekkewe Iliik. Fän ew, ätei Abishai a wókuwók wókun we siles le niieló üküükün ülüpwükü chón opwuter mwän mi pwora lón ew chök fansoun maun. Ren än Abishai ei föfförün pwora, i a iteföüló usun chök ekkewe Ülümön. 21Abishai i ewe a fókkun iteföüló me leiin ekkewe Iliik. Iwe, i a ar meilap, inamwo ika i esap emön leiin ekkewe Ülümön.
22Iwe, pwal Benaiah nöün Jehoiada we mwän, i emön sounfiu mi pwora seni Kabzeel. Ätei a föri chómmóng föfförün pwora mi pacholong an niieló rüwömön sounfiun Moab mi fókkun pöchökkül. Pwal lón ew fansoun, ätei a tapweetiw emön laion lón ew pwaang lupwen fansoun a püngütiw sno. Mwirin, inamwo are a püng sno o mitimit ewe pwül, nge ätei a turufi ewe laion o niieló. 23Pwal lón ew fansoun, ätei a wókuwók efóch chök mwüüch o niieló emön ätepworan Egypt mi fókkun langattam, üküükün taman, fisu esóp fiit nge üküükün öün wókun we siles mi kömwöch lón pöün, usun ökköün än emön chón töör üren an piisónófót. Ina mwo nge Benaiah a mwulei seni lepöün ewe re Egypt wókun we siles o niieló ngeni. 24Ikkeei ekkóch me leiin ekkewe föfför ra efisätä pwe Benaiah epwe iteföüló usun chök ekkewe Ülümön. 25Ätei a fókkun iteföüló lap seni ekkewe pwal ekkóch mönün ewe Iliik mwiichen sounfiu mi pwora, inamwo ika i esap emön leiin ekkewe Ülümön. Iwe, David a filätä ätei pwe i epwe nemeni nöün we mwiichen sounfiu mi wiisen tümwünü inisin.
26Iwe, ikkeiir ekkewe mi pwal pacholong leiin nöün David kewe sounfiu mi pwora: Asahel pwiin Joab we, Elhanan nöün Dodo we mwän seni Bethlehem,
27Shammoth (ika Shammah) seni Harod (ika Haror), Helez seni Pelon,
28Ira nöün Ikkesh we mwän seni Tekoa, Ahiezer seni Anathoth,
29Sibbekai seni Hushah, Zalmon (ika Ilai) seni Ahoah,
30Maharai seni Netofah, Heled nöün Baanah we mwän seni Netofah,
31Ithai nöün Ribai we mwän seni Kibeah (seni ewe einangen Benjamin), Benaiah seni Pirathon,
32Hurai seni ewe leemól mi arap ngeni Kaash (ika Nahale-kaash), Abiel (ika Abi-albon) ewe chón Arba,
33Azmaveth seni Bahurim, Eliahba seni Shaalbon,
34Hashem (ika Jashen) seni Kizon, Jonathan nöün Shakee we mwän seni Harar,
35Ahiam nöün Sharar (ika Sakar) we mwän seni Harar, Elifal nöün Ur we mwän,
36Hefer seni Merekah, Ahijah seni Pelon,
37Hezro seni Karmel, Paarai (ika Naarai) seni Ezbai,
38Joel pwiin Nathan we, Mibhar nöün Hakri we mwän,
39Zelek seni Ammon, Naharai seni Beeroth (iei i nöün Joab we chón uweei an pisekin maun),
40Ira seni Jattir, Kareb seni Jattir,
41Uriah ewe re Hit, Zabad nöün Ahlai we mwän,
42Adina nöün Shiza we mwän, i seni ewe einangen Reuben, i emön souemmwen seni ewe einangen Reuben mi wor iliik sounfiu ra fiti,
43Hanan nöün Maaka we mwän, Joshafat seni Mithna,
44Uzziah seni Ashtaroth, Shama me Jeiel nöün Hotham kewe mwän seni Aroer,
45Jediael nöün Shimri we mwän me Joha pwiin we seni Tiz,
46Eliel seni Mahavah, Jeribai me Joshaviah nöün Elnaam kewe mwän, Ithmah seni Moab,
47Eliel me Obed me Jaasiel seni Zobah (ika Mezoba).
Ekkewe sounfiu mi chuu ngeni nöün David mwiichen sounfiu
12 Ikkeiir ekkewe mwän mi chuungeni David me lón Ziklak lupwen i a op seni Saul nöün Kish we mwän. Iir ra nóm leiin ekkewe mwän mi pwora ra älisi David le maun. 2Iir meinisin chón sipeöch le nöünöü esefich. Ra föüwen le pekkieló ekkewe föün esefich ika öülei ar öül wón pöüifichiir ika pöüimööngür. Ätekeei meinisin iir määrärin Saul seni ewe einangen Benjamin.
3Iwe, nöüür we souemmwen itan Ahiezer nöün Shemaah we mwän seni Kibeah. Nge pwiin äteei we itan Joash i kisitoon fan le nemenem. Iwe, ikkeiir ekkewe pwal ekkóch mwän mi pwora: Jeziel me Pelet nöün Azmaveth kewe mwän, Berekah me Jehu seni Anathoth, 4Ishmaiah seni Kibeon, emön mwän mi pwora o iteföüló, pwal i emön souemmwen leiin ekkewe Iliik, pwal Jeremiah, Jahaziel, Johanan me Jozabad seni Kederah, 5Eluzai, Jerimoth, Bealiah, Shemariah me Shefatiah seni Haruf, 6Elkanah, Isshiah, Azarel, Joezer me Jashobeam, iir ekkewe chón Korah, 7pwal Joelah me Zebadiah nöün Jeroham kewe mwän seni Kedor.
8Mi wor ekkóch sounfiu mi pwora me silelap wiimaun seni ewe einangen Kad ra pwal rikiló o fiti David lupwen i a nóm lón ewe leeni mi pöchökkül tittin lón ewe fönüpöön. Ätekeei iir sounfiu mi pwora, ra sipeöch le kömwöch pisekin eppet lón maun me siles. Ra arochongaw usun kana laion, ra pwal mwittir le ssä usun mwittirin ekkewe chia me wón ekkewe chuuk.
9Ikkeei iter: Ezer i ar we souemmwen. Obadiah ewe örüwömönün meilap, Eliab ewe öülümönün,
10Mishmannah ewe öfömönün, Jeremiah ewe elimmönün,
11Attai ewe awonomönün, Eliel ewe öfüümönün,
12Johanan ewe awalümönün, Elzabad ewe ettiwemönün,
13Jeremiah ewe äengolun, Makbannai ewe engol me emönün.
14Ekkeei sounfiu mi pwora seni ewe einangen Kad iir meilapen ewe mwiichen sounfiu. Ewe mi fókkun apwangapwang me leiir a tongeni nemeni ipwükü sounfiu, nge ewe mi fókkun pöchökkül a tongeni nemeni engöröw. 15Ikkeiir ekkewe mwän mi pwereló epeek ewe chaanpwuupwu Jordan lupwen löölön ewe pwuupwu a säsewu wón aroppen ewe chaanpwuupwu lepoputän iteiten ier. Iwe, ekkeei sounfiu ra tapweewu ekkewe aramas meinisin mi nónnóm lón ekkewe fönü mi tekisössön mi nóm peliöötiwen me pelilotowun órun ewe chaanpwuupwu.
16Iwe, ekkewe pwal ekkóch seni chón ewe einangen Benjamin me Judah ra feitto pwal ren David lón ewe leeni mi pöchökkül tittin. 17David a toowu pwe epwe chuuriir o a apasa ngeniir, “Are ämi öüwa feitto chuuriei fän kinamwe pwe öüpwe älisiei, ngang üwa mollotä pwe kich sipwe chiechi fengen. Nge are öüwa feitto pwe öüpwe afangamäei ngeni ekkewe chón opwutaei lupwen ngang üsap föri och mi ngaw, mwirin, amwo ewe Kot än ach kewe leewo epwe küna o öpwüngü kemi.”
18Mwirin, ewe Ngüün a feittiw wón Amasai, me mwirin i a emön souemmwen me leiin ekkewe Iliik. Iwe, a apasa:
“Äm aia noum, en David! Äm aia nóm wón óm peekin, en nöün Jesse we mwän! Kinamwe me feffeitä repwe nóm reemw. Kinamwe epwe tori chókewe mi älisuk, pün óm we Kot i ewe emön mi älisuk.”
Iei minne David a mwüüt ngeniir pwe repwe chuungeni. Iwe, a ewiiser pwe repwe meilapen nöün kewe mwiichen sounfiu.
19Iwe, ekkóch mwän seni ewe einangen Manassah ra rikiló seni ewe mwiichen sounfiun Israel o ra chuungeni David, lupwen i a feillo fiti ekkewe chón Filistia pwe repwe maun ngeni Saul. Nge a siiwil ewe akkóót pwe ekkewe souemmwenin Filistia resap mochen mwüüt ngeni David me chienan kewe mwän pwe repwe fitiir. Mwirin ar pwüngüpwüng fengen, ra eliwinisäfäli David me chienan kewe, pün ra apasa, “Sipwe pwisin atolonga kich lón feiengaw are David epwe liwiniti an uolüküülük ngeni Saul an we samol o üüngeni kich.” 20Iwe, ikkeiir ekkewe mwän seni ewe einangen Manassah ra rikiló o chiechi ngeni David lupwen i a liwinsäfäl ngeni Ziklak: Adnah, Jozabad, Jediael, Mikael, Jozabad, Elihu me Zillethai. Emön me emön ätekeei a meilapeni ew ngöröw sounfiu seni ewe einangen Manassah. 21Ätekeei ra älisi David le tapweri ewe mwiichen chón maun äserengaw mi küüt liäper fän pöchökkül, pün ätekeei meinisin iir sounfiu mi lipwäköch o pwora mi wiliti meilapen sounfiu lón än David we mwiichen sounfiu. 22Iteiten rän, a wor chómmóng mwän ra feitto pwe repwe chuungeni David, tori a wor ew an mwiichen sounfiu mi fókkun wätte, usun ew mwiichen sounfiu än Kot.
23Iwe, ikkeei iteiten ekkewe mwän mi pwora ra chuungeni David me lón Hebron. Iir meinisin ra pwapwaiti ar repwe küna David pwe epwe king nge sap Saul, usun chök minne ewe SAMOL a fen pwon.
24Seni ewe einangen Judah, a wor üküükün 6,800 mwän mi pwora mi mollotä fän pisekin eppet lón maun me siles. (Wonomön meilapen sounfiu mi nemenem wón äkkäengöröw sounfiu me walümön meilapen sounfiu mi nemenem wón äkkäipwükü sounfiu).
25Seni ewe einangen Simeon, a wor üküükün 7,100 mwän mi pwora ra mollotä pwe repwe maun.
26Seni ewe einangen Levi, a wor üküükün 4,600 mwän mi pwora, 27a pacholong Jehoiada, souemmwenin ewe familien Aaron, fiti üküükün 3,700 sounfiu mi nóm fän an nemenem, 28me Zadok, emön ölüwöl mi pöchökkül o pwora, fiti 22 chón an we famili, iir meinisin meilapen sounfiu.
29Seni ewe einangen Benjamin, määrärin Saul kewe, a wor üküükün 3,000 mwän mi pwora. Pün chómmóng me leiin chón ewe einangen Benjamin ra chüen uolükülük ngeni Saul tori ei fansoun.
30Seni ewe einangen Efraim, a wor üküükün 20,800 mwän mi pwora. Emön me emön a iteföüló me lón en me an eterenges.
31Seni ewe esóp einangen Manassah mi nóm lotowun ewe chaanpwuupwu Jordan, a wor üküükün 18,000 mwän mi tiito fäniten ei popun ar repwe älisi David pwe epwe tolong lón ewe wiisen king.
32Seni ewe einangen Issakar, a wor üküükün 200 souemmwenin ewe einang fiti määräriir kewe mi nóm fän ar öllük. Ekkeei mwän meinisin ra weweiti mwökütükütün ekkewe fansoun o silei meet chón Israel repwe föri.
33Seni ewe einangen Zebulun, a wor üküükün 50,000 mwän mi pwora o mwokos. A wor pisekiir pisekin maun o ra mollotä pwe repwe maun. Ra unusen ölükülük ngeni David.
34Seni ewe einangen Naftali, a wor üküükün 1,000 meilapen sounfiu fiti fengen me 37,000 mwän mi pwora ra mollotä fän pisekin eppet lón maun me siles.
35Seni ewe einangen Dan, a wor üküükün 28,600 mwän mi pwora mi mollotä ngeni maun.
36Seni ewe einangen Asher, a wor üküükün 40,000 mwän mi pwora o mwokos, iir meinisin ra mollotä ngeni maun.
37Iwe, seni öötiwen ewe chaanpwuupwu Jordan, ia chón ekkewe einangen Reuben me Kad me ewe esóp einangen Manassah ra nónnóm ie, a wor üküükün 120,000 sounfiu mi mollotä fän iteiten sókkun pisekin maun.
38Ekkeei mwän meinisin ra feitto ngeni Hebron lón ar tettelin maun seni pwisin pöchökkülen ar filätä lón ar ekiek, pwe repwe atolonga David lón ewe wiisen king wón unusen Israel. Nge enletin, chón Israel meinisin ra pwal tipeew ngeni pwe David epwe ar king. 39Iwe, ekkewe mwän ra nónnóm ren David lón üküükün ülüngät rän. Ra mwömwöngö o ükkün, pün a fen wor angangen amollätä meren määräriir kewe chón Israel fäniten ar repwe wareto. 40Iwe, ekkewe aramas seni ekkewe einangen Issakar, Zebulun me Naftali mi nóm toowaaw, ra feitto o uwoowto mwöngö wón nöüür kewe dongki me kamel, wón ekkewe aas upwun wón óris pwal wón ätemwänin kowu. A wor chómmóng sókkun mwöngö: pilawa mi amas, nokop mi för seni föün fiik, föün irän wain mi appwas, wain me apüra seni föün olif, pwal pwiin kowu me siip. Ra uweato ekkeei mettóch fäniten ewe apwaapwa. Iwe, a wor pwapwa mi lapalaap leemelen ewe fönü Israel.
David a sótuni an epwe eliwinato ewe Pwórofel(2 Samuel 6:1-11)
13Iwe, David a pwüngüpwüng ngeni nöün kewe meilapen sounfiu meinisin, iir ekkewe mi nemenem wón ngöröw me ekkewe mi nemenem wón pwükü. 2Mwirin, David a apasa ngeni unusen ewe mwiichen chón Israel, “Are a mwirinnö meremi, pwal are a iei fän letipen ewe SAMOL ach we Kot; iwe, sipwe tiinaló ekkóch chón künö ren ekkewe chón Israel meinisin leemelen ewe fönü, pwal pacholong ekkewe souasór me chón ewe einangen Levi mi nóm lón ar kewe telinimw me ekkewe fönü pwellin ünükküür. Sipwe kööriir pwe repwe feitto o chiechi ngeni kich. 3A tori fansoun ach sipwe le eliwinisäfälieto reech ewe Pwórofel än ach we Kot, pün sia tümwününgaw ngeni ach sipwe eliwinisäfälieto lupwen ewe fansoun Saul a nemenem.” 4Iwe, unusen ewe mwiichen aramas ra tipeew pwe repwe föri iei usun, pün ekkewe aramas ra tongeni küna pwe iei och mettóch mi pwüng ar repwe föri.
5Iei minne David a emwiicha fengeni ekkewe aramasen Israel meinisin, seni ewe chaanpwuupwu Shihor mi nóm lón Egypt tori Lebo Hamath, pwe repwe pacholong le uweato än Kot we Pwórofel seni Kiriath Jearim. 6Mwirin, David me ekkewe chón Israel meinisin mi nóm ren ra feilló ngeni Baalah (a pwal iteni Kiriath Jearim) mi nóm lón ewe fönü Judah, pwe repwe eliwinisäfälietä seni ikenan än Kot we Pwórofel mi föü iten ewe SAMOL wón, i ewe mi móót wón an leenien móótun king lefiilen ekkewe kerop.
7Iwe, ra uweei än Kot we Pwórofel seni imwen Abinadab we wón efóch wóóken mi fö, nge Uzzah me Ahio ra wiisen emmweni ewe wóóken. 8David me ekkewe chón Israel meinisin ra pwörük me fän mesen Kot fän unusen ar pöchökkül fiti kööl me ar ettiki ekkewe sakkopaaten pisekin likettik iter harp, laier, tamporiin, simbal me rappwa.
9Nge lupwen ra tori än Kidon we leenien wichiwich umwun wiit, ekkewe ätemwänin kowu mi lukeei ewe wóóken ra chepetek. Iwe, Uzzah a eitiewu pöün pwe epwe óppóssa ewe Pwórofel. 10Mwirin, än ewe SAMOL soong a ngeteri Uzzah. Iwe, Kot a efeiengawa Uzzah o niieló, pwokiten i a angatä wón ewe Pwórofel. Iei minne, Uzzah a mäló ikenan me fän mesen Kot.
11Iwe, David a soong pwokiten än ewe SAMOL soong a ngetewu o efeiengawa Uzzah. Iwe, i a eita ngeni ewe leeni, Perez Uzzah (wewen, “ew feiengaw ngeni Uzzah”). Iwe, ei leeni a chüen iteni ei iit tori ikenäi.
12Iwe iei, David a nuokkusiti Kot, ina pwata a eiis, “Iwe, epwe ifa usun äi üpwe chüen tongeni uweato än Kot we Pwórofel pwe epwe nóm fän äi tümwün?” 13Iei minne, David a ekiekietä pwe esap ömwökütato ewe Pwórofel lón ewe Telinimwen David. Nge a chök üwealó ewe Pwórofel ngeni imwen Obed -edom we ewe re Kit. 14Iwe, än Kot we Pwórofel a nómwóló ikenan ren ewe familien Obed-edom lón üküükün ülüngät maram. Iwe, ewe SAMOL a efeiöchüw Obed-edom me unusen chón leimwan meinisin.
Ewe imwen king imwen David me an famili(2 Samuel 5:11-16)
14 Iwe iei, King Hairam seni Tayer a tiinaló ekkóch chón künö ren David, fiti ekkóch chón sees faaw me täikü pwe repwe öüüwetä ngeni David ew imwan imwen king. Hairam a pwal tiinaló chómmóng sópwun irä seni ewe irä sedar fäniten paap. 2Iwe, a kkin me wón David pwe ewe SAMOL a önüküchchara i pwe epwe kingen Israel o föri pwe mwüün epwe fókkun lapalaap fänäsengesin nöün kewe aramasen Israel.
3Mwirin, David a pwal angei chómmóng pwülüwan me lón Jerusalem. Iwe, a wor chómmóng mwän me fefin nöün pwülüwan kewe. 4Iwe, ikkeei iten nöün David kewe mwän ra upwutiw me lón Jerusalem: Shammua (ika Shimea), Shobab, Nathan, Solomon, 5Ibhar, Elishua, Elpelet, 6Nokah, Nefek, Jafia, 7Elishama, Beeliada (ika Eliada) me Elifelet.
David a okkufu ekkewe chón Filistia(2 Samuel 5:17-25)
8Iwe, lupwen ekkewe chón Filistia ra rong pwe David a fen kepit pwe epwe kingen Israel, ra ochufengeni nöüür kewe mwiichen sounfiu meinisin pwe repwe feittä o küttä David pwe repwe liäpeni. Nge David a rong pwe ra feitto, iwe, a feittiw ren ewe leeni mi pöchökkül tittin. 9Iwe, ekkewe chón Filistia ra wareiti lón ewe leemólun Refaim o angeeló mettóchun lón fän pöchökkül. 10Iei minne, David a eisini ewe SAMOL, “Ifa usun, ngang üpwe feilló o maun ngeni ekkewe chón Filistia? Ifa usun, kopwe atolonger lepeii?”
Iwe, ewe SAMOL a pölüweni o apasa ngeni David, “Ewer, kopwe feilló, pün ngang üpwe fókkun ewillók o atolonga ekkewe chón Filistia lepöum.”
11Iei minne, David me nöün kewe sounfiu ra feilló Baal Perazim o okkufu ekkewe chón Filistia me ikenan. Iwe, David a apasa, “Kot a föri ei! I a nöünöü ngang pwe üpwe tilenalong ekkewe chón opwutaei usun ew pwuupwu mi pwuu wätte.” Iei minne, ewe leeni a iteni Baal Perazim (wewen, “ewe SAMOL a tilenalong”). 12Iwe, ekkewe chón Filistia ra sü o likitaló nöüür kewe uluulun önümwäl ikenan. Iei minne, David me chienan kewe mwän ra uweereló.
13Nge mwirin ew fansoun, ekkewe chón Filistia ra pwal liwinsäfäl o emeresireló lón ewe leemólun Refaim. 14Iwe, David a pwal eisinisäfäli ewe SAMOL meet epwe föri. Nge ewe SAMOL a pölüweni o apasa ngeni David, “Kosap feil wenewenetä, pwe kopwe maun ngeniir. Nge i kopwe pwelliló lükün sökürüür o maun ngeniir arap ngeni ekkewe irä iter balsam. 15Lupwen kopwe rongorong och ökürang usun püngüpüngün pecheen chón karis me leülün ekkewe irä balsam; iwe, kopwe chök mwittir poputä le maun, pwokiten ina esissilan pwe ngang ewe SAMOL üwa akkomwoló mwom, pwe üpwe niieló ekkewe sounfiun Filistia.” 16Iei minne, David a föri meet ewe SAMOL a öllük ngeni. Iwe, a niietiw ekkewe chón Filistia achööwaló seni Kibeon (iei Keba) tori Kezer.
17Iei minne iteüöchün David a chööfeil ekis meinisin, nge ewe SAMOL a föri pwe chón ekkewe mwüü meinisin repwe nuokkusiti David.
Akkóóten ar repwe ömwökütü ewe Pwórofel ngeni Jerusalem
15 Mwirin än David a wes le öüüwetä ekkewe imw pwisin fänitan me lón ewe Telinimwen David, i a amollätä ew leeni fäniten än Kot we Pwórofel o a öüüwetä ew imw mangaku fänitan pwe epwe anómwu lón. 2Mwirin, David a atoowu ekkeei kapasen öüröür, “Lón ei fansoun, lupwen sipwe uweei än Kot we Pwórofel, esap wor emön me lükün ekkewe mwän seni ewe einangen Levi repwe mwäreei, pwokiten ewe SAMOL a filiiretä pwe iir repwe mwäreei an we Pwórofel o iir repwe angang fän mesan tori feilfeilló chök.”
3Mwirin, David a emwiicha fengeni chón Israel meinisin lón Jerusalem, pwe repwe uweätä än ewe SAMOL we Pwórofel ngeni ewe leeni i a fen amollätä fänitan. 4I a köörato ekkewe mwirimwirin Aaron me ekkewe mwän seni ewe einangen Levi.
5Iwe, a wor üküükün 120 seni ewe eterengesin Kohat, nge Uriel i ar souemmwen.
6A wor üküükün 220 seni ewe eterengesin Merari, nge Asaiah i ar souemmwen.
7A pwal wor üküükün 130 seni ewe eterengesin Kershon (ika Kershom), nge Joel i ar souemmwen.
8A wor üküükün 200 seni mwirimwirin Elizafan, nge Shemaiah i ar souemmwen.
9A wor üküükün 80 seni mwirimwirin Hebron, nge Eliel i ar souemmwen.
10A wor üküükün 112 seni mwirimwirin Uzziel, nge Amminadab i ar souemmwen.
11Mwirin, David a tiiti ekkewe souasór Zadok me Abiathar me ekkeei souemmwen seni ewe einangen Levi: Uriel, Asaiah, Joel, Shemaiah, Eliel me Amminadab. 12Iwe, a apasa ngeniir, “Ämi ekkewe souemmwen seni ekkewe familien chón ewe einangen Levi. Ämi me chiechiemi kewe mwän seni ewe einangen Levi öüpwe epinikemiiló, pwe öüpwe tongeni uweato ewe Pwórofel än ewe SAMOL ewe Koten Israel, ngeni ewe leeni ngang üwa fen amollätä fänitan. 13Pwokiten ämi ekkewe mwän seni ewe einangen Levi öüsap mwäreei ewe Pwórofel lón ewe äewin fansoun, iei minne, ewe soong än ewe SAMOL ach we Kot a ngeteri kich. Kich sia tümwününgaw ngeni ach sipwe eisini Kot öüröürach meren usun ach sipwe ömwökütü ewe Pwórofel lón pwüngün angangan.” 14Iei minne, ekkewe souasór me ekkewe mwän seni ewe einangen Levi ra pwisin epiniireló fäniten ar repwe uweätä ewe Pwórofel än ewe SAMOL, ewe Koten Israel, ngeni Jerusalem. 15Mwirin, ekkewe mwän seni ewe einangen Levi ra mwäreei än Kot we Pwórofel, nge ra aea ämmwär le mwärei wón afareer, usun chök minne ewe SAMOL a fen öüröüra ngeni Moses.
16Iwe, David a pwal öllük ngeni ekkewe souemmenin chón ewe einangen Levi pwe repwe filätä ew mwiichen chón kööl me leiin ekkewe chón Levi, iir ekkewe soukööl me chón för kööl pwe repwe köölüw ekkóch köölün pwapwa fiti ekkewe pisekin likettik iter laier, harp me simbal.
17Iei minne, ekkewe mwän seni ewe einangen Levi ra filätä Heman nöün Joel we mwän me määrärin we itan Asaf nöün Berekiah we mwän me määrärir we itan Ethan nöün Kushaiah we mwän seni ewe eterengesin Merari pwe iir repwe wiisen emmweni ekkewe chón kööl. 18Iwe, ikkeiir määrärir kewe lón ewe oruuen tettel ra kefilitä pwe repwe chón älillis ngeniir: Zekariah, Jaaziel, Shemiramoth, Jehiel, Unni, Eliab, Benaiah, Maaseiah, Mattithiah, Elifelehu, Mikneiah me ekkewe chón mammasa asamalapen ewe imwenfel, Obed-Edom me Jeiel.
19Nge ekkewe soukööl Heman, Asaf me Ethan ra kefilitä pwe iir repwe wiisen ettiki ekkewe pisekin likettik itan simbal mi för seni piraas. 20Zekariah, Aziel, Shemiramoth, Jehiel, Unni, Eliab, Maaseiah me Benaiah ra kefilitä pwe iir repwe ettiki ekkewe laier lón ngiingin Alamoth (ika sopran). 21Nge Mattithiah, Elifelehu, Mikneiah, Obed-Edom, Jeiel me Azaziah ra kefilitä pwe repwe ettiki ekkewe harp lón ngiingin Sheminith (ika paas). 22Kenaniah, i chón emmweni ekkewe mwän seni ewe einangen Levi lón peekin kööl, pwokiten i a wor an lipwäköch.
23Berekiah me Elkanah ra kefilitä pwe iir repwe mammasa ekkewe asamalap fäniten ewe Pwórofel. 24Shebaniah, Joshafat, Nethanel, Amasai, Zekariah, Benaiah me Eliezer, meinisin ätekeei iir souasór, ra kefilitä pwe repwe fätäl me mwen än Kot we Pwórofel nge ettiki ekkewe rappwa. Nge pwal Obed-Edom me Jehiah ra kefilitä pwe repwe tümwünü ewe Pwórofel.
Ewe Pwórofel a möküt ngeni Jerusalem
25Mwirin, David me ekkewe souemmwenin Israel pwal ekkewe meilapen sounfiu mi nemeni ngöröw sounfiu, ra feilló ngeni imwen Obed-Edom we pwe repwe uweatä än ewe SAMOL we pwórun pwon ngeni Jerusalem fän ew mweireiren pwapwa mi lapalaap. 26Iwe, pwokiten Kot a älisi ekkewe mwän seni ewe einangen Levi lupwen ra mwäreei än ewe SAMOL we pwórun pwon, iei minne, ra ääni asór füümön ätemwänin kowu me füümön ätemwänin appanen siip. 27Iwe, David a üföüf echö üüf mi ttam o pwechepwech, usun chök ekkewe mwän seni ewe einangen Levi mi mwäreei ewe Pwórofel, pwal ekkewe soukööl me Kenaniah ewe chón emmweni ewe mwiichen chón kööl. David a pwal üföüf echö üfen souasór mi pwechepwech itan efod. 28Iei usun än ekkewe chón Israel meinisin ra uweätä än ewe SAMOL we pwórun pwon ngeni Jerusalem fän mweireiren pwapwa me fän tikin ewe pisekin likettik mi för seni mächään ätemwänin siip, fän rappwa, simbal, pwal fän tikin ekkewe pisekin likettik mi wor säiteliir me harp.
29Nge lupwen än ewe SAMOL we pwórun pwon a tolong lón ewe Telinimwen David, Mikal nöün Saul we fefin a nennetiw me lón asammwachon imwan we. Iwe, lupwen a küna King David pwe a ekkelifechifech le pwörük o mwetemwet fän an pwapwa, a likiló David me lelukan.
16 Iei usun ar ra uweato än Kot we Pwórofel o atolonga lukalapen ewe imw mangaku David a fen öüüwetä fänitan. Mwirin, ra ääni ekkewe asóren keek me ekkewe asóren kinamwe me fän mesen Kot. 2Iwe, lupwen David a wes le ääni ekkewe asóren keek me asóren kinamwe, a efeiöchüw ekkewe aramas lón iten ewe SAMOL. 3Mwirin, a eineti ngeni iteiten emön me emön ekkewe chón Israel, mwän me fefin, efóch pilawa, och kinikinin fituk me och nokop mi för seni föün kreip mi appwas.
4Iwe, David a filätä ekkeei mwän seni chón ewe einangen Levi pwe repwe emmweni ekkewe aramas le fel mwen än ewe SAMOL we Pwórofel, ren ar repwe iótekin tungor an feiöch me iótekin kilisou o mwareiti ewe SAMOL, ewe Koten Israel. 5Asaf, ewe souemmwenin ei mwiich, a ettiki ekkewe simbal. Nge ikkeiir ekkewe kisitiwen fan: Zekariah (ewe örüwömönün) mwirin, Jeiel, Shemiramoth, Jehiel, Mattithiah, Eliab, Benaiah, Obed-Edom me Jeiel. Ätekeei ra wiisen ettiki ekkewe pisekin likettik iter laier me harp. 6Nge iteitan, ekkewe souasór Benaiah me Jahaziel ra wiisen ettiki ekkewe rappwa me mwen än Kot we Pwórofel.
Än David köölün kilisou(Köölfel 96:1-13; 105:1-15; 106:47-48)
7Iwe, lón ena ränin, iei äewin fansoun än David a filätä pwe Asaf me pwiin kewe mwän seni ewe einangen Levi repwe köölüw ei köölün kilisou ngeni ewe SAMOL:
8Öüpwe kilisou ngeni ewe SAMOL o arongafeili an kewe föfför mi lapalaap. Öüpwe esile ngeni unusen fönüfan pwe epwe silei meet i a föri.
9Öüpwe kööl ngeni i, ewer, öüpwe köölün mwareiti i. Öüpwe aporausa ngeni emön me emön usun an kewe manaman.
10Öüpwe fókkun etekiatä itan mi pin. Ämi chón fel ngeni ewe SAMOL öüpwe meseik.
11Öüpwe kütta ewe SAMOL me an pöchökkül, öüpwe sópweló le kütta i.
12Öüpwe ekieki usun an kewe föfför mi amwaraar i a fen föri. Öüpwe ekieki usun an kewe manaman i a föriir me ekkewe köpwüng i a ääni.
13Ämi ekkewe mwirimwirin Israel, i nöün Kot we chón angang, ämi ekkewe mwirimwirin Jakob, i ewe emön mi fil meren Kot.
14I ewe SAMOL ach Kot. An nemenem a pwä leemelen ewe fönü.
15I a öpwönüwetä an pwon fansoun meinisin - iei ewe kapas mi nüküchchar i a pwon ngeni engöröw pilóón aramas.
16Iei ewe pwon i a pwon ngeni Abraham me ewe pwon i a pwon fän ökköpöl ngeni Isaak.
17Iwe, a önüküchchara ei pwon ngeni Jakob pwe epwe ew öllük, a önüküchchara ngeni ekkewe aramasen Israel pwe ew pwonen etipeew esap mwüchchüló.
18A apasa, “Ngang üpwe ngeni kemi ewe fönü Kanaan pwe öüpwe fönüweni.”
19I a apasa ei lupwen iir ra chüen chök chóókükkün. Ra ew mwiichen chón ekis mi fókkun kükkün lón Kanaan.
20Ra siamwüfeil lefiilen ekkewe mwüü, seni ew mwüü tori pwal ew mwüü,
21Nge i esap mwüüt ngeni emön aramas pwe epwe eriäfföüür. Ewer, i a öpwüngü ekkewe king fänäsengesiir,
22o apasa, “Öüsap attapa ekkeei aramas ngang üwa filiiretä, öüsap efeiengawa neii kewe soufós.”
23Unusen fönüfan epwe kööl ngeni ewe SAMOL! Ew me ew rän, öüpwe arongafeili ewe poraus mi mwirinnö pwe i a amanawa aramas.
24Öüpwe esilefeili an kewe föfför mi amwaraar me leiin chón ekkewe mwüü. Öüpwe aporausa ngeni iteiten emön me emön usun ekkewe mettóch mi amwaraar i a föri.
25Ewe SAMOL a lapalaap. A fókkun fich ngeni i ach sipwe mwareiti! I ewe sipwe nuokkusiti lap seni ekkewe kot meinisin.
26Ekkewe koten ekkewe pwal ekkóch mwüü iir chök uluulun önümwäl. Nge ewe SAMOL a föri ekkewe läng.
27Iteüöch me manaman ra pwellieló ünükkün, pöchökkül me ling ra nónnóm lón leenian.
28Ämi chón ekkewe mwüün fönüfan, öüpwe esilla ewe SAMOL, öüpwe esilla pwe ewe SAMOL i popun ling me pöchökkül.
29Öüpwe ngeni ewe SAMOL ewe ling mi fich ngeni itan. Öüpwe uwato ämi asór o feitto fel ngeni i. Öüpwe fel ngeni ewe SAMOL lón an ling mi pin.
30Ämi chón fönüfan meinisin, öüpwe chechcheech me mwan. Fönüfan a fókkun nüküchchar, esap tongeni mwöküt seni leenian.
31Ekkewe läng repwe pwapwa, pwal fönüfan epwe meseik. Öüpwe aporausa ngeni chón ekkewe mwüü meinisin pwe ewe SAMOL i king.
32Ewe mataw me iteiten mettóch meinisin mi nóm lón repwe mweireiren mwareiti i. Ekkewe tännipi me ekkewe irän mwömwöngö mi määr lóór repwe pwükütä fän pwapwa.
33Ekkewe irän leiin ekkewe wöllap repwe mwarooro o kisimwaat ren ar mwaar me fän mesen ewe SAMOL, pün i a feitto pwe epwe öpwüngü fönüfan.
34Öüpwe kilisou ngeni ewe SAMOL, pün i a mwirinnö. An tong enlet a nónnóm tori feilfeilló chök.
35Öüpwe siö o apasa, “Kopwe amanawa keem, en Koten äm küna ngasaló. Kopwe ochufengeni keem o angasa keem seni leiin chón ekkewe mwüü, pwe äm aipwe tongeni kilisou ngeni itom mi pin, pwe äm aipwe pwapwa o mwareituk.”
36Öüpwe mwareiti ewe SAMOL, ewe Koten Israel, seni fansoun esepop tori feilfeilló chök.
Iwe, ekkewe aramas meinisin ra mweiräsini le apasa, “Amen!” o ra mwareiti ewe SAMOL.
Fel ngeni Kot lón Jerusalem me Kibeon
37Iwe, David a ewiisa ngeni Asaf me pwiin kewe seni ewe einangen Levi pwe repwe angang iteiten fansoun mwen än ewe SAMOL we pwórun pwon, repwe föri ese lifilifil meet mi osun an epwe för lón ew me ew rän. 38Chón ei mwiich a pacholong Obed-Edom (nöün Jeduthun we mwän), Hosah me wone me walümön mwän seni ewe einangen Levi pwe repwe chón mammasa ekkewe asamalap.
39Nge lón ei fansoun, David a anómwätiw ewe souasór Zadok me chiechian kewe souasór lón än ewe SAMOL we Imwenfel mangaku wón ewe chukuchukutän Kibeon, ia iir repwe sópweló le angang ie fän mesen ewe SAMOL. 40Iwe, ra ääni ekkewe asóren keek ngeni ewe SAMOL iteiten lesossor me lekuniól wón ewe róngen asór mi käimwüüló fäniten ei popun, pün ra älleasochisi iteiten ekkewe mettóch meinisin mi makketiw lón än ewe SAMOL we öllük i a fen ngeni chón Israel. 41Iwe, David a pwal filätä Heman me Jeduthun me ekkewe pwal ekkóch mi kefilitä o mak iter, pwe repwe köölün kilisou ngeni ewe SAMOL, “pün an tong enlet a nónnóm tori feilfeilló chök.” 42Heman me Jeduthun ra wiisen nemeni ekkewe chón ettiki ekkewe rappwa me ekkewe simbal, me ekkewe chón ettiki ekkewe pwal ekkóch pisekin likettik fäniten ekkewe kööl mi pin. Iwe, nöün Jeduthun kewe mwän ra kefilitä pwe repwe chón mammasa ewe asamalap.
43Mwirin, ekkewe aramas meinisin ra liwinsäfäl ngeni leenier. Iwe, pwal David a liwiniti imwan pwe epwe efeiöchüw än famili.
Än ewe SAMOL pwon ngeni David(2 Samuel 7:1-29)
17 Iwe iei, lupwen David a nóm lón imwan we imwen king, a apasa ngeni ewe soufós Nathan, “Nengeni, iei ngang üwa nóm lón ei imwen king mi ling mi för seni ewe irä sedar, nge än ewe SAMOL we pwórun pwon a chök nóm fän ew imw mangaku.
2Mwirin, Nathan a pölüweni o apasa ngeni ewe king, “Ngang üwa mwüüt ngenuk pwe kopwe föri meinisin meet a nóm lón óm ekiek, pün ewe SAMOL a nóm reemw.”
3Nge lón ewe chök pwinin, ewe SAMOL a kapas ngeni Nathan o apasa,
4“Kopwe feilló o üreni neii we chón angang David, ‘Iei meet ewe SAMOL a apasa: Sap en ewe emön kopwe öüüwetä fänitei ew imwenfel pwe üpwe nónnóm lón. 5Ngang üsap mwo nóm lón ew imwenfel seni ewe fansoun ngang üwa emmwenawu ekkewe aramasen Israel seni Egypt tori iei. Pün iteiten fansoun, ngang üwa chök imweim ew imw mangaku, lupwen üwa mwökütfeil seni ew leeni tori pwal ew. 6Ekis meinisin ia ngang üwa fiti ekkewe chón Israel le mwökütüló ie, esap mwo fän ew äi üpwe tunopwen ngeni ekkewe souemmwenin Israel, chókewe ngang üwa öllük ngeniir pwe repwe chón fóóleni neii kewe aramasen Israel. Ngang üsap apasa ngeniir mwo fän ew, ‘Pwata öüsap öüüwetä fänitei ew imwenfel mi ling mi för seni ewe irä sedar?’
7Iei minne, iei meet kopwe feilló o apasa ngeni neii na chón angang David: ‘Iei meet ewe SAMOL mi Unusen Manaman a apasa: Ngang üwa filuketä pwe kopwe emmweni neii kewe aramasen Israel lupwen ka chüen chök emön äät chón fóóleni siip ka tümwünü noum kewe siip lón ewe leeni ia ra mwöngö fetil ie. 8Ngang üwa fituk ekis meinisin ia en ka feilló ie, ngang üwa pwal arosaló me mwom chón opwutom kewe meinisin. Iwe iei, ngang üpwe föri pwe en kopwe emön me leiin ekkewe aramas mi iteüöch wón fönüfan. 9Iwe, ngang üwa fen awora ew leenien wilipós fäniten neii kewe aramasen Israel. Ngang üwa fótukiiretiw pwe repwe nóm lón ew leeni epwe ina pwisin leenier, nge esap chüen wor emön epwe osukosuker. Ei fönü epwe iei fönüwer ia chón ekkewe mwüü mi föfföringaw resap pwal chüen eriäfföwür me ie, usun ra föri me mwan, 10seni ewe fansoun ngang üwa filätä ekkewe souköpwüng pwe repwe nemeni neii kewe aramasen Israel. Iwe, ngang üpwe okkufu chón opwutom kewe meinisin.
Iwe iei, ngang ewe SAMOL üwa esile ngenuk pwe pwisin ngang üpwe öüüwetä ew imw fänitom, iei ew mwüün familien king. 11Pün lupwen kopwe mäló o asöösö lón peias ren óm kewe leewo, ngang üpwe öüüwetä emön me leiin noum kewe mwän pwe epwe siwiliik le king. Iwe, ngang üpwe föri pwe mwüün epwe pöchökkül. 12I ewe emön epwe öüüwetä ew imw - ew imwenfel - fäniten itei. Iwe, ngang üpwe önüküchchara an we leenien móótun king lón mwüün tori feilfeilló chök. 13Ngang üpwe saman, nge i epwe neii mwän. Ngang üsap angealó äi tong ese mwüch seni i usun äi üwa angealó äi tong ese mwüch seni Saul, ätewe mi akkomw le nemenem mwom. 14Iwe, ngang üpwe önüküchchara an nemenem lón äi we mwüün familien king me mwüüi we fansoun meinisin. Iwe, an we leenien móótun king epwe nüküchchar tori feilfeilló chök.’ ”
15Iei minne, Nathan a liwinsäfäliló ren David o aporausa ngeni i meinisin minne ewe SAMOL a pwääri ngeni i.
Än David iótekin kilisou
16Mwirin, King David a tolong lón ewe imwenfel mangaku o a móót fän mesen ewe SAMOL. Iwe, a iótek o apasa,
“Äi SAMOL Kot, meet äi famili pwe en ka emmweniei tori ei öüküükün? 17Iwe iei, äi Kot, pwal kapachetä ngeni ekkeei mettóch meinisin, en ka pwal kapas usun óm kopwe ngeniei ngang noum ei chón angang ew mwüün familien king esap mwüchchüló. En ka kapas fänitei usun chök itä nge ngang emön aramas mi fókkun lapalaap, äi SAMOL Kot!
18Iwe, pwal meet ngang David üpwe tongeni kapas usun ren lapalapen óm ka afónaei? Pün en ka silei meet nónnómwi ngang noum ei chón angang. 19Äi SAMOL, en ka föri ekkeei föfför mi lapalaap seni pwisin mochenin letipom fänäsengesi ngang noum ei chón angang o ka pwääriir ngeniei pwe üpwe silei usur.
20Äi SAMOL, esap wor emön a wewe ngenuk, ese pwal wor emön kot me lükum pwe en chök. Äm aisap mwo rongorong usun pwal emön kot usum. 21Menni pwal ew mwüü wón fönüfan mi usun Israel? Menni chón pwal ew mwüü, äi Kot, en ka angaser seni än aramas nöüniir amanaw epwe usun noum kewe aramasen Israel? En ka pwisin elingaló itom mi lapalaap lupwen ka chimanü noum kewe aramas seni Egypt. En ka föri ekkewe manaman mi amwaraar o ösüüweló chón ekkewe mwüü mi üütä mweer. 22Pün en ka filätä ekkewe aramasen Israel pwe repwe noum aramas tori feilfeilló chök, nge en äi SAMOL, ka wiliti ar Kot.
23Iwe iei, äi SAMOL, kopwe föri usun minne ka pwon fänäsengesi ngang noum ei chón angang me äi famili. Amwo epwe ew pwon esap mwüch tori feilfeilló chök. 24Iwe, amwo itom epwe nüküchchar o fókkun iteföüló tori feilfeilló chök, pwe chón fönüfan meinisin repwe apasa, ‘Ewe SAMOL mi Unusen Manaman, i Koten Israel!’ Iwe, amwo ewe mwüün familien king, mwüüi ngang noum ei chón angang David, epwe nüküchchar me fän mesom.
25O äi Kot, ngang üwa mesemaaw äi üpwe ääni ei iótek, pwokiten en ka pwääri ngeniei, ngang noum ei chón angang pwe en kopwe öüüwetä ew imw fänitei - iei ewe mwüün familien king esap mwüchchüló. 26Pün en Kot, äi SAMOL. En ka pwonei ekkeei mettóch mi mwirinnö ngeniei, ngang noum ei chón angang. 27Iwe iei, kose mochen kopwe efeiöchüei me äi famili, ngang noum ei chón angang, pwe äm ei mwüün familien king epwe tongeni sópwósópwóló me fän mesom tori feilfeilló chök. Pün en äi SAMOL ka afeiöchü äm ei mwüün familien king, iei minne epwe feiöch tori feilfeilló chök!”
Än David kewe wiil lón maun(2 Samuel 8:1-18)
18 Iwe, mwirin ei fansoun, David a maun ngeni ekkewe chón Filistia o okkufur. Iwe, a liäpeni ewe telinimw Kath me wiissópwósópwun kewe mi nóm pwellin ünükkün.
2David a pwal liäpeni ewe fönü Moab. Iwe, ekkewe chón Moab ra nóm fän än David nemenem o ra uweato ar takises ngeni.
3Mwirin, David a pwal okkufu ewe mwiichen sounfiu nöün King Hadadezer ewe kingen Zobah, lupwen ätei Hadadezer a feilló pwe epwe öpöchökkülasäfäli an nemenem wón ewe fönü órun ewe chaanpwuupwu Eufreitis. 4David a liäpeni seni Hadadezer üküükün engöröw wóóken, fisu ngöröw chón waawa wóóken me rüwe ngöröw sounfiu mi fätäl. Mwirin, a pöküw selin epilipilin pecheen ekkewe óris mi lukuluk wóóken nge a likiti ekkóch ekkewe óris pwe repwe lukii ipwükü wóóken.
5Iwe, lupwen ekkewe sounfiun Aram seni Damaskos ra war pwe repwe älisi Hadadezer, David a maun ngeniir o a niietiw üküükün rüwe me ruu ngöröw me leiir. 6Mwirin, David a anómwu ekkóch mwiichen sounfiu lón Damaskos, iei än ekkewe chón Aram we möküren telinimw. Iwe, ekkewe chón Aram ra nóm fän än David nemenem o ra uwato ar takises ngeni. Iei usun än ewe SAMOL a ewilla David ekis meinisin ia i a feilló ie.
7Iwe, David a uwato ekkewe pisekin eppet lón maun mi för seni kolt, än nöün Hadadezer kewe meilap ngeni Jerusalem, 8fiti chómmóng piraas seni än Hadadezer kewe telinimw iter Tibbah (ika Tebah) me Kun. Me mwirin, Solomon a eteli ekkewe piraas pwe epwe ääniir fäniten ewe Imwenfel. A ouluulu ewe piraas o föri ewe Sepien kólik mi wätte me ekkewe üür me ekkewe sakkopaaten pisek ra aea lón ewe Imwenfel.
9Iwe, lupwen King Tou, ewe kingen Hamath a rong pwe David a okkufu ewe mwiichen sounfiu nöün King Hadadezer seni Zobah, 10a tiinaló nöün we mwän itan Hadoram ren King David pwe epwe uweei an kapwong ngeni me an ingeiti ren an wiil lón an maun ngeni Hadadezer mi fen piin maun ngeni Tou. Hadoram a uweato ren David chómmóng sókkun liffang pisek mi för seni silifer, pisek mi för seni kolt me pisek mi för seni piraas.
11Iwe, King David a angei ekkeei pisek o äimwüreló pwe ra pin fäniten ewe SAMOL. Iwe, a ochuw ngeni ekkewe silifer me kolt i a fen äimwureló pwe ra pin, i a liäpeni seni ekkewe pwal ekkóch mwüü i a okkufur, iter: Edom, Moab, Ammon, Filistia me Amalek.
12Abishai nöün Zeruiah we mwän a niieló engol me walü ngöröw chón Edom me lón ewe leemólun Salt. 13Iwe, Abishai a anómwu ekkóch mwiichen sounfiu leemelen Edom, nge ekkewe chón Edom meinisin ra nóm fän än David nemenem. Iei pwal och föfför mi pwärätä usun än ewe SAMOL a föri pwe David epwe wiil ekis meinisin ia i a feilló ie.
14Iwe, David a nemenem wón unusen Israel o a föri minne mi pwüng o wenechchar ngeni nöün kewe aramas meinisin. 15Iwe, Joab nöün Zeruiah we mwän a meilapen ewe mwiichen sounfiu, nge Jehoshafat nöün Ahilud we mwän a chón makkeetiw minne mi öüchchea ar repwe chechchemeni. 16Zadok nöün Ahitub we mwän me Ahimelek nöün Abiathar we mwän iir ekkewe souasór, nge Seraiah a seketeri. 17Benaiah nöün Jehoiada we mwän a meilapen ekkewe chón Kereth me chón Peleth, iir ekkewe chón tümwünü ewe king. Iwe, nöün David kewe mwän, iir meilapen ekkewe nöüwiis.
David a okkufu ekkewe chón Ammon(2 Samuel 10:1-19)
19 Ekkóch fansoun me mwirin ei, Nahash ewe king nöün ekkewe aramasen Ammon a mäló. Iwe, nöün we mwän itan Hanun a siwili lón wiisan wiisen king. 2Iwe, David a apasa, “Ngang üpwe pwääri äi unusen uolükülük ngeni Hanun, pwokiten Nahash saman we a unusen uolükülük ngeniei.”
Iei minne, David a tiinaló ekkóch chón künö pwe repwe uweeló an kapasen chüüpwül ngeni Hanun ren än saman we a mäló. Nge lupwen nöün David kewe chón künö ra wareiti ewe fönü Ammon, 3nöün Hanun kewe chón öüröür ra apasa ngeni i, “Ifa usun, ka wesewesen ekieki pwe ekkeei mwän ra feitto ikeei pwe repwe afóna semom we? Apwi! David a tiiniireto pwe repwe operi ei fönü pwe repwe tongeni tolong o liäpeni.” 4Iei minne, Hanun a turufi nöün David kewe chón künö o räisöló ölüseer. Iwe, a pöküweló üfeer kewe me lukalaper, äkkäwenewenen wón lükiilónguur. Mwirin, a tiinsäfälireló ren David lón ar sääw.
5Iwe, lupwen David a rong usun meet a fis, a tiinaló ekkóch chón künö pwe repwe üreni ekkewe mwän pwe repwe le chök nómwóló lón Jeriko tori an epwe pwüküsäfäl ölüseer, pün ekkewe mwän ra fókkun sääw ren likilikiir.
6Iwe iei, ekkewe aramasen Ammon ra meefi usun öüküükün ar asoonga David. Iei minne, Hanun me ekkewe chón Ammon ra tiinaló engöröw talent silifer pwe möön wóóken me mwiichen sounfiu seni Aram-naharaim, Aram-maakah me Zobah. 7Iwe, ra pwal mööni üküükün iliik me ruu ngöröw wóóken me chón waawa wóóken. Ra pwal mööni ewe kingen Maakah me nöün we mwiichen sounfiu. Iwe, ra feitto o köüütä imweer imw mangaku lón Medeba, ia ra chuungeni me ie ekkewe sounfiun Ammon, Hanun a kööriireto seni pwisin an kewe telinimw.
8Iwe, lupwen David a rongorong usun ei poraus, a tiinaló Joab me nöün kewe sounfiu mi pwora meinisin pwe repwe maun ngeniir. 9Iwe, ekkewe sounfiun Ammon ra feiliwu o etetteliireló ren asamalapen tittin ar we telinimw, nge ekkewe king mi feitto pwe repwe älisiiir ra osousouló pwe repwe maun lón ekkewe mälämäl mi amassawa.
10Iwe, lupwen Joab a küna pwe i epwe maun ngeni ruu mwiichen sounfiu mi tetteliló mwan me lükisökürün, a fili ekkewe mwän mi fókkun pwora me lón an we mwiichen sounfiu. Iwe, a anómwur fän an nemenem o emmwenireló pwe repwe maun ngeni ekkewe chón Aram mi nóm lón ekkewe mälämäl. 11Nge a likitätiw ekkewe lussun sounfiu fän nemenemen Abishai pwiin we. Iwe, Abishai a etetteliireló, pwe repwe maun ngeni ekkewe chón Ammon. 12Iwe, Joab a apasa ngeni pwiin we, “Are ekkewe chón Aram ra koon pöchökkül ngeniei, mwirin, kopwe feitto o älisiei. Nge are ekkewe chón Ammon ra koon pöchökkül ngenuk, ngang üpwe älisuk. 13Kopwe apworóók! Sipwe pwora le maun pwe sipwe amanawa nöüch aramas me ekkewe telinimwen ach we Kot. Iwe, amwo letipen ewe SAMOL epwe fis.”
14Iwe, lupwen Joab me nöün kewe sounfiu ra maun, ekkewe chón Aram ra poputä le süüló. 15Iwe, lupwen ekkewe chón Ammon ra küna pwe ekkewe chón Aram ra sü, pwal iir ra sü me mwen Abishai pwiin Joab we o süülong lón ewe telinimw. Mwirin, Joab a liwinsäfäliló ngeni Jerusalem.
16Iwe iei, ekkewe chón Aram ra meefi pwe rese pweta ren ekkewe chón Israel, iei minne, ra köörato sópwósópwun ekkewe sounfiun Aram seni epeek ewe chaanpwuupwu Eufreitis. Iwe, ekkeei sounfiu ra war fän emmwenien Shofak (ika Shobak), ewe meilapen nöün Hadadezer mwiichen sounfiu meinisin.
17Iwe, lupwen David a rongorong usun meet a fis, a ochufengeni ekkewe sounfiun Israel meinisin, a feilló epeek ewe chaanpwuupwu Jordan nge ra serefengen me ekkewe sounfiun Aram. Iwe, ra etetteliireló o ra maun ngeni ekkewe chón Aram nge ekkewe chón Aram ra maun ngeniir. 18Nge ekkewe chón Aram ra pwal sü ren ekkewe chón Israel. Lón ei fansoun, nöün David kewe sounfiu ra niieló üküükün fisu ngöröw chón waawa wóóken me fääik ngöröw sounfiu mi fätäl, pwal pacholong Shofak, ewe meilapen ar we mwiichen sounfiu.
19Iwe, lupwen nöün Hadadezer kewe chón angang ra meefi pwe ra kuf ren chón Israel, ra fangetä ngeni David o ra nóm fän an nemenem.
Mwirin ena, ekkewe chón Aram resap chüen mochen repwe älisi ekkewe chón Ammon.
David a liäpeni Rabbah(2 Samuel 12: 26-31)
20 Iwe, lón ewe fansoun mwen rääs, iei ewe fansoun lón iteiten ier, ekkewe king ra feilló maun, Joab a emmwenawu ewe mwiichen sounfiu o ataeló ekkewe telinimwen me sópwun ekkewe chón Ammon. Lón ew ótun ar maun, ra pwellieló ewe telinimw Rabbah fän pisekin maun o ataeló. Nge David a chök nómwetiw lón Jerusalem. 2Iwe, lupwen David a wareiti Rabbah, a angei ewe mwärin king seni wón möküren ewe king. Iwe, ewe mwärin king a iseisetä wón möküren David. Ewe mwärin king a för seni kolt, nge a pwal wor faaw öüchchea mi nóm wón. Üküükün choun, ew talent. David a pwal angei chómmóng liäpan seni ewe telinimw. 3Iwe, David a pwal uwealó aramasen ewe telinimw Rabbah o nöüniir amanaw. A eriäniir pwe repwe angang fän ngerenger, fän turupwas me fän kouk. Iei usun meet David a föri ngeni aramasen än chón Ammon kewe telinimw meinisin. Mwirin, David me an we mwiichen sounfiu ra liwinsäfäl ngeni Jerusalem.
4Mwirin ei, a fis maun ngeni ekkewe chón Filistia me lón Kezer. Iwe, lupwen ra maun, Sibbekai seni Hushah a niieló Sippai (ika Saf), i emön mwirimwirin ekkewe mwänemmóng chón Refa. Iwe, ekkewe chón Filistia ra kuf.
5Lupwen a pwal fis ew maun ngeni ekkewe chón Filistia, Elhanan nöün Jair we mwän a niieló Lahmi pwiin Koleiach we seni Kath. Wókun Lahmi we siles a öümmóng usun öün efóch än chón töör piisónófót.
6Lón pwal ew maun ngeni ekkewe chón Filistia me lón Kath, emön mwän mi fókkun wätte, mi wor wonofóch ächefen wón efóch me efóch kumwuchun, pwal wonofóch ächefen wón efóch me efóch pachapachan, ina minne a wor üküükün rüwe me fóffóch ächefan. Ätei pwal i emön mwirimwirin ekkewe mwänemmóng chón Refa. 7Ätei a turunufasei ekkewe chón Israel, nge Jonathan nöün pwiin David we itan Shimea a niieló ätei.
8Ekkeei chón Filistia iir mwirimwirin ekkewe mwänämmóng mi nóm lón Kath, nge David me nöün kewe sounfiu mi pwora ra niireló.
David a älleani iteiten chón Israel me Judah(2 Samuel 24:1-25)
21Mwirin, Satan a üüngeni chón Israel o a etipetipa ngeni David pwe epwe älleani iteiten ekkewe chón Israel. 2Iei minne, David a atoowu ekkeei osomän ngeni Joab me nöün kewe meilapen sounfiu, “Öüpwe feilló o älleani iteiten aramasen Israel meinisin, seni Beersheba mi nóm öör tori Dan mi nóm efeng. Mwirin, öüpwe uweato reei unusen ewe iteit pwe ngang üpwe silei ika a fite iteiter.”
3Nge Joab a pölüweni o apasa, “Amwo ewe SAMOL epwe achómmóngaló iteiten nöün kewe aramas fän ipwükü lap seni me mwan. Nge pwata en äi samol ewe king, ka mochen föri ei? Ifa usun, sap iir meinisin noum chón angang? Pwata kopwe atooto och tipis wón Israel?”
4Iei mwo nge ewe king a chök ouucholó pwe Joab epwe angei iteiten ekkewe aramas. Iei minne, Joab a sääifeil leemelen unusen Israel pwe epwe älleani ekkewe aramas. Mwirin, a liwinsäfäl ngeni Jerusalem, 5o repottei iteiten ekkewe aramas ngeni David. A wor üküükün ew milion ipwükü ngöröw mwän ra tori ierin sounfiu me lón Israel, nge lón Judah, a wor üküükün föpwükü fiik ngöröw mwän ra tori ierin sounfiu.
6Nge Joab esap apachalong chón ekkewe einangen Levi me Benjamin lón ewe ällean iteiten aramas, pwokiten i a fókkun letipengaw ren meet ewe king a üreni pwe epwe föri.
Ewe köpwüng fäniten än David tipis
7Iwe, Kot esap pwal pwapwa ren ewe ällean iteiten aramas. Iei minne, i a öpwüngü chón Israel fänitan.
8Mwirin, David a apasa ngeni Kot, “Ngang üwa tipis chapwür. Amwo itä üse fen älleani iteiten ekkewe aramas. Nge kose mochen kopwe omwusaeiló, ngang noum ei chón angang, ren äi föri ei mettóch mi fókkun umwes.”
9Mwirin, ewe SAMOL a kapas ngeni Kad, nöün David we soufós, o apasa. Iei ewe poraus: 10“Kopwe feilló o apasa ngeni David, ‘Iei meet ewe SAMOL a apasa: Ngang üpwe ngenuk ülüngät mettóch en kopwe filätä ew me leiir fänitom. Kopwe filätä ew me leiin ekkeei köpwüng, iwe, ngang üpwe föri ngenuk.’ ”
11Iei minne, Kad a feitto ren David o apasa ngeni, “Ikkeei ülüngät mettóch ewe SAMOL a fen ngenuk kopwe filätä ew me leiir. 12Ka tongeni filätä ülüngät ierin lengita ika ülüngät maramen än chón opwutom repwe ataeló ewe fönü ren ar repwe maun ngenuk fän ketilas o okkufuk, ika ülüngät ränin määlap epwe fis lupwen nöün ewe SAMOL we chón läng epwe awarato feiengaw leemelen ewe fönü Israel. Iwe iei, kopwe ekieki o mwüüt ngeniei pwe üpwe silei meet pölüwan üpwe ngeni ewe SAMOL.”
13Iwe, David a pölüweni o apasa ngeni Kad, “Iei och lapalap mi eriäfföü. Nge kose mochen mwüüt ngeniei pwe üpwe turulong lepöün ewe SAMOL, pün an ümöümöch a fókkun lapalaap. Kosap mwüüt ngeniei pwe üpwe turulong lepöün aramas.”
14Iei minne, ewe SAMOL a tiinato ew määlap wón Israel. Iwe, üküükün fiik ngöröw aramas ra mäló ren ewe määlap. 15Iwe, Kot a tiinaló emön chón läng pwe epwe ataeló Jerusalem. Nge lupwen chök än ewe chón läng a amollätä pwe epwe ataeló Jerusalem, ewe SAMOL a äpweteeteló an ekiek. Iwe, a apasa ngeni ewe chón läng mi efeiengawa ekkewe aramas, “Kopwe ükütiw. A naaf.” Lón ena fansoun, nöün ewe SAMOL we chón läng a üütäló ren ewe leenien wichiwich umwun wiit än Arauna (ika Ornan) ewe re Jebus.
16Iwe, David a nennetä o a küna nöün ewe SAMOL we chón läng mi üütä lefiilen fönüfan me läng, nge a kömwöch lón pöün efóch ketilas mi eitieló wón Jerusalem. Iei minne, David me ekkewe souakkomwen Israel ra üföüf üüf mi för seni tuuk pwe repwe pwäraló ar letipeta o ra chappetiw leppwül.
17Iwe, David a apasa ngeni Kot, “Ngang ewe emön mi apasa pwe epwe wor ällean iteiten aramas. Ngang ewe emön mi tipis o föri minne mi mwääl. Nge ekkeei aramas mi wewe ngeni siip, esap wor ar tipis - meet iir ra föri? Ngang üwa tungór ngenuk, äi SAMOL me äi Kot, kopwe mwüüt ngeni óm soong epwe efeiengawaei me äi famili, nge kosap arosaló noum keei aramas ren ei määlap.”
David a senätä ew róngen asór
18Mwirin, nöün ewe SAMOL we chón läng a üreni Kad pwe epwe öüröüra ngeni David pwe epwe feilló o senätä ew róngen asór ngeni ewe SAMOL lón ewe leenien wichiwich umwun wiit än Ornan (ika Araunah) ewe re Jebus. 19Iei minne, David a älleasochis ngeni ekkewe kapasen öüröür ewe SAMOL a apasa ngeni meren Kad.
20Iwe, Ornan me nöün kewe fömön mwän ra wichiwich umwun wiit lón ena fansoun. Nge a kul o a küna ewe chón läng a üütä ikenan. Iwe, nöün kewe fömön mwän mi nóm ren ra süüló o op, nge Ornan a chök sópweeló le wichiwich umwun wiit. 21Iwe, lupwen Ornan a küna King David a feitto, a feilló seni an we leenien wichiwich umwun wiit o rootiw lepwün me mwan.
22Iwe, David a apasa ngeni Ornan, “Kopwe mwüüt ngeniei pwe üpwe mööni senuk ei leenien wichiwich umwun wiit wón üküükün unusen liwinin. Mwirin, ngang üpwe senätä ew róngen asór ngeni ewe SAMOL wón, pwe i epwe öükätiw ewe määlap seni ekkewe aramas.”
23Nge Ornan a apasa ngeni David, “Kopwe angei, äi samol ewe king. Kopwe aea usun en ka mochen. Nengeni, ikkeiir ekkewe ätemwänin kowu fäniten ewe asóren keek. Ka tongeni ääni ekkewe pisekin wichiwich umwun wiit fäniten mwüüch pwe kopwe öküüw och ekkei wón ewe róngen asór. Iwe, kopwe angei ekkewe föün wiit fäniten ewe asóren mwöngö. Ngang üpwe ngenuk meinisin.”
24Nge King David a pölüweni o apasa ngeni Ornan, “Apwi, ngang üpwe ouucho ngenuk pwe üpwe möönätiw meet üküükün unusen liwinin ewe leeni. Ngang üsap tongeni angei meet óm o ngeni ewe SAMOL. Ngang usap ääni ew asóren keek minne esap wor och möön merei.”
25Iei minne, David a ngeni Ornan üküükün wonopwükü shekel kolt pwe liwinin ewe leenien wichiwich umwun wiit. 26Iwe, David a senätä ikenan ew róngen asór ngeni ewe SAMOL, o a ääni ekkewe asóren keek me asóren kinamwe wón. Iwe, lupwen David a iótek ngeni ewe SAMOL, ewe SAMOL a pölüweni i ren an a tiinato ekkei seni läng pwe epwe kenaló ewe asóren keek me wón ewe róngen asór.
27Mwirin, ewe SAMOL a kapas ngeni ewe chón läng. Iwe, ewe chón läng a eliwinalong nöün we ketilas lón sittan. 28Lón ena fansoun, lupwen David a küna pwe ewe SAMOL a pölüweni an iótek me lón ewe leenien wichiwich umwun wiit än Ornan ewe re Jebus, a ääni ekkewe asór me ikenan. 29Pün lón ena fansoun, än ewe SAMOL we Imwenfel mangaku me ewe róngen asóren keek Moses a föriir me lón ewe fönüpöön, ra nóm lón ewe leenien fel wón ewe chukuchukutän Kibeon. 30Nge David esap tongeni feilló ikenan pwe epwe kütta öüröüran meren Kot, pwokiten i a nuokkusiti ewe ketilas nöün nöün ewe SAMOL we chón läng.
22 Mwirin, David a apasa, “Epwe iei ewe leeni fäniten ewe Imwenfel än ewe SAMOL Kot, pwal leenien ewe róngen asór fäniten än ekkewe chón Israel kewe asóren keek.”
Angangen amollätä fäniten köüütän ewe Imwenfel
2Iei minne, David a kööri fengeni ekkewe chón ekis mi nónnóm lón ewe fönü Israel pwe repwe chufengen. Iwe, a ewiisa ngeniir ewe angangen fal faaw fäniten köüütän än Kot we Imwenfel. 3David a pwal awora chómmóng mächä, pwe repwe aea fäniten chüüfölün ekkewe asam, repwe pwal aea wón ekkewe tiit, pwal fäniten ekkewe ökkük. A pwal amollätä chómmóng piraas resap tongeni kilooni. 4A pwal awora chómmóng irä seni ewe irä sedar resap tongeni lea, pün ekkewe mwän seni Sidon me Tayer ra uwato chómmóng irä ren David.
5Iwe, David a apasa, “Neii we mwän Solomon a chüen chök ölüwöl o esap mwo sipeöch le angang. Nge ewe imw i epwe öüüwetä fäniten ewe SAMOL epwe ew imw mi fókkun amwaraar, epwe pwal föüló me ling me mwen mesen chón ekkewe mwüü meinisin. Iei minne, ngang üpwe popuetä le föri angangen amollätä fänitan iei.” Iei minne, David a ionifengeni chómmóng pisekin ewe Imwenfel me mwen an epwe mäló.
6Mwirin, David a tiiti nöün we mwän Solomon o a emwirimwir ngeni pwe i epwe öüüwetä ew imw fäniten ewe SAMOL, ewe Koten Israel. 7David a üreni Solomon, “Neii mwän, ngang üwa mochen pwe üpwe öüüwetä ew Imwenfel pwe üpwe afóna iten ewe SAMOL äi we Kot. 8Nge ewe SAMOL a apasa ngeniei, ‘En ka niieló chómmóng aramas lón ekkewe maun mi lapalaap en ka ääni. Iwe, pwokiten en ka össükü chómmóng chcha me fän mesei, iei minne, sap en ewe emön kopwe öüüwetä ew Imwenfel pwe kopwe afóna itei. 9Nge epwe wor emön noum mwän epwe fis ngeni lón manawan kinamwe me mósónósón. Ngang üpwe fang ngeni i an kinamwe seni chón opwutan meinisin mi nóm ünükkün. I epwe iteni Solomon, pün ngang üpwe fang kinamwe me mósónósón ngeni Israel lupwen fansoun an nemenem. 10I ewe emön epwe öüüwetä ew Imwenfel pwe epwe afóna itei. I epwe neii mwän, nge ngang üpwe saman. Iwe, ngang üpwe önüküchchara ewe leenien móótun king lón mwüün tori feilfeilló chök.’
11Iwe, iei, neii mwän, amwo ewe SAMOL epwe fituk o fang ngenuk óm kopwe feffeitä lupwen kopwe fiti pwüngün äi kewe kapasen öüröür le öüüwetä ewe Imwenfel fäniten ewe SAMOL óm we Kot. 12Iwe, amwo ewe SAMOL epwe fang ngenuk tipächchem me weweöch, lupwen i epwe atolongók pwe en kopwe nemenem wón Israel, pwe kopwe tongeni öpwönüwetä ewe öllük än ewe SAMOL óm we Kot. 13Pün are kopwe tümwünüfichi le älleasochisi ekkewe öllük me pwüüng ewe SAMOL a ngeni chón Israel meren Moses, en kopwe feffeitä. Kopwe pöchökkül o tipepwora, kosap nuokkus, kosap pwal apilükingaw.
14Enlet, ngang üwa angang weires pwe üpwe awora ekkewe pisek fäniten köüütän än ewe SAMOL we Imwenfel. A wor arapakkan ngeni üküükün ipwükü ngöröw talent kolt me ew milion talent silifer, pwal piraas me mächä esap wor emön a tongeni kilooni, pün ra koon chómmóng. Ngang üwa pwal amollätä irä me faaw fäniten ekkewe tiit. Nge en ka pwal tongeni óm kopwe sópwei le apachätä chómmóng ngeniir. 15Mi wor chómmóng souangang mi mesenipöüfich ra nóm reemw: ekkewe chón fal faaw, chón sees faaw, täikü me sakkopaaten mwän mi wor ar silelap fäniten iteiten sókkun angang. 16Iir ekkewe mi silelap, chón angang ngeni kolt, chón angang ngeni silifer me ekkewe chón angang ngeni piraas me mächä. Iwe, iei, kopwe le popuetä ewe angang, nge ewe SAMOL epwe fituk.”
17Mwirin, David a öllük ngeni ekkewe souemmwenin Israel meinisin pwe repwe älisi Solomon nöün we mwän lón ei angang. 18A önükünükü le esile ngeniir, “Ewe SAMOL ämi we Kot a nóm reemi. I a fang ngeni kemi pwe öüpwe kinamwe fengen me chón ekkewe mwüü mi nóm pwellin ünükkümi. Pün i a atolonga chón ewe fönü meinisin lón peii, iei minne, iei iir ra nóm fän än ewe SAMOL me nöün kewe aramas nemenem. 19Iwe iei, öüpwe kütta ewe SAMOL ämi we Kot ren unusen letipemi me ngünümi. Öüpwe öüüwetä ewe imw mi pin imwen ewe SAMOL Kot, pwe öüpwe tongeni uweato än ewe SAMOL we pwórun pwon me ekkewe pisek mi pin än Kot lón ewe Imwenfel epwe köüütä pwe epwe afóna iten ewe SAMOL.”
Än ekkewe mwän seni ewe einangen Levi angang
23 Iwe, lupwen David a chinlap, a filätä Solomon nöün we mwän pwe i epwe kingen Israel.
2David a emwiichafengeni ekkewe souemmwenin mwüün Israel meinisin, fiti ekkewe souasór me ekkewe mwän seni ewe einangen Levi fäniten ewe fansoun ämwärämwären wiisen king. 3Iwe, ra älleani iteiten ekkewe mwän seni ewe einangen Levi, seni iliik ier feittä. Iwe, üküükün iteiten ekkewe mwän meinisin, 38,000. 4Mwirin, David a apasa, “Öüpwe äimwünawu üküükün rüwe me rüwänü ngöröw seni leiin ätekeei pwe iir repwe wiisen nemeni angangen än ewe SAMOL we Imwenfel. Nge 6,000 repwe nöüwiis me souköpwüng. 54,000 repwe wiisen chón mammasa ekkewe asamalap, pwal 4,000 repwe wiisen mwareiti ewe SAMOL fän sakkopaaten pisekin likettik ngang üwa fen föriir fäniten köölün mwareiti Kot.”
6Mwirin, David a inetiretiw lón ülüngät mwiich lón kinikinin nöün Levi kewe mwän: Kershon, Kohath me Merari.
Tettelin chón ewe familien Kershon
7Nöün Kershon kewe mwän:
Ladan me Shimei.
8Nöün Ladan kewe mwän:
Jehiel (iei i ewe souemmwenin famili),
Zetham me Joel, iir ülümön.
9Nöün Shimei kewe mwän:
Shelomith, Haziel me Hara, iir ülümön. Ikkeiir ekkewe móngomalen ekkewe familien Ladan.
10Pwal nöün Shimei kewe mwän: Jahath, Zina (ika Ziza), Jeush me Beriah. Ikkeiir nöün Shimei kewe fömön mwän.
11Jahath i ewe souemmwenin famili nge Zizah a tapw mwirin. Nge Jeush me Beriah ra chök ällea pwe ew famili, pwokiten iir me rüwömön esap wor chómmóng nöüür mwän.
Tettelin chón ewe familien Kohat
12Nöün Kohat kewe mwän: Amram, Izhar, Hebron me Uzziel. Iir meinisin fömön.
13Nöün Amram kewe mwän:
Aaron me Moses. Aaron me mwirimwirin kewe ra käimwüló feilfeilló chök pwe iir repwe wiisen epini ekkewe mettóch mi unusen pin, repwe ääni ekkewe asór me fän mesen ewe SAMOL, repwe angang ngeni ewe SAMOL o apasa ewe kapasen feiöch lón iten ewe SAMOL. 14Nge ren Moses, ewe mwän mi wor ökkünöön meren Kot, nöün kewe mwän ra ällea pwe iir kinikinin ewe einangen Levi.
15Nöün Moses kewe mwän: Kershom me Eliezer.
16Ewe samolun nöün Kershom kewe mwän itan: Shebuel.
17Ewe samolun nöün Eliezer kewe mwän itan: Rehabiah. Ese wor pwal emön nöün Eliezer. Nge a fókkun chómmóng nöün Rehabiah.
18Ewe samolun nöün Izhar kewe mwän itan: Shelomith.
19Nöün Hebron kewe mwän: Jeriah (ewe souemmwenin famili), Amariah (ewe örüwömönün), Jahaziel (ewe öülümönün), me Jekameam (ewe öfömönün).
20Nöün Uzziel kewe mwän: Mika (ewe souemmwenin famili), me Isshiah (ewe örüwömönün).
Tettelin chón ewe familien Merari
21Ikkeiir nöün Merari mwän: Mahli me Mushi. Nge nöün Mahli kewe mwän: Eleazar me Kish.
22Iwe, Eleazar a mäló, nge esap wor nöün mwän, pwe a chök wor nöün fefin. Iwe, nöün kewe fefin ra pwülüweni tettelin mongeer kewe, nöün Kish kewe mwän.
23Nöün Mushi kewe ülümön mwän: Mahli, Eder me Jeremoth.
24Ikkeiir ekkewe mwirimwirin Levi lón tettelin ar kewe eterenges, iir ekkewe souemmwenin ar kewe kinikinin famili, mi makketiw iter lón ewe iteit. Emön me emön a tori rüwe ierin ika lap seni pwe epwe tüfich ngeni an epwe föri angangen lón imwen ewe SAMOL we. 25Pün David a apasa, “Ewe SAMOL, ewe Koten Israel a fang ngeni kich ach kinamwe, iwe, i epwe pwal nónnóm lón Jerusalem fansoun meinisin. 26Iwe iei, ekkewe mwän seni ewe einangen Levi resap pwal chüen osun ar repwe mwärei ewe Imwenfel mangaku ika och leiin ekkewe pisek ra aea fäniten angangen lón seni ew leeni tori pwal ew leeni.” 27Ei a alóngólóng wón än David we ömwüchchülón kapasen öüröür, pwe meinisin ekkewe mwän seni ewe einangen Levi mi tori rüwe ieriir ika lap seni repwe makkeetiw iter fäniten ar repwe angang lón imwen ewe SAMOL we.
28Iwe, iei än ekkewe mwän seni ewe einangen Levi angang. Iir ra wiisen älisi ekkewe souasór, iir ekkewe mwirimwirin Aaron lupwen ra angang lón imwen ewe SAMOL we. Ra pwal wiisen tümwünü ekkewe leeni lükün ewe Imwenfel me ekkewe ruumw mi nóm leepekin ewe Imwenfel. Ra pwal älillis le föri ewe angangen limelimen ekkewe pisek mi pin meinisin o föri ekkewe pwal ekkóch angang lón ewe imwen Kot. 29Iir ra pwal wiisen tümwünü le amollätä ekkewe pilawa mi pin mi iseisetä wón ewe cheepel, pwal ewe pilawa mi amas o mwirinnö fäniten ewe asóren mwöngö, me ekkewe nokop mi för seni pilawa ese wor iis lón, pwal ekkewe keik mi kuk lón apüra seni föün olif me ekkewe pwal ekkóch pilawa mi nofit. Iir ra pwal wiisen cheki choun me öüküükün ekkewe mettóch meinisin. 30Iwe, iteiten lesossor me lekkuniól iir ra üütä fän mesen ewe SAMOL pwe repwe köölüw ekkewe köölün kilisou me mwareiti ewe SAMOL. 31Iir ra pwal älillis ren ekkewe asóren keek aramas ra ääni ngeni ewe SAMOL lón ekkewe ränin Sabbat me lón ekkewe fansoun chuulapen popun maram, pwal lón ekkewe fansoun chuulap mi kefilitä meinisin. Iir ra wiisen angang fän mesen ewe SAMOL lón pwüngün üküükün iteiter, pwal lón pwüngün lapalapen ar angang a fen makketiw fäniter.
32Iwe, a iei usun pwe fän tümwünüen ekkewe souasór, ekkewe mwän seni ewe einangen Levi ra föri pwüngün wiiser ren ar ra tümwünü ewe Imwenfel mangaku leenien chuuri Kot, ewe Leeni mi Pin, o ra ölükülük le öpwönüwetä angangen wiiser le angang lón imwen ewe SAMOL we.
Än ekkewe Souasór angang
24Iei usun än ekkewe mwirimwirin Aaron, iir ekkewe souasór ra inetitiw lón ekkóch tettelin kinikinin mwiich fäniten ar angang. Ikkeiir nöün Aaron kewe mwän: Nadab, Abihu, Eleazar me Ithamar. 2Nge Nadab me Abihu ra mäló me mwen än semer we mäló, nge esap wor nöüür. Iei minne, Eleazar me Ithamar chök ra sópweló le föri ewe angangen souasór. 3Mwirin, David a inetifeseni ekkewe mwirimwirin Aaron lón ekkóch kinikinin mwiich alóngólóng wón tettelin ar kewe angang ra kefilitä ngeni, nge Zadok emön mwirimwirin Eleazar me Ahimelek emön mwirimwirin Ithamar, ra älisi David. 4Iwe, ekkewe mwirimwirin Eleazar ra inetitiw lón engol me wonu tettelin kinikinin mwiich nge ekkewe mwirimwirin Ithamar ra inetitiw lón walü, pün a wor chómmón souemmwenin famili leiin ekkewe mwirimwirin Eleazar. 5Ekkewe angang meinisin ra ewiis ngeni ekkewe tettelin kinikinin mwiich fän pwüngün üttüüt mi pin pwe esap wor apangaw, pün a wor chómmóng nöüwiis mi tüfich ra angang ngeni Kot lón ewe imw mi pin seni lein ekkewe mwirimwirin Eleazar pwal usun chök seni leiin ekkewe mwirimwirin Ithamar.
6Iwe, Shemaiah nöün Nethanel we mwän emön chón ewe einangen Levi i ewe seketeri a makkeetiw ekkewe iit me ekkewe tettelin kinikinin mwiich me fän mesen ewe king me ewe souasór Zadok me Ahimelek nöün Abiathar we mwän, pwal fän mesen ekkewe souemmwenin än ekkewe souasór kewe famili me ekkewe souemmwenin än chón ewe einangen Levi kewe famili. Ekkewe mwirimwirin Eleazar me Ithamar ra likkesiiwil le angei ar ütüüt. Ra angei ew famili seni mwirimwirin Eleazar, mwirin, ra angei ew famili seni mwirimwirin Ithamar.
7Pwüngün ewe äewin ütüüt a wene ngeni Jehoiarib. Ewe oruuwan a wene ngeni Jedaiah.
8Ewe öülüngätin a wene ngeni Harim. Ewe örüwänüwan a wene ngeni Seorim.
9Ewe elimuwan a wene ngeni Malkijah. Ewe awonuwan a wene ngeni Mijamin.
10Ewe efisuwan a wene ngeni Hakkoz. Ewe awalüwan a wene ngeni Abijah.
11Ewe ettiuwan a wenen ngeni Jeshua. Ewe äengolun a wene ngeni Shekaniah.
12Ewe engol me äewin a wene ngeni Eliashib. Ewe engol me oruuwan a wene ngeni Jakim.
13Ewe engol me öülüngätin a wene ngeni Huppah. Ewe engol me örüwänüwan a wene ngeni Jeshebeab.
14Ewe engol me elimuwan a wene ngeni Bilkah. Ewe engol me awonuwan a wene ngeni Immer.
15Ewe engol me efisuwan a wene ngeni Hezir. Ewe engol me awalüwan a wene ngeni Happizzez.
16Ewe engol me ettiuwan a wene ngeni Pethahiah. Ewe örüween a wene ngeni Jehezkel.
17Ewe rüwe me äewin a wene ngeni Jakin. Ewe rüwe me oruuwan a wene ngeni Kamul.
18Ewe rüwe me öülüngätin a wene ngeni Delaiah. Ewe rüwe me örüwänüwan a wene ngeni Maaziah.
19Ew me ew tettelin kinikinin mwiich a föri wiisan lupwen repwe feitto lón imwen ewe SAMOL we, alóngólóng wón pwüngün ar angang mi öllükütiw fäniter meren Aaron ar we leewo, usun minne ewe SAMOL, ewe Koten Israel a öllük ngeni i.
Ekkewe souemmwenin famili me leiin chón ewe einangen Levi
20Iwe, ikkeiir ekkewe pwal ekkóch souemmwenin famili mi feitto seni mwirimwirin Levi: Shubael ewe souemmwen seni ekkewe mwirimwirin Amram. Jehdeiah ewe souemmwen seni ekkewe mwirimwirin Shubael.
21Isshiah ewe souemmwen seni ekkewe mwirimwirin Rehabiah.
22Shelomoth (ika Shelomith) ewe souemmwen seni ekkewe mwirimwirin Izhar. Jahath ewe souemmwen seni ekkewe mwirimwirin Shelomoth.
23Jeriah ewe äemönün souemmwen seni ekkewe mwirimwirin Hebron, Amariah ewe örüwömönün chón nemenem, Jahaziel ewe öülümönün me Jekameam ewe öfömönün.
24Mikah ewe souemmwen seni ekkewe mwirimwirin Uzziel. Shamir ewe souemmwen seni ekkewe mwirimwirin Mikah,
25pwal Isshiah pwiin Mikah we. Zekariah ewe souemmwen seni ekkewe mwirimwirin Isshiah.
26Mahli me Mushi ekkewe souemmwen seni ekkewe mwirimwirin Merari. Beno ewe souemmwen seni ekkewe mwirimwirin Jaaziah.
27Beno, Shoham, Zakkur me Ibri iir ekkewe souemmwen seni mwirimwirin Merari mi feitto seni Jaaziah.
28Eleazar ewe souemmwen seni ekkewe mwirimwirin Mahli, nge äteei Eleazar esap wor nöün mwän.
29Jerahmeel ewe souemmwen seni ekkewe mwirimwirin Kish.
30Mahli, Eder me Jerimoth iir ekkewe souemmwen seni ekkewe mwirimwirin Mushi.
Ikkeiir ekkewe mwirimwirin Levi lón ar kewe famili. 31Ätekeei ra pwal ewiis ngeni ar angang ren pwüngün üttüüt, usun chök määrärir kewe mwirimwirin Aaron, nge resap nennengeni ieriir ika tettelin lapeer. Ar katolong lón ar angang fän pwüngün üttüüt a fis me fän mesen King David, Zadok, Ahimelek me ekkewe souemmwenin familien ekkewe souasór me souemmwenin chón ewe einangen Levi.
Ekkewe chón kööl
25 Mwirin, David me ekkewe meilap ra filätä ekkóch mwän seni ekkewe familien Asaf, Heman me Jeduthun pwe iir repwe aronga än Kot poraus epwe chiechi ngeni tikin ekkewe pisekin likettik iter harp me laier me simbal. Iwe, iei tettelin iter me ar angang:
2Zakkur, Josef, Nethaniah me Asarelah iir seni leiin nöün Asaf kewe mwän. Iir ra angang fän emmwenien semer we Asaf mi aronga än Kot poraus fän än ewe king öllük.
3Kedaliah, Zeri, Jeshaiah, Shimei, Hashabiah me Mettithiah iir nöün Jeduthun kewe mwän. Ekkeei wonomön mwän ra angang fän emmwenien semer we Jeduthun mi aronga än Kot poraus mi chiechi ngeni tikin ewe harp me köölün kilisou me mwareiti ewe SAMOL.
4Bukkiah, Mattaniah, Uzziel, Shebuel (ika Shubael), Jerimoth, Hananiah, Hanani, Eliathah, Keddalti, Romamti-ezer, Joshbekashah, Mallothi, Hothir me Mahazioth iir nöün Heman kewe mwän. 5Ätekeei meinisin iir nöün Heman kewe mwän, nge Heman i nöün ewe king soufós, pün Kot a etekiatä Heman o fang ngeni i engol me fömön nöün mwän me ülümön nöün fefin.
6Iwe, ekkeei mwän meinisin ra nóm fän emmwenien semer kewe lupwen ra kööl lón imwen ewe SAMOL we.
Wiiser a pacholong ar repwe ettiki ekkewe pisekin likettik iter simbal, laier me harp me lón ewe imwen Kot. Nge Asaf, Jeduthun me Heman ra wiisen repot ngeni ewe king. 7Ätekeei me määrärir kewe, iir meinisin a wor ar silelap me ngiiöch le kööl fän mesen ewe SAMOL. Iir fengen meinisin, 288 chón silelap le kööl. 8Ekkewe chón kööl ra kefilitä ngeni äwenewenen ar angang fän pwüngün üttüüt mi pin, nge resap nennengeni ika iir ölüwöl ika chinlap, sense ika chón käeö.
9Iwe, ewe äewin üttüüt a wene ngeni Josef, seni ewe eterengesin Asaf. A wor engol me rüwömön mwän ra kefilitä seni leiin nöün kewe mwän me määräriir kewe. Ewe oruuwan, a wene ngeni Kedaliah. A wor engol me rüwömön mwän ra kefilitä seni leiin nöün kewe mwän me määräriir kewe.
10Ewe öülüngätin, a wene ngeni Zakkur. A wor engol me rüwömön mwän ra kefilitä seni leiin nöün kewe mwän me määräriir kewe.
11Ewe örüwänüwan, a wene ngeni Izri (ika Zeri). A wor engol me rüwömön mwän ra kefilitä seni leiin nöün kewe mwän me määräriir kewe.
12Ewe elimuwan, a wene ngeni Nethaniah. A wor engol me rüwömön mwän ra kefilitä seni leiin nöün kewe mwän me määräriir kewe.
13Ewe awonuwan, a wene ngeni Bukkiah. A wor engol me rüwömön mwän ra kefilitä seni leiin nöün kewe mwän me määräriir kewe.
14Ewe efisuwan, a wene ngeni Jesarelah (ika Asarelah). A wor engol me rüwömön mwän ra kefilitä seni leiin nöün kewe mwän me määräriir kewe.
15Ewe awalüwan, a wene ngeni Jeshaiah. A wor engol me rüwömön mwän ra kefilitä seni leiin nöün kewe mwän me määräriir kewe.
16Ewe ettiuwan, a wene ngeni Mattaniah. A wor engol me rüwömön mwän ra kefilitä seni leiin nöün kewe mwän me määräriir kewe
17Ewe äengolun, a wene ngeni Shimei. A wor engol me rüwömön mwän ra kefilitä seni leiin nöün kewe mwän me määräriir kewe.
18Ewe engol me äewin, a wene ngeni Azarel (ika Uzziel). A wor engol me rüwömön mwän ra kefilitä seni leiin nöün kewe mwän me määräriir kewe.
19Ewe engol me oruuwan, a wene ngeni Hashabiah. A wor engol me rüwömön mwän ra kefilitä seni leiin nöün kewe mwän me määräriir kewe.
20Ewe engol me öülüngätin, a wene ngeni Shubael. A wor engol me rüwömön mwän ra kefilitä seni leiin nöün kewe mwän me määräriir kewe.
21Ewe engol me örüwänüwan, a wene ngeni Mattithiah. A wor engol me rüwömön mwän ra kefilitä seni leiin nöün kewe mwän me määräriir kewe.
22Ewe engol me elimuwan, a wene ngeni Jerimoth (ika Jeremoth). A wor engol me rüwömön mwän ra kefilitä seni leiin nöün kewe mwän me määräriir kewe.
23Ewe engol me awonuwan, a wene ngeni Hananiah. A wor engol me rüwömön mwän ra kefilitä seni leiin nöün kewe mwän me määräriir kewe.
24Ewe engol me efisuwan, a wene ngeni Joshbekashah. A wor engol me rüwömön mwän ra kefilitä seni leiin nöün kewe mwän me määräriir kewe.
25Ewe engol me awalüwan, a wene ngeni Hanani. A wor engol me rüwömön mwän ra kefilitä seni leiin nöün kewe mwän me määräriir kewe.
26Ewe engol me ettiuwan, a wene ngeni Mallothi. A wor engol me rüwömön mwän ra kefilitä seni leiin nöün kewe mwän me määräriir kewe.
27Ewe örüüwen, a wene ngeni Eliathah. A wor engol me rüwömön mwän ra kefilitä seni leiin nöün kewe mwän me määräriir kewe.
28Ewe rüwe me ewin, a wene ngeni Hothir. A wor engol me rüwömön mwän ra kefilitä seni leiin nöün kewe mwän me määräriir kewe.
29Ewe rüwe me ruuwan, a wene ngeni Kiddalti. A wor engol me rüwömön mwän ra kefilitä seni leiin nöün kewe mwän me määräriir kewe.
30Ewe rüwe me ülüngätin, a wene ngeni Mahazioth. A wor engol me rüwömön mwän ra kefilitä seni leiin nöün kewe mwän me määräriir kewe.
31Ewe rüwe me rüwänüwan, a wene ngeni Romamti-Ezer. A wor engol me rüwömön mwän ra kefilitä seni leiin nöün kewe mwän me määräriir kewe.
Ekkewe chón mammasa ekkewe asamalap
26 Iwe, ikkeei ekkewe kinikinin kewe chón mammasa ekkewe asamalap:
Seni ewe eterengesin Kora: Meshelemiah, nöün Kore we mwän, i emön leiin nöün Asaf kewe mwän.
2Nöün Meshelemiah kewe füümön mwän: Zekariah (ewe mwännichi),
Jediael (ewe örüwömönün),
Zebadiah (ewe öülümönün),
Jathniel (ewe öfömönün),
3Elam (ewe elimmönün),
Jehohanan (ewe awonomönün)
me Eliehoenai (ewe öfüümönün).
4Pwal nöün Obed-Edom mwän:
Shemaiah (ewe mwännichi),
Jehozabad (ewe örüwömönün),
Joah (ewe öülümönün),
Sakar (ewe öfömönün),
Nethanel (ewe elimmönün),
5Ammiel (ewe awonomönün),
Issakar (ewe öfüümönün)
me Peullethai (ewe awalümönün). (Pün Kot a efeiöchüw Obed-Edom.)
6Nöün Obed-Edom we mwän itan Shemaiah a pwal wor nöün kewe mwän mi wor ar tüfich iei popun a wor wiiser wiisen nemenem mi tekia me lón ewe eterenges. 7Nöün Shemaiah kewe mwän: Othni, Refael, Obed me Elzabad. Määrärin Shemaiah kewe iter Elihu me Shemakiah pwal iir ekkóch mwän mi wor ar tüfich. 8Ätekeei meinisin iir mwirimwirin Obed-Edom, pwal pacholong nöüür kewe mwän me nöün nöüür kewe mwän iir mwän mi fókkun lipwäköch, ra tüfich ngeni ar angang. Iteiter meinisin, 62.
9Mi wor nöün Meshelemiah kewe mwän me määräriir kewe, iir mwän mi pwal fókkun tüfich, iteiter meinisin 18.
10Hosah, seni ewe eterengesin Merari a wor nöün kewe mwän: Shimri i ewe samol, (inamwo ika esap i ewe mwännichi, nge saman we a chök ewiisa ngeni ewe wiisen mwännichi). 11Hilkiah (ewe örüwömönün), Tebaliah (ewe öülümönün) me Zekariah (ewe öfömönün). Iteiten nöün Hosah kewe mwän me määräriir kewe mi föri ewe angangen chón masa ekkewe asamalap, iir 13 meinisin.
12Ekkeei kinikinin chókewe mi wiisen mammasa ekkewe asamalepen ewe imwenfel fän emmwenien ar kewe meilap, a wor ar angang lón imwen ewe SAMOL we usun chök pwal määrärir kewe chón ewe einangen Levi. 13A ewiis ngeni ew me ew famili pwe epwe mammasa ew me ew kewe asamalap, nge resap nennengeni ika iir ölüwöl ika chinlap, pün chón föri ei angang ra kefilitä fän pwüngün üttüüt mi pin.
14Iwe, ewe pwüngün üttüüt fäniten chón masa ewe asamalap mi nóm öötiw a wene ngeni Shelemiah (ika Meshelemiah) me an we kininin. Mwirin, ewe pwüngün üttüüt fäniten chón masa ewe asamalap mi nóm efeng a wene ngeni nöün Shelemiah we mwän itan Zekariah, emön mwän mi wor an tipächchem. 15Ewe pwüngün üttüüt fäniten chón masa ewe asamalap mi nóm öör a wene ngeni Obed-Edom, nge ewe pwüngün ütüütü fäniten chón tümwünü ekkewe imwen iseis pisek a wene ngeni nöün Obed-Edom kewe mwän. 16Ewe pwüngün ütüüt fäniten chón masa ewe asamalap mi nóm lotow me ewe asamalap Shalleketh mi nóm wón ewe aal mi äletä ngeni ewe Imwenfel a wene ngeni Shuppim me Hosah.
Ew mwiichen chón mas a siwili pwal ew mwiichen chón mas. 17Iteiten rän a wor üküükün wonomön mwän seni chón ewe einangen Levi ra kefilitä pwe repwe wiisen mammasa ewe asamalap mi nóm peliöötiw, fömön ra mammasa ewe asamalap mi nóm peliefeng, fömön ra mammasa ewe asamalap mi nóm peliöör, nge ökkörüwömön ra mammasa ew me ew ekkewe imwen iseis pisek. 18Wonomön ra kefilitä iteiten rän pwe repwe mammasa ewe asamalap mi nóm pelilotow, fömön ra mammasa ewe asamalap Shalleketh mi nóm wón ewe aal mi aletä ngeni ewe Imwenfel nge rüwömön ra mammasa ewe leeni lükün ewe Imwenfel.
19Ikkeei ekkewe tettelin kinikinin mwiichen chón mammasa ekkewe asamalapen ewe Imwenfel seni ekkewe eterengesin Korah me Merari.
Chón tümwünü kewe leenien iseis pisek öüchchea me pwal ekkóch nöüwiis
20Iwe, ekkewe pwal ekkóch mwän seni ewe einangen Levi ra wiisen tümwünü ewe leenien iseis pisek mi öüchchea me lón ewe imwen Kot, ra pwal tümwünü ekkewe rumwen iseis fäniten ekkewe mettóch mi pin, fän emmwenien Ahijah.
21Jehieli (ika Jehiel) ewe souemmwen seni ewe familien Libni (ika Ladan) me lón ewe eterengesin Kershon. 22Iwe, nöün Jehieli kewe mwän: Zetham me Joel pwiin we ra wiisen tümwünü ewe leenien iseis pisek öüchchea me lón imwen ewe SAMOL we.
23Iwe, ikkeiir ekkewe souemmwen mi leewoto seni Amram, Izhar, Hebron me Uzziel:
24Shebuel emön mwirimwirin Kershom nöün Moses we mwän, i ewe souemmwen seni ewe eterengesin Amram. Ätei i meilapen ewe leenien iseis pisek mi öüchchea. 25Iwe, ikkeiir määrärin Shebuel kewe mi leewoto seni Eliezer: Eliezer a nöünätiw Rehabiah, Rehabiah a nöünätiw Jeshaiah, Jeshaiah a nöünätiw Joram, Joram a nöünätiw Zikri, nge Zikri a nöünätiw Shelomith (ika Shelomoth). 26Shelomith me pwiin kewe ra wiisen tümwünü ekkewe pisek öüchchea, ekkewe mettóch mi pin meinisin ra käimwüüló fäniten ewe SAMOL King David me ekkewe souemmwenin famili me ekkewe meilap wón ngöröw me pwükü mwiichen sounfiu me ekkewe pwal ekkóch meilapen ewe mwiichen sounfiu ra fangeló ngeni Kot. 27Ekkeei mwän ra äimwüweló ekkóch me leiin choon wókuur kewe ra liäpeni lón maun fäniten angangen tümwünün imwen ewe SAMOL we. 28Shelomith me pwiin kewe ra pwal tümwünü ekkewe pisek mi käimwüüló fäniten ewe SAMOL ewe souwo Samuel, Saul nöün Kish we mwän, Abner nöün Ner we mwän me Joab nöün Zeruiah we mwän ra fangeló ngeni Kot. Ekkewe mettóch meinisin mi käimwüüló pwe liffang ngeni Kot, ra nóm fän tümwünüen Shelomith me pwiin kewe.
29Kenaniah i seni än Izhar we eterenges. Kenaniah me nöün kewe mwän ra kefilitä pwe repwe nöüwiisen mwüü me souköpwüng leemelen Israel.
30Hashabiah i seni än Hebron we eterenges. Hashabiah me määrärin kewe, iteiter meinisin, engöröw füüpwükü mwän mi lipwäköch, ra wiisen tümwünü fönüwen ekkewe chón Israel mi nóm lotowun ewe chaanpwuupwu Jordan. Iir ra wiisen sekining fäniten än ewe SAMOL kewe angang meinisin me ekkewe angang fäniten ewe king me lón ena kinikinin leeni. 31Jerijah (ika Jeriah) i seni pwal ewe eterengesin Hebron. Jerijah i ewe samolun ekkewe chón Hebron, alóngólóng wón minne mi makketiw lón tettelin uruwon ar kewe famili. (Lón äfääiken ierin än David nemenem, ra kütta lón ekkewe pwuken uruwo, iwe, a pwä pwe mi wor mwän mi fókkun lipwäköch seni ewe eterengesin Hebron ra nóm lón Jazer lón ewe fönü Kilead). 32Iwe, a wor üküükün ruu ngöröw füüpwükü mwän mi lipwäköch me leiin määrärin Jerijah kewe. Iwe, King David a tiiniireló ngeni peliöötiwen ewe chaanpwuupwu Jordan o ewiiser pwe repwe tümwünü chón ekkewe einangen Reuben me Kad me ewe esóp einangen Manassah. Iir repwe wiisen sekining fäniten ekkewe mettóch meinisin mi söösö ngeni ekkewe mettóch fäniten Kot me ekkewe angang fäniten ewe king.
Ekkewe meilapen sounfiu
27 Iwe, iei tettelin iten ekkewe chón Israel iir souemmwen wón ngöröw me pwükü sounfiu me nöüür kewe meilap mi wiisen angang ngeni ewe king ren ar nemenem wón ekkewe kinikinin mwiichen sounfiu mi föri angangen wiiser iteiten maram lón ew me ew ier. Ew me ew kinikinin mwiichen sounfiu a angang lón ew maram, nge a wor üküükün 24,000 sounfiu lón ew mwiich.
2Jashobeam nöün ew Zabdiel we mwän i meilapen ewe äewin kinikin mi föri ar angang lón ewe äewin maram. A wor üküükün 24,000 sounfiu lón an we kinikin. 3Ätei i emön mwirimwirin Perez, pwal i a nemeni ekkewe meilapen sounfiu meinisin lón ewe äewin maram.
4Dodai, emön mwirimwirin Ahoah i meilapen ewe oruuwen kinikin mi föri ar angang lón ewe oruuwen maram. A wor üküükün 24,000 sounfiu lón an we kinikin. Mikloth i ewe kisin fän Dodai.
5Benaiah nöün ewe souasór Jehoiada we mwän i meilapen ewe öülüngätin kinikin mi föri ar angang lón ewe öülüngätin maram. A wor üküükün 24,000 sounfiu lón an we kinikin. 6Iei i ätewe Benaiah mi nemeni än David we mwiichen sounfiu mi pwora ra kööri ngeniir pwe iir ekkewe Iliik mwän mi pwora. Iwe, Ammizabad nöün we mwän a wiisen nemeni an ei kinikin.
7Asahel, pwiin Joab we, i meilapen ewe örüwänüwen kinikin mi föri ar angang lón ewe örüwänüwen maram. A wor üküükün 24,000 sounfiu lón an we kinikin. Nöün Asahel we mwän itan Zebadiah a siwili le nemeni an we kinikin.
8Shamhuth (ika Shammah), emön mwirimwirin Izrah, i meilapen ewe elimuwen kinikin mi föri ar angang lón ewe elimuwen maram. A wor üküükün 24,000 sounfiu lón an we kinikin.
9Ira nöün Ikkesh we mwän seni Tekoa i meilapen ewe awonuwen kinikin mi föri ar angang lón ewe awonuwen maram. A wor üküükün 24,000 sounfiu lón an we kinikin.
10Helez, emön mwirimwirin Efraim seni Pelon, i meilapen ewe efisuuwen kinikin mi föri ar angang lón ewe efisuuwen maram. A wor üküükün 24,000 sounfiu lón an we kinikin.
11Sibbekai, emön mwirimwirin Zerah seni Hushah i meilapen ewe awalüwen kinikin mi föri ar angang lón ewe awalüwen maram. A wor üküükün 24,000 sounfiu lón an we kinikin.
12Abiezer seni Anathoth mi nóm lón fönüwen chón ewe einangen Benjamin i meilapen ewe ettiuwen kinikin mi föri ar angang lón ewe ettiuwen maram. A wor üküükün 24,000 sounfiu lón an we kinikin.
13Maharai, emön mwirimwirin Zerah seni Netofah i meilapen ewe äengolun kinikin mi föri ar angang lón ewe äengolun maram. A wor üküükün 24,000 sounfiu lón an we kinikin.
14Benaiah seni Pirathon mi nóm lón ewe fönü Efraim i meilapen ewe engol me ewin kinikin mi föri ar angang lón ewe engol me ewin maram. A wor üküükün 24,000 sounfiu lón an we kinikin.
15Heldai (ika Heled), emön mwirimwirin Othniel seni Netofah i meilapen ewe engol me ruuwen kinikin mi föri ar angang lón ewe engol me ruuwen maram. A wor üküükün 24,000 sounfiu lón an we kinikin.
Souemmwenin ekkewe einang
16Iwe, ikkeei ekkewe einangen Israel me ar kewe souemmwen: Eliezer nöün Zikri we mwän i souemmwenin ewe einangen Reuben. Sefatiah nöün Maakah we mwän i souemmwenin ewe einangen Simeon.
17Hashabiah nöün Kemuel we mwän i souemmwenin ewe einangen Levi. Zadok i souemmwenin ewe familien Aaron, ekkewe souasór.
18Elihu, emön leiin pwiin David kewe, i souemmwenin ewe einangen Judah. Omri nöün Mikael we mwän i souemmwenin ewe einangen Issakar.
19Ishmaiah nöün Obadiah we mwän i souemmwenin ewe einangen Zebulun. Jerimoth nöün Azriel we mwän i souemmwenin ewe einangen Naftali.
20Hoshea nöün Azaziah we mwän i souemmwenin ewe einangen Efraim. Joel nöün Pedaiah we mwän i souemmwenin ewe esóp einangen Manassah mi nóm lotowun ewe chaanpwuupwu Jordan.
21Iddo nöün Zekariah we mwän i souemmwenin ewe esóp einangen Manassah mi nóm öötiw lón Kilead. Jaasiel nöün Abner we mwän i souemmwenin ewe einangen Benjamin.
22Azarel nöün Jeroham we mwän i souemmwenin ewe einangen Dan.
Ikkeiir ekkewe souemmwenin ekkewe einagen Israel.
23Lupwen David a angei iteiten ekkewe aramasen Israel, esap älleani iteiten ekkewe mwän mi kis seni rüwe ieriir, pwokiten ewe SAMOL a fen pwon pwe i epwe achómmóngaló ekkewe chón Israel pwe repwe usun chómmóngun ekkewe füün läng. 24Joab nöün Zeruiah we mwän a popuetä le älleani iteiten chón Israel, nge esap äwesaló, pwokiten än Kot we soong a efeiengawa ekkewe chón Israel pwokiten ei ällean iteit. Iei minne, ewe unuselapen iteit esap pwal makkelong lón pwuken uruwon ewe King David.
Ekkewe nöüwiis lón mwüün David
25Iwe, Azmaveth nöün Adiel we mwän a wiisen nemeni än ewe king leenien iseis pisek öüchchea.
Jehonathan nöün Uzziah we mwän a wiisen nemeni ekkewe leenien iseis pisek öüchchea mi nóm leemelen ekkewe telinimw, sóóp me ekkewe imw mi tekia o pöchökkül tittiir lón Israel.
26Ezri nöün Kelub we mwän a wiisen nemeni ekkewe chón angang lón tännipi mi atakeeni fönüen ewe king kewe.
27Shimei seni Rama a wiisen nemeni än ewe king kewe tännipin irän wain.
Zabdi seni Shefam a wiisen sekining wón üwään ekkewe irän wain fäniten an epwe wor wain lón ekkewe leenien iseis wain.
28Baal-Hanan seni Keder a wiisen nemeni än ewe king kewe irä olif me ekkewe irä sikamor mi nóm lón ekkewe fönü mi tekisón o maasies lón Judah.
Joash a wiisen sekining wón ewe leenien iseis apüra mi för seni föün olif.
29Shitrai seni Sharon a wiisen nemeni ekkewe pwiin kowu mi nóm lón ewe maasiesin Sharon.
Shafat nöün Adlai we mwän a wiisen nemeni ekkewe pwiin kowu mi nóm lón ekkewe leemól.
30Obil ewe mwirimwirin Ishmael a wiisen nemeni ekkewe kamel.
Jehdeiah seni Meronoth a wiisen nemeni ekkewe dongki.
31Jaziz emön mwirimwirin Hakri a wiisen nemeni nöün ewe king kewe pwiin siip.
Ikkeiir ekkewe nöüwiis meinisin iir chón souwaani pisekin King David.
32Jonathan tettelin semen David we i emön souöüröür ngeni ewe king, i emön souöüröür mi tipächchem me emön mwän mi wätte an weweöch, pwal i emön soummak. Jehiel ewe chón Hakmoni a wiisen tümwünü nöün ewe king kewe mwän le esikuuler.
33Ahitofel i nöün ewe king souöüröür. Hushai ewe re Ark i chiechien ewe king. 34Jehoiada nöün Benaiah we mwän a siwili Ahitofel lón leenian, nge Abiathar a siwili Jehoiada lón leenian.
Joab i ewe meilapen nöün ewe king mwiichen sounfiun Israel.
Än David kapasen öüröür ngeni Solomon
28 Iwe, David a köörato nöün kewe nöüwiis meinisin ngeni Jerusalem, iir ekkewe souemmwenin kewe einang me ekkewe meilapen kewe engol me ruu tettelin kinikinin mwiichen sounfiu me ekkewe pwal ekkóch meilapen ngöröw me pwükü mwiichen sounfiu me ekkewe chón souwaani meinisin pisekin ewe king me nöün pwiin maan, ekkewe nöüwiisen lón imwen king, ekkewe mwän mi pwora me ekkewe pwal ekkóch sounfiu mi pwora lón ewe mwüü.
2Iwe, David a üütäsini o üütäló mweer. Iwe, iei meet a apasa ngeniir: “Ämi pwii kana me neii aramas. Iei äi mochen pwe üpwe öüüwetä ew Imwenfel ia än ewe SAMOL we pwórun pwon, än Kot we leenien pwuun pecheen, epwe tongeni asöösö fóchófóch ie. Ngang üwa fen wes le amollätä ekkewe pisek pwe üpwe öüüwetä ewe imw. 3Nge Kot a apasa ngeniei, ‘En kosap öüüwetä ew Imwenfel pwe epwe afóna itei, pwokiten en emön soumaun o ka össükü chómmóng chcha.’
4Nge ewe SAMOL, ewe Koten Israel a filieitä seni leiin chón än semei famili meinisin pwe üpwe kingen Israel feilfeilló chök. Pün i a filätä ewe einangen Judah pwe epwe nemenem. Iwe, a filätä än semei famili seni leiin ekkewe familien Judah. Iwe, seni leiin nöün semei kewe mwän, ewe SAMOL a pwapwaiti an epwe atolongaei pwe üpwe king lón unusen Israel. 5Iwe, ewe SAMOL a fang ngeniei chómmóng neii mwän. Nge seni leiin neii kewe mwän meinisin, i a filätä neii we mwän Solomon pwe epwe siwiliei le móót wón ewe leenien móótun king lón mwüün ewe SAMOL mi nemeni Israel. 6Iwe, i a pwal apasa ngeniei, ‘Noum we mwän Solomon epwe öüüwetä äi we Imwenfel me ekkewe leeni mi nóm ünükkün, pün ngang üwa filätä i pwe epwe neii mwän, nge ngang üpwe saman. 7Iwe, are i epwe sópweló le älleasochisi äi kewe öllük me pwüüng usun minne i a föri iei, ngang üpwe önüküchchara mwüün tori feilfeilló chök.’
8Iei minne, iei Kot i nöüch chón pwärätä, pwe ngang üwa ngeni kemi ei kapasen ölükülük fäniten chón Israel meinisin, iir nöün ewe SAMOL mwiichen aramas: Öüpwe fókkun tümwünüöchüw pwe öüpwe älleasochisi ekkewe öllük meinisin än ewe SAMOL ämi we Kot, pwe öüpwe fönüweni ei fönü mi mwirinnö o likitätiw ngeni nöümi kana repwe tapweto mwirimi pwe repwe fönüweni fóchei.
9Iwe, en Solomon neii mwän, kopwe silei ewe Kot än óm kewe leewo. Kopwe fel o angang ngeni i ren unusen lelukom me ew tiip mi älleasochis. Pün ewe SAMOL a küna iteiten letip meinisin, a weweiti o silei iteiten akkóót me ekiek meinisin. Are en ka kütta Kot, en kopwe küna i. Nge are kopwe likitaló i, i epwe pöütukeló feilfeilló chök. 10Iei minne, kopwe anómwu lón óm ekiek pwe ewe SAMOL a filuketä pwe en kopwe öüüwetä ew Imwenfel pwe epwe ew an leeni mi pin. Kopwe pöchökkül o föri ewe angang.”
11Mwirin, David a ngeni Solomon nöün we mwän ekkewe lioos fäniten ewe Imwenfel me pwellin ünükkün, pwal pacholong lioosun ekkewe leenien iseis pisek mi öüchchea, ekkewe rumwen asan, ekkewe rumwen lón me ewe leeni mi pin ia pwölüpwölün ewe Pwórofel - ewe leenien móótun ümöümöch, leenien omwusomwusen tipis, epwe iseis ie. 12David a pwal ngeni Solomon ekkewe lioos meinisin minne ewe Ngüün mi nóm lón a atolonga lón an ekiek fäniten ekkewe leeni lükün än ewe SAMOL we Imwenfel, ekkewe ruumw meinisin mi nóm pwellin ünükkün, ekkewe leenien iseis pisek mi öüchchea fäniten än Kot we Imwenfel me ekkewe ruum fäniten ekkewe liffang mi käimwüló. 13Ewe king a pwal ngeni Solomon an kapasen öüröür fänäsengesin ekkewe angang än ekkewe kinikinin mwiichen souasór me ekkewe mwän seni ewe einangen Levi ra wiisen föri me lón än ewe SAMOL we Imwenfel. Iwe, a pwal ngeni tichchikin förün ekkewe pisekin lón än ewe SAMOL we Imwenfel repwe aea fäniten fel me asór. 14David a pwal awora an kapasen öüröür fänäsengesin an epwe ifa üküükün choun kolt me silifer repwe aea le föri ekkewe pisek repwe för seni kolt me silifer. 15David a pwal üreni Solomon üküükün ewe kolt epwe äeä fäniten ekkewe leenien etittin repwe för seni kolt me ekkewe laamp repwe för seni kolt, pwal üküükün ewe silifer fäniten ekkewe leenien etittin repwe för seni silifer me ekkewe laamp wón, alóngólóng wón ifa öüküükün repwe aea wón ew me ew kewe leenien etittin. 16David a pwal öükaló ükkükün choun ewe kolt fäniten ewe cheepel ia ewe pilawa mi pin epwe iseisetä ie, pwal üküükün choun ewe silifer fäniten ekkewe pwal ekkóch cheepel repwe för seni silifer. 17David a pwal öükaló üküükün choun ewe kolt mi mwirinnö fäniten ekkewe fóók repwe aea le chüüri fituken ekkewe mönün asór, pwal fäniten ekkewe kükkün sepien ässupwu chcha me ekkewe wään kólik, pwal üküükün choun ewe silifer fäniten ew me ew sepi epwe för seni silifer. 18Ömwüchchülón, David a öükaló üküükün choun ewe kolt mi mwirinnö fäniten ewe róngen asóren ötüöt. A pwal ngeni Solomon ewe lioos fäniten ewe wóóken, iei ekkewe uluulun kerop mi för seni kolt mi emeresaló pöükässiir kewe o pwölüweló än ewe SAMOL we pwórun pwon.
19Iwe, David a apasa ngeni Solomon, “Iteiten kinikinin ei akkóót meinisin ra makketiw fän emmwenien pöün ewe SAMOL mi nóm wóói o a föri pwe üpwe weweiti tichchikin ei akkóót.”
20Mwirin, David a sópweló le apasa ngeni Solomon nöün we mwän, “Kopwe pöchökkül o tipepwora, o kopwe föri ewe angang. Kosap nuokkus ika apilükülükingaw ren üküükün löllöön ewe angang, pün ewe SAMOL Kot, äi we Kot, epwe fituk. I esap tümwününgaw ngenuk, esap pwal likituk. I epwe piipifichi pwe ewe angang meinisin mi äwenewen ngeni än ewe SAMOL we Imwenfel epwe wesöch. 21Ekkewe tettelin kinikinin mwiichen souasór me chón ewe einangen Levi ra mollotä fäniten ar repwe föri angangen lón än Kot we Imwenfel. Ekkewe pwal ekkóch mwän mi sipeöch lón sakkopaaten angang repwe nóm reemw pwe repwe älisuk lón ewe angang ren pwisin mochen letiper. Pwal ekkewe souemmwen me unusen chón ewe mwüü ra nóm fän óm nemenem.”
Ekkewe liffang fäniten köüütän ewe Imwenfel
29 Mwirin, King David a säp ngeni unusen ewe mwiichen aramas o apasa, “Neii ei mwän Solomon, i ewe emön Kot a filätä pwe epwe tapw mwiri le kingen Israel, a chüen chök ier kükkün o esap mwo pwal mwokos. Ewe angang mi nóm mwan a fókkun wätte, pwokiten ewe Imwenfel i epwe öüüwetä esap pwal ew chök imwen aramas pwe ew imw fäniten ewe SAMOL Kot. 2Ngang üwa aea iteiten mettóch mi wor fän äi nemenem o ionifengeni öüküükün minne ngang üwa tongeni fäniten köüütän ewe Imwenfel imwen äi we Kot. Iwe, iei a naaf ewe kolt fäniten ekkewe mettóch repwe för seni kolt, silifer fäniten ekkewe mettóch repwe för seni silifer, ewe piraas fäniten ekkewe mettóch repwe för seni piraas, mächä fäniten ekkewe mettóch repwe för seni mächä, mwüüch fäniten ekkewe mettóch repwe för seni mwüüch. Üwa pwal amollätä chómmóng kewe sókkun faaw öüchche itan oniks me ekkewe pwal ekkóch faaw öüchche mi arawaraw, ekkewe faaw mi sakkopaat önüweer mi möömmóng pwal sakkopaaten faaw mi misimis me ewe faaw itan marböl. 3Iwe iei, pwokiten äi öüchcheani ekiekin ewe Imwenfel imwen äi we Kot, ngang üwa fangaló seni pwisin äi leenien iseis pisek öüchchea kolt me silifer pwe äi älillis lón ewe angangen köüütän imwen äi we Kot. Minne ngang üwa fangeló a lap seni meinisin minne üwa fen amollätä le ionifengeni fäniten ewe imw mi pin. 4Ngang üwa tupwuni lap seni ülüngät ngöröw talent kolt seni ewe kolt minen Ofir me fisu ngöröw talent silifer mi mwirinnö pwe repwe aea fäniten chechchen etippen ekkewe imw, 5pwal fäniten ekkewe pwal ekkóch mettóch ekkewe souangang repwe föri seni kolt me silifer. Iwe, iö a mochen epwe appirüw minne üwa föri? Iö a mochen ngeni ewe SAMOL an asór ikenäi?”
6Mwirin, ekkewe souemmwenin famili, ekkewe móngómalen ekkewe einangen Israel, ekkewe meilapen wón ngöröw me pwükü mwiichen sounfiu me nöün ewe king kewe nöüwiisen lón mwüün meinisin ra fangaló seni pwisin mochenin letiper. 7Ra fangaló fäniten angangen ewe Imwenfelin Kot üküükün limu ngöröw talent kolt me engol ngöröw darik kolt, engol ngöröw talent silifer, engol me walüw ngöröw talent piraas me ipwükü ngöröw talent mächä. 8Ra pwal fanganato sakkopaaten faaw mi öüchchea o ra iseiselong lón ewe leenien iseis pisek öüchchea lón imwen ewe SAMOL we, fän tümwünüwen Jehiel emön mwirimwirin Kershon. 9Iwe, ekkewe aramas ra pwapwa ren ekkewe asór, pün ra fangeló seni pwisin mochenin letiper me unusen leluker ngeni ewe SAMOL. Iwe, pwal ewe King David a uren pwapwa.
Än David iótekin mwareiti Kot
10Mwirin, David a mwareiti ewe SAMOL me fän mesen unusen ewe mwiichen aramas o apasa:
“Äi SAMOL, en ewe Kot än äm we leewo Israel, äm aipwe mwareituk esap mwüchchüló tori feilfeilló chök! 11Äi SAMOL, en chök ka ääni ewe tekia, ewe manaman, ewe ling, ewe pwora me ewe iteföüló. Pün meinisin minne a nóm lón läng me wón fönüfan, óm, äi SAMOL, iwe, ei mwüü iei mwuum. Äm aia ingeituk, pün en ewe emön mi nóm asen mettóch meinisin. 12Wöw me iteüöch ra feitto senuk echök, pün en ka nemenem wón mettóch meinisin. Manaman me pöchökkül ra nóm lón pöum, iwe, a nóm fän óm tüfichin filätä pwe aramas repwe tekia me pöchökkül. 13Iei minne, äm Kot, äm aia kilisou ngenuk o mwareiti itom mi ling.
14“Nge ngang iö, pwal iö neii keei aramas, pwe äm aipwe tongeni fang ngenuk ei öüküükün fän pwisin mochenin letipeem? Pün mettóch meinisin a wor reem ra feitto senuk. Iwe, äm aia fang ngenuk meet chök en ka fen fang ngeni keem! 15Äm aia nóm ikeei lón ew chök fansoun, äm chón ekis me chón siamwü lón ewe fönü, usun äm kewe leewo mi akkomw mweem. Ränin manawem wón fönüfan ra usun chök ew nür, ra mwittir feilló nge esap wor iamwirin. 16O SAMOL äm Kot, ekkeei mwo pisek mi somwosomwoló äm aia ionifengeniir pwe aipwe öüüwetä ew Imwenfel pwe aipwe afóna itom mi pin, nge ra feitto senuk. Ekkeei mettóch ra feitto seni lón pöum, pwal iir meinisin, óm. 17Äi Kot, ngang üwa silei pwe en ka etittina leluken aramas o ka pwapwa lupwen ka küna pwe a wor wenechchar lón. En ka silei pwe ngang üwa mochen fangaló ekkeei mettóch meinisin fän mwirinnöön ekiekin lelukei. Iwe, fän äi pwapwa, ngang üwa küna noum kewe aramas mi nóm ikeei pwe ra fangeló ar kewe liffang ngenuk seni mochenin me pwapwan letiper. 18Äi SAMOL ewe Kot än äm kewe leewo Abraham, Isaak me Israel, kopwe önnükätiw ei mochen lón leluken noum kewe aramas pwe repwe älleasochisik iteiten fansoun meinisin, kopwe pwal anómwu lón leluker pwe ar echenuk esap fókkun siiwil. 19Iwe, kopwe fang ngeni neii we mwän Solomon ew leluk mi unusen ölükülük pwe epwe älleasochisi óm kewe öllük meinisin me óm kewe kapasen pwärätä me óm kewe pwüüng, pwe i epwe föri ekkeei mettóch o epwe öüüwetä ewe Imwenfel ngang üwa fen amollätä ekkeei pisek meinisin fänitan.”
20Mwirin, David a apasa ngeni unusen ewe mwiichen aramas, “Iei öüpwe mwareiti ewe SAMOL ämi we Kot.” Iwe, unusen ewe mwiichen aramas ra mwareiti ewe SAMOL, ewe Kot än ar kewe leewo. Ra pwarootiw o fótopwäsukutiw fän mesen ewe SAMOL me ewe king.
Solomon a kepit pwe epwe king
21Lón ewe rän mwirin, ekkewe aramas ra uweato engöröw ätemwänin kowu, engöröw ätemwänin siip me engöröw ätemwänin liälifföön siip pwe ar asóren keek ngeni ewe SAMOL. Ra pwal uweato ekkewe asóren wün me pwal chómmóng sókkun asór fänäsengesin chón Israel meinisin. 22Iwe, ra kametip o wün me fän mesen ewe SAMOL fän pwapwa lón ewe ränin.
Mwirin, a iei oruuwen fansoun ra pwärätä le etiwa Solomon nöün David we mwän pwe epwe ar king mi fö. Iwe, ra epiti Solomon me fän mesen ewe SAMOL pwe epwe ar souemmwen. Ra pwal epiti Zadok pwe epwe ar souasór. 23Iei minne, Solomon a móót wón än ewe SAMOL we leenien móótun king pwe i epwe king lón leenien David saman we. Iwe, Solomon a fókkun feffeitä, nge chón Israel meinisin ra älleasochisi i. 24Iwe, nöün ewe king kewe nöüwiis meinisin, ekkewe meilapen mwiichen sounfiu me nöün King David kewe mwän meinisin ra pwon pwe repwe ölükülük ngeni King Solomon.
25Iwe, ewe SAMOL a fókkun etekiatä Solomon pwe unusen chón ewe mwüün Israel ra üütä lón ar suuföliti i. Iwe, ewe SAMOL a fang ngeni Solomon wöw mi lapalaap me iteüöch lap seni saman we.
Poraus mwochomwooch usun än David nemenem
26Iei usun än David nöün Jesse we mwän a nemenem wón unusen Israel. 27A nemeni Israel lón üküükün fääik ier. I a nóm lón Hebron o nemenem lón üküükün fisu ier. Mwirin, a nóm lón Jerusalem o nemenem lón üküükün iliik me ülüngät ier. 28David a mäló lupwen an a chinlap o langattam ierin manawan. A pisekisek o iteföüló. Mwirin, nöün we mwän Solomon a siwili lón leenian le nemenem.
29Iwe, meinisin porausen ekkewe mettóch mi fis lupwen än David nemenem seni lepoputän tori sópwólón, ra makketiw lón Nöün Ewe Souwo Samuel Pwuken Uruwo, lón Nöün Ewe Soufós Nathan Pwuken Uruwo me lón Nöün Ewe Souwo Kad Pwuken Uruwo. 30Ra pacholong lón ekkeei poraus tichchikin porausen än David kewe föfförün pwora lupwen an nemenem pwal porausen iteiten ekkewe mettóch meinisin mi fis ngeni i pwal ekkewe mettóch mi fis ngeni Israel me mwüün ekkewe pwal ekkóch fönü meinisin mi nóm pwellin ünükkün.